¹ Songi mani laabaal yua ke o Diedo maadi ki kɔni yeni ,yima Isaraheli bila ki kɔni yeni i cugili n niba kuli ke n ñani i Egypti dogu nni ! ² N lugidi yinba baba i ki tinga n cuga kuli siiga n. Lan cedi n baa dadi i tuba ki cegili i . ³ Niba bonbilie baa fidi ya yegi kaa gba b lieba maama aa? ⁴ Yanbɔl baa buudi li fuali nni kaa pia wan bua cuo yaali ii?ki yanbɔbiga ban ki buudi kaa pia wan cuo yaal ii ? ⁵ Ki yanbɔbiga baa baa u janbaangu nni tinga nni ki diagu ki ye ee ? U janbaangu baa doni ki tinga po ki laa tie li cuo bonli ii? ⁶ Li gbadinaatuli baa buudi ke u dogu ki la janda aa? Sitaani baa kua u dogu nni ke u Tienu ki bani li po oo ? ⁷ Kelimaa u Tienu ki tie bonla kaa tiadi o tuonsɔnla a saawalipuala. ⁸ Li yanɔli yaa buudi ti jiwaandi pia ŋme ii ? O diedo maadi ŋma kan yedi yaali baadi. ⁹ Ban gbadi i lantɔgidi Asdod deni yeni Egipiti diena nni . yi yi maadi : taan mani Samari juana po ; ki diidi li ŋmadili yaali ye yeni ya biadi ye . ¹⁰ U Ttienu yedi ke Baa bani ban maadi mɔomɔni. B gbiendi bi deni yaali tie biadima bona yeni u naayigu yaali ¹¹ Lan cedi ke uTienu maadi .O yibalo baa gaa u dogu ki fie a paalu . ki gaa a deni ¹² U Tienu maadi nani o yankpaalo n yi tadi ki yanga taana bii o tuba ki pan ñani yanbɔli ñɔbu po yen ke Isaraheli bila yaaba kaa Samari kugi u u gbangu po Damas baa fie bi ba . ¹³ cegi mani ki go muadi ne Jakɔbi deni ! U Tienu o jagɔdo Tienu. ¹⁴ Ya daali ke baa tadi Isaraheli tubili o kancɔlini po ;n baa mudi Beteli jiga a yina n mudi ki baa tinga nni. ¹⁵ n baa guli a faawaadiena yeni a tontondiena .Anjilfa diena n mudi . A nigbenga diena n bia . Lani tie u tienu lanbonli