¹ Lan kuli n bo pendi Isaraheli yudanba bo nagini n kani ki yedi .Isaraheli yaaba ,yeni b kopadicianba yeni Lefi buolu yaaba ki sani ki fagidi yeni ki naa buolu yaaba .B tuuni a cacagtuona ki togidi kanana yaba ,Heta yaaba ,Felesa yaaba ,Jebusa yaaba Amani yaaba ,Moabi yaaba,Ejipili yaaba yeni Amola yaaba tuona. ² kelima bi bijaba yeni bi bisiaba kuani bi lieba ban i yaaba ke u Tienu gagidi ba taani yeni ya buolu k bani u Tienu .B yudanba yeni bi bijua n cili laa tuonbiadi . ³ Min bo gbadi li bona n pali bo bondi ke n padi n tialaakaadi yeni n liadigbengili ke ŋanbi ŋanbi ke kali ⁴ Yaaba ke u Tienu maama bo siiba kelima yaaba bo ñani t yonbidi nni tuonbiadi po bo nagini n kani . N pali ŋmadi ke n kali hali ke li pundi ku yenjuogu padili yogunu . ⁵ U yenjuogu padili yognu n bo pundi n bo fii min boandi n pali ki jiini n yuli ki kaa naankani ke la n tiapandiyeni. N bo gbaani ki yugidi n nuu ki tandi ki teginili miali Diedo n Tienu. ⁶ N bo yedi o ; n Tienu i fei pia n ke n yuli tiibi .N Tienu kan fidi ki yaadi n yuli ki diid'a kelima t tuonbiadi yabi ti li pundi hali tanpoli. ⁷ Hali t yaaja nba yogunu ti tuonbiadi yabidi lani yaapo i ke a bo taani ti tinba yeni kopadicianba ki teni i nilanbuoli badiba ke bi tuogi ti yeni b tuabu ki paadi ti ki gedi yen ti t yonbidi nni . ⁸ Ama li miali Tienu t diedo diidi ti yeni ninbaagu ki teni ti nitianba la mi faabima ki go puni ti u kunkuanu ki lan yendi ti nunmu ki ñangi ti t yonbidi nni . ⁹ T ye t yonbidi nni ama u Tienu naa ŋaa'ti .U teni ke bi paatieba ,Pelesa yaaba jie'ti ninbaagu ki ŋaa ti li miali ke t fidi ki maa u Tienu diegu yaagu bo mudi .ki go teni ke t la u kunkuanu kana yali n ŋaani Juda diema nni leni Jerusalemi nni. ¹⁰ Moala t baa yedi be li kuli ya puoli ?kelima t yie ŋaa li balimaama ¹¹ ŋan bo tie ti ya maama ki teni ke a saawalipuala pua ki tua : yin caa ya diema nni ki baa n diedi ma yeni tie ya diema n joagini li diema buolu n kuani li joagindi li diema nni ¹² Da pa yi bisiaba bi bijaba ,yin da taa bi bisiaba mo yi bijabapo.yin da todi ba biyema n nangi ban baa mi yamduama .Li bu teni yi u paalu ,ki cedi yin dii ya manu ki pia po ki sienii puoli ŋuani. ¹³ yeni tin tieni ti tuonbiadi teni tin tuadi maama kuli ŋan ŋmagi t tubili lan buali maama .A ŋaa miali tuba yaaba n tiendi ti yonbidinni ¹⁴ T go baa tugini ki yie ki daa colini a balimaama ki go taani ya buolu fani nni ki ya tuudi bi tuonbiadi ? ¹⁵ Li miali diedo tinba Isaraheli yaaba Tienu, a tiegi kelima a Fabi timi nitianba siiga. Diidi ti ye a nintuali yeni ti tuonbiadi kan go fiidi ki ya ye a nintuali.