¹ Ke Darisi bo la ke li ŋan ke o lugidi yudanba kobiga yeni piilie k ban ya ŋmagidi o diema . ² ki liini yudanba bonbita ke Danieli ye b siiga nni ke b ŋmagidi li yudanba ke o bado n jidaa laadi fala. ³ Ke Danieli paa cie bani liiga yaaba kuli kelima u Tienu fuoŋanma bo ye yen'o ke o bado ji maali ke wan kubin'o o Diema kuli . ⁴ Ke liiga yaaba yeni b yudanba bo kpaani ke ban jaligi Danieli o bado Diema tuona po. Ama b bo ki la ban bo jalig'o naan kelima o bo tie ya nilo tiegi ke baa la o kani tagili ba bii bonbiigu ba . ⁵ Li niba bo maadi :t k la t bo jaligi li Danieli naanl yaa tie t sagin'o yeni u Tienu yikodi maama yaa kaa . ⁶ Ke li liiga niba yeni li yudanba ji fu ki gedi obado kani ke maad'o: o bado Darisi a miali n fagidi! ⁷ A diema liiga yaaba kuli ,yaaba guu a faali kuli ,li yudanba ,a cegili kaaba ,gufeneeli nba kuli tuo ke t ñani li ñɔboli ki yie ki mɔndi li nunbili ke yua jaandi Tienu baa bii nilo ba dana piitaa siiga b ba lu'o i yangbanli siiga nni . ⁸ Canbáa o bado ñii li nuubili ki diani li ñɔbonli ke lan daa lebidi nani Medesi yeni Persi yikodi n kan fidi lebidi yeni . ⁹ Li po ke Darisi diani ki ñii li ñɔbonli . ¹⁰ Danieli n bandi ke b ñani li ñɔbonli yeni ,ke o kuni ki kua o deni nni ki luodi o takobna yaali n tuoli Jerusalemi ke dana taa siiga o bo yi gbaani ki jaandi kikpiagi u Tienu nani wan bo kpia tie maama . ¹¹ ke niba fuu ki kua Danieli deni nni ki sua o jaani. ¹² Ke b gedi obado kani ki maad'o: A ki diani ki yedi dana piitaa siiga nni yua jaandi tiefanu bii nilo ba ke li yaa tie fini yaa kaa b baa lu'o a yangbanli siiga n ii? O bado bo yedi li tie yeni nani Medesi yeni Persi yikodi n kan fidi lebidi yeni . ¹³ B bo guani gaa m maama ki maadi o bado : Danieli yua tie Juda yonbi siiga nni yendo yeni ,waa yi ke a tie puu, o go k cɔln ŋan diani yaala ,o bo tie o jaandi li daali nni taalmtaa i . ¹⁴ Li bo yiagi o bado boncianli, ke o cuo o paali nni ke o baa fie Danieli. K o gbaa yeni hali u yenjuogu wan fie o miali. ¹⁵ Ke li niba li ŋua ki niindi o bado ki yed'o.O bado ŋan yaa bani ke Medesi yeni Persi yido maadi ke o bado n ñii ya maama kuli ki pia lebdima . ¹⁶ Ke o bado teni li ñɔbonli ke ban baa yeni Danieli ki lu'o i yangbanli siiga nni .Ke o bado gaa m maama ki yedi Danieli : a tienu yua ke a yie ki ŋua'o yeni n fie ŋa. ¹⁷ B bo cua yeni li tanli ki biini li buogu ñɔbu po; ke o bado ñii li nuubili li po yeni o biaga, ki tieni m banma ,ki go gaa o tuonsɔngbenga mo ya biamu ki ñii li po,ke b loli ke oba n daa lebidi ban jagi ki cuo yaala Danieli po . ¹⁸ 0 bado bo lebidi ki kuni o deni po ki duani m koma kaa guani ki go yie ke o kan kua pua po . ¹⁹ Ke o bado bo tuodi fii ke li daa faa gbeni ki gedi i yangbanli buogu kani . ²⁰ wan bo nagidi i yangbanli buogu kani o bo yiin Danieli yeni li pabɔnli: Danieli , ya Tienu n fuo tuonsɔnlo , yua ke a pugi daali kuli fidi fie'a i yangbanli siiga nni . ²¹ Ke Danieli jiini o bado : Canbáa o bado a miali n fagidi ! ²² N tienu sɔni Maleke ke o pii i yangbali ñɔbu ke baa fidi tien'n bonli kelima u Tienu diidi sua k mii biid'o lba n go k biidi fini o bado mo puu