¹ Dafidi go den taani Isalele yaaba siiga yaa toatieba pundi tuda piita. ² Dafidi yeni yaa nbiba n den ye yeno kuli, ki nagi okani, bi den cuoni ki cili baali - juda, ki baa ta ki duoni Li Miali daano danli kpagu, naankani ke bi yi wani Li Miali daano yeli, wani yua n ye Selunbaanba siiga yaaba nye o kpagu tanpoli. ³ bi den ta oUtienu danli kpagu ki den tieni teli gu nni, bi den taagu ABinadaba deni li juali po, Usa yeni ASijo den ŋmagidi teligu yeni. ⁴ lan niba den ñangu ABinadaba deni li juali po. Usa den cuoni ki baali odanli kpagu, yeni Asijo den cuoni o danli kpagu liiga. ⁵ Dafidi yenii isalele diegu yaaba den mangidi bi pala, Li Miali daano nintuali, yeni baantiadi bonciala. li den sua ke bi tugi Sipila yaa daadi ki tieni agangaana, ti kogidi, ki bayogimu, ki tieni ti kupanpandi ki taani ki poa. ⁶ ban den pundi Nakoni Jalu kani, inee den ŋadi ki baa ba, Usa den tandi ki baa cuogu ke kun da ba. ⁷ Li Miali daano pali den fii Usa po, UTienu den pua o, kelima o tudima po, Usa den kpe. ki nagi yeni odanli kpagu. ⁸ Dafidi pali den fii Li Miali daano po, yeni wan waani Usa yaa mabili ki pua o, b yi lan kaanu hali dina Peresita Usa. ⁹ lan daali Dafidi den jie Li Miali daano, yeni o den maadi, li baa tieni lede li Miali daano danli kpagu n kua ki yaa ye n kani. ¹⁰ o ki den bua ki taa Li Miali daano danli kpagu ki kuani odogu nni wani Dafidi n ye naankani, bi den gedini gu OBedi Edoma den po. ¹¹ Li Miali dano danli kpagu den tieni ŋmaali ta, Gati yua OBedi Edomi deni. li Miali daano den yadi o yedi ŋanma OBedi Edomi Yeni o deni yaaba kuli po. ¹² b i den cua ki waani obado Dafidi, Li Miali daano seligi OBedi Edoma diegu. yeni yaa bonla n ye o kani kuli. kelima UTienu danlikpagu po. yeni Dafidi den fii ki cuoni ki baa ta UTienu danlikpagu, OBedi Edoma den po. ki baa cuani Dafidi n ye yaadogu nni yeni lipamancianli. ¹³ yaaba n den bugi Li Miali daano danlikpagu yaa den yaagi tayaagidi luoba, bi den yen padi naatonli yeni naatonbili. ¹⁴ Dafidi den jeli yeni opaalu kuli Li Miali daano nintuali, o den lia ki ñagini o liadibiga. ¹⁵ Dafidi yeni Isalele diegu yaaba den duoni Li Miali daano danlikpagu yeni yaa kpaandi n tie pamanli yeni li naatunli piebima. ¹⁶ yaa yogunu ke Li Miali daano danlikpagu den kua Dafidi kaanpaalu nni, Sayula bisalo Mikali den biini ki noanli li diebonli kani, ki la obado Dafidi yugi ki jeli Li Miali daano nintuali o den falo. o pali nni. ¹⁷ wan den cuani Li Miali daano danlikpagu ki kuani ki siengu,, Dafidi n den ŋanbi gu po yaa jonli tugu nni. yeni dafidi den tieni a padijuukaana , yeni aaituondi pada li Miali daano po. ¹⁸ Dafidi n den tieni apadijuukaana yeni Ituondi ya pada, o den gaali ba, Li Miali daano yeli nni. ¹⁹ o den boagidi lan nicianba kuli, Joa yeni pua kuli, Isalele yaaba siiga, ke nilo kuli den ga dupen yendo yeni nanjenli, yeni yaa kpano n tie atilonda yalai biniba kuli den kuni yua kuli o den po. ²⁰ Dafidimo den guani o diegu po ki baa n gaali ba, yeni Sayula bisalo Mikali den ñani ki tuogo. ki maadi bee kpiagide ke fini Isalele yaaba Bado ba anaacenjaba yeni anaacenpuoba nunbina po ke li waani nani yaa joa n ki pia fuoma yeni. ²¹ dafidi ŋmiani Mikali, li tie kelima li Miali daano po , wani yua n gandi nni, ki ŋaa aba, yeni o diegu kuli, wani yua n kaani nni libali po. min yaa tie bado li Miali daano niba po, bani Isalele yaaba po, Li tie Li Miali dano nintuale ke n bi jela. ²² n go baa tie yaa bonla n gundi ki cie, n ba jiini n ba, bi nunbina, ba yeni n baa ba li coalinli n nacenpuoba kani ŋan maadi yaaba yaa maama yeni. ²³ lani Sayula bisalo yeni ki den mali biga hali wan ban kpe.