¹ Dafidi den maadi yeni Li MIali daano ki yiini o yanbu, yaa yogunu ke Li Miali daano den gaa o, o yobalinaba nugu nni, ² o den yedi Li Miali daano tie n tangu, yeni n kaan paalu yeni n gaa ka. ³ OTienu tie n tangu min baa wuoni naankani, n gbankoandigu yeni n paalu yuu n ciadi ni, yaa fuodi kaanu n kpedi yeni li wuonkaanu, a den gaani yaala n bia nni, ⁴ n den kpaandi ti pagidi n tua Li Miali daano yaala, yeni n tua yau n faabi yeni n yibalinba. ⁵ kelima mi kuuma kpenu den gaani ki cebini, mi bolinma kpenciamu den teni ke n pia o jejiegu. ⁶ li kakuli baabi den loli ki gaani nni, mi kuuma jancuadi den ludi nni. ⁷ n paboanli nni n den yini Li MIali daano, n den yini n Tienu o badi cugili nni o den gbadi n miabu, n yiini den pundi hali o tuba nni ⁸ ki tinga den jeligi, tanpoli tanpuuna den duni ki jeligi kelima o pali fii. ⁹ i muñii den ña o miani nni, yaa mu n bolindi den ña o ñoabu nni, a mukuana den ña ki cuoni. ¹⁰ o denñuani Tanpoli ki jiidi, o den pie yaa tawaligu n kpiagi o taana tii po. ¹¹ o den jagi selunbaanba ki yugi, o den doagidi o fiabi nni o faalu, ¹² o den tieni li biigili o gbandieli ki lindiba, mi ñinciianma den ŋoagini ki mundo, yeni yaa tawaligu n biigi. ¹³ yaa mukuana n kpiagi den ye o liiga ki toa ki ña o mu, ¹⁴ li Miali daano den maadi tanpoli, yua n kpedi ki cie den teni ke o nialu ñani ke biniba gbadi. ¹⁵ o den toani i piemi ki yadi o yibalinba, ki taaga tianma den teni ke bi sani. ¹⁶ miñincianma den doagidi mi ba ki tinga tanpuuna den doagidi, kelima Li Miali daano n waani ma fala maama po, kelima o miani fawaama yaa fuugu po. ¹⁷ o den tandi o buagu tanpoli, ki dadi ki ñani nni mi ñincianma nni, ¹⁸ o den ciadi nni yeni yaa yibalo n pa kani, yaa yibalinba n pia o paalu ki cie nni. ¹⁹ bi den ludi nni n pabienli daali ama Li Miali daano den tie minñii yua yaa po. ²⁰ o den piagi n ye kaanu ki faabi nni, kelima o bua nni, ²¹ Li Miali daano den soani nani n teginma n den tie maama, o den guani nni nani n nugi n ki den pia joagindi maama po. ²² kelima n den coalini Li Miali daano sani, mii den pia tagiliciami NTienu po. ²³ o lanbona kuli den ye n nintuali, mii den ŋaa ayikoti n bili yaala. ²⁴ n den tie ban kan kuli yua o kani, mii den kubi ki tuugi yeni n tagili a kani . ²⁵ yeni Li miali daano den guani nni n teginma n den tie maama nani min ki den pia joagindi maama o nuni po. ²⁶ yeni yaa nilo n ŋani a yen wangi a ŋamu, yeni yua n tiegi a yen tiendi a teginma. ²⁷ yeni yua n ki pia joagindi a yen wangi a teginma, yeni binibodi kaaba mo a yeni tieni nani ban tie nibodikaaba maama. ²⁸ a faabi yaaniba n jiini bi ba, yeni a nun nualima a jiini bi japaa danba, ²⁹ ŋun a tie n yenma, ho ! Li miali daano, , Li Miali daano yendi li biigili nni. ³⁰ yeni fini n yen tudi ki lu li toacagili, yeni fini NTienu n yen kandi o guongu. ³¹ OTienu sani kuli tiegi Li MIali daano maama biigi ki dagidi mi tie gbankoandigu yaaba n dugi mi po kuli. ³² kelima ŋma n tie OTienu li yaa tie LI Miali daano yaa ka, ŋma n tie ti tangu li yaa tie ti Tienu yaa ka? ³³ O Tienu tie n paalu naani n pa, ki gobidi nni yaa sanu n tiegi nni. ³⁴ o teni ke taana jaligi nani o pialo yeni, o yugidi nni ki sieni nni yaa kaanu n kpedi po. ³⁵ o den soani yeni n nugi o toobu nni, yeni n nugi buadi den tandi tikumoandi dabanli. ³⁶ o puni nni Ogbankoandigu tindima, n tua niciamo kelima o ŋanma po ³⁷ o piagi n taana n baa cuoni yaa sanu nni,n taana naa jaligi palipe, ³⁸ n yen ŋoadi n yibalinba ki bolinba. mii yen guani ki kpeni kaa biaqni ba fanma. ³⁹ n fen biani ba fanma ki mudiba, ke kan go guani ki fii bi yen baa n taana tinga po. ⁴⁰ loli n ciaga o paalu, a poali n yibalinba n kani tinga po. ⁴¹ a yen teni n yibalinba n jigidi bi puoli ki teni nni, n nintuali n yen bolini yaaba n nani nni. ⁴² bi yen diidi bi gaani lindima bi kan la yua n baa gaa ba, bi kpaandi ki miadi Li miali daano waa ŋmiandi ba li ba. ⁴³ n yen mudiba ban dingi nani o tangungu yene, n yen mudiba ki yagidiba ki ŋmaa bi po nani o sanu nni mimidi yene. ⁴⁴ a yen gaani n niba yaaba n koani yeni nni, a den kubini ke min ke min yaa tie yu daano, ⁴⁵ bi canba bila yaaba n janbidi nni yen tuo min cindi ki ñani yaa lanbonli. ⁴⁶ bi canba bila ye mi gbalima nni ki jegili, o kaan paalu dapuoli. ⁴⁷ Li Miali daano n ya ye ki fuo, mi yedi ŋanma n tangu po, ke UTienu yua n tie n tangu n baa ti pagidi. ⁴⁸ yaa Tienu n guandi n yiblinba bi panpaani, ki yendi li niba. ⁴⁹ wani n ciadi nni n yibalinba nugi nni, a fiini nni ke n kpedi ki cie yaaba n koani yeni nni, a gaa nni o biado kani. ⁵⁰ li tie lani yaa poe ke n baa kpiagida inibuoli siiga , ho Li Miali daano ! n baa yiini ki kpiagi a yeli. ⁵¹ o tuo n fabicianma n cua o bado kani. o tieni mi ninñingbadima wan gandi yua po, wan yeni o puoliŋuani o yogunu kuli po.