¹ Li bo tie Asuherus bal yognu i yua bo die Indi caa yeni Etiopi .ke li diema bo tie dogbana kobiga n piilie n dogbana lele. ² Ke o badiciamo Asuherus badkpali bo ye Suse li doganciamo nni. ³ o bali bintaal nni o bo tieni nabiiga nba yeni o tuonsɔnba , Perse yeni Medesi jakɔdiciama jaama a nigbenga yeni a longbana batieba mo bo ye. ⁴ ki taa bina kobiga n piilie n bina ki waani o bonpiakaali yeni u fidu yeni u yudandi n dɔ maama. ⁵ Li kuli n bo pendi o badiciamo bo tieni Susi dogu nni yabi kuli a nikpela yeni a bila jaama ke b dini daana lele o deni cancanli . ⁶ A cabipiena ,bobɔna bo luoli jaantali nba yeni ŋanjilifa biala ke t wula yeni ŋanjilifa gadogidi se ke tiana tieni yeni ya tana ñiligi ke tiana tie tanbona . ⁷ B bo tieni bi niba mi daama wula cuana nni i . Ke dive yaala tie b batieba yaal ye ki yabi . ⁸ Ama o bo niindi nul ke wan ñu kelema o bo maadi o deni yaaba ke ban colini yua kuli buama. ⁹ Ke o denpua mo tieni bi ouobi jaama wani Asuherus deni . ¹⁰ dana lele daali nani o bado n bo ñuni dive ke o pal mangi ke o cedi ke Mhuma,Bita ,Harbona ,Bita,Abata,Zetar,yeni Karkasi bani o bado naacenba bonbi lele ¹¹ Ke ban baa yeni o puobuado Vasi yeni o fegili ke o ye ki waani o ŋanmu bi niba yeni a nigbenga yaaba bo ye kuli .Kelima o bo pia i maanunga. ¹² Ama ke o denpua yie kaa cua ke o bado pali biidi ke o pogini . ¹³ Ke o bado bualio kpaaga yaaba tie yanfuodanba yaaba n bani u kpelugu.kelima o bad deni b bo yi jia m maama.yaaba n bani luaya yeni yaali tiegi nunga nni . ¹⁴ yaaba bo tie o kpaaga bo tie : Karcena,Setari,Adimata,Tarsi,Meri,Marsena,Memukan, bani Pesi yeni Midi naabiiga nba bonbi lele n bo ye o bado nintuali ki go ye o dogu liigi . ¹⁵ ki laa luaya i ke t ba taa ki waani o bado denpua wan k colini o bado n yedi ke wan tieni yaala i ? ¹⁶ Ke Memucan jiini.o bado yeni naabiga nba nunga nni ke : laa tie o badop denpua fali o bado ba ba kaa o fali yeni tinba yeni o bi niba kuli yaaba ye o bado diema nni . ¹⁷ Kelima o bado denpua n tieni yaal ne ba puodi bi puoba kuli kani ki cedi bi puoba n ji daa colini bi ciabi . b bo yi maadi ke bo ye ke o bado mono bo ye ke o denpua n cua o kani ke o yie. ¹⁸ cili li daali Persi yeni Medi naabiga nba yaaba bo gbadi bo togidi bi batieba ke boncianli pali biidi. ¹⁹ O bado ya sua ke li ŋani t muadi ki go diani Persi yeni Medesi yikodi nni ke nil kan fidi miidi li kuali li baa tie ke Vasi o bado den pua ji kan baa sedi obado nintuali nni ke ban fie o yudandi ki teni puotiani yua tu ki cie'o. ²⁰ O bado yeni naabiga nba bo gaa li lanbonli ki taa sɔni li tuonli . O bo diani li tili ki teni dongbali kuli nni yeni o dindiani yeni o maama nni .Li bo waani ke ja kuli n baa tie yudaan ki yaa maadi o danba maama