¹ O Diedo den yedi Moyiisi, "Kpiedi tanpabmu lie nani kpiama tanpabmu yeni. N ba diani li tanpabmu po ya ñɔbona n den ye kpiama tanpabikpiamu po ke a den mudi yeni ² ŋan tuodi ki fii siŋaapanpangu, ki do Sinaayi juali po na, ŋan do ki sedi N nintuali, Sinaayi juali yuli po. ³ Niloba kuli ń da yegi yeni a ki do li juali po. ŋan da cedi nilo bakuli ń pɔndi li juali po. Ban da kpaa yangbenga bii yanbidi ki nagni juali." ⁴ Lanwani ii, Moyiisi den kpiedi tanpabmu lie nani mu kpiamu yeni, ki yagdiki fii, ki doni Sinaayi juali po, nani O Diedo ń den tuodi ki waani o maama. Moyiisi den muubi li tanpabliedmu o nuu nni. ⁵ O Diedo den pendi ti talwadi nni, ki sedi Moyiisi kani, ki kpaandi ki yini o yeli, "O Diedo." ⁶ O Diedo den cua ki pendi o nintuali, ki kpaandi "O Diedo, O Diedo, Ya Tienu n pia mi niñingbadma ki go tie mi ŋanma, O ki biendi o pali tonma, o gbie yeni mi teginma, ti dudugdi yeni li dandanli, ⁷ O kubi mi tginma yeni ti dudugdi hali ni fiima tudli, ki di sugli mi tudma po ti tuonbiadi po, yeni mi yenyiema po. Ama o kan bu mi teginma buudi yeni ti tuonbiadi daano. Ti tuonbiadi danba bila yeni bi yaabila hali nifiima taa bii nifiima na ba pa nbi danba tuonbiadi pani." ⁸ Ke Moyiisi gbaani ki ji pugi o. ⁹ O den maadi, "N Diedo, li ya tie ke a pali mani npo, ŋan ya ye yeni ti kelima ya buolu ne tie tubkangbada i. Mia sugli ti yenyiema po yeni ti tuonbiadi po, ki taa ti tin ya tie a ya piama." ¹⁰ O Diedo den yedi, "Diidi, N go ba loli ku dɔnligu ŋantaado yeni yi. Yinba li nitaanli nintuali, N ba tieni yaalidgu bonli, yaali n da kp kpeli ki tieni ki tinga nni kuli yeni diema bá nni kuli. Li nitaanli kuli ba la N tuona, kelima min ba sɔni ya tuona yeni yi, baa pia ti jawaandi. ¹¹ ŋan cɔlni min ba waani a yaali dinne. N bobindi ke min deli ki yaani Amori yaaba, Kanana yaaba, Hititi yaaba, Perisiti yaabaHifiti yaaba yeni Jibusiti yaaba yaaba n ye i liiga po. ¹² Yin fangi i yula ki da loli ŋantaadi bakuli yeni yin caa naakani ya niba, lanyaaka bi ba tua diagu bonli ipo. ¹³ Yin ba tieni yaali n ne, yin pua ki mumudi bi padbinbida, ki tudi ki lu bi buli tancaada, ki cua ki guli Acihera buli daacaardi. ¹⁴ Kelima i kan pugi buloba kuli, kelima O Diedo yua ya yeli n tie o ponpondaano, tie ya Tienu n pi li ponponli i. ¹⁵ Lanwani ii, ŋan fangi a yuli, yin da loli ŋantaado bakuli yeni li diema nni niba kelima bi conbi bi yu la yeni bi buli, ki yidi bi buli salga. Li ba fidi nitianba bi siiga nni yini yi, yin di ti padjiedi, ¹⁶ Yaali n go ye, li ba fidi yin taa bi bisiaba, i bijaba ń kuani ba, bi bisiaba ba conbibi yula yeni bi buli, ki cedi i bijaba mo ń conbi bi yula yeni bi buli. ¹⁷ Yin da tagi kudi bulo ki ya pugi. ¹⁸ Yin ya tiani ya kpanu n ki pia dabinli jaanma. Nani min waani yi maama, li yogu ya pundi, Abiiba ŋmalo nni, i ba ŋmani ya kpanu n ki pia dabinli dana lele, kelima Abiiba ŋmaalo nni i ke i de ñani Ejipti diema nni. ¹⁹ Ban mali ya bikpiala kuli tie n yaa i, bá ti yandibikpiala tie yaa i, i nee yeni i pee kuli. ²⁰ Li buali ke yin daa ki lebdi o ŋunbo bikpiaga yeni pabiga, ama, i ya ki daa ki lebdi, yin nan pua ki mudi o punkpaali. Li go buali ke yin daa ki lebdi i bijaba bikpiala. Nilo bakuli kan nagni N nintuali yeni nuukuomu. ²¹ Li buali ke yin sɔni dana luoba, li daaleleli daali, yin fuodi. Bá li ya tie tanbulbu yognu bii ku jetaagu yognu, li buali ke yin fuodi i. ²² Yin ya kubi laado lele jaanma, yaama n tie kpanu yoma bima jaanma, ki go da sundi ku jetaagu jaanma mo, yaama n tie li binli juodma. ²³ I buolu nni jaba kuli ba nagni O Yonbdaano, O Diedo, Israyeli Tienu nintuali taalma taa, binli nni. ²⁴ Kelima N ba deli ki yaani i nibuoli i nintuali ki pugni i diema tinbianu. I ya nagdi N nintuali taalma taa binli nni, niloba kuli kan bigni ke o ba diedi i diema. ²⁵ I kan yidi salga ki taani mi padsɔma yeni ya kpanu n tieni dabinli, i go ya dini mi pendima jaanma, li nandi kan sieni hali lan fandi. ²⁶ Li buali ke yin cua yeni i kuni nni bonluonkakpila yaa n ŋani bonciala li gbandieli nni. I kan ŋaani ŋɔbiga nandi ki naá biima nni." ²⁷ O Diedo den yedi Moyiisi, "ŋan diani li n̄ɔbona kuli, kelima ŋani n tie min yaadi ki yedi ya ñɔmaama, ki loli ya ŋantaadi yeni fini yeni Israyeli buolu yeni yiko ñiali." ²⁸ Moyiisi den ye likani yeni O Died o dana piina yeni ñiadi piina; o den ki dini jiedi, o go den ki ñuni ñima. O den diani mu tanpabmu po yiko ñɔbona, yaa n tie Yiko ñɔbona piiga. ²⁹ Moyiisi ń ñani Sinaayi juali po ki jiidi, ki muubi yiko ñɔbona ń diani ya tanpabliedmu yeni po, o den ki bani ke wan den maadi yeni O Diedo yeni , o nunga den lebdi ki ñilgi, ki tuudi. ³⁰ Haarɔn yeni Israyeli yaaba ń la Moyiisi ke o nunga ñilgi ki tuudiyeni, bi den jie o i, kaa bua ke bi nagni o . ³¹ Ama Moyiisi den yini ba ke Haarɔn yeni bi cancannikpelba taani o kani. Moyiisi den maadi yeni ba. ³² Lani ń pendi, ke Israyeli yaaba kuli taani Moyiisi kani, ke o waani ba ya yiko ñɔbona ke O Diedo teni o Sinaayi juali po. ³³ Moyiisi ń maadi yeni ba ki gbeni, ke o baa cabli ki pibni o nunga po. ³⁴ Moyiisi ya caa ya yognu kuli , ki bu maadi yeni O Diedo, o yi ñani wan pibya cabli o nunga po hali wan ba ti ña . O ya ñani, wan waani Israyeli yaaba O diedo ń yedi ke wan waani ba ya maama. ³⁵ Israyeli yaaba ya la ke Moyiisi nunga po ñilgi, ki tuudi, o yi guani ki taa li cabli, ki pibni o nunga hali yeni wan ba guani ki gedi ki maadi yeni O Diedo.