¹ bi den cua ki waani joaba noanli o bado mua ki ka lindi kelima o bijua Abisalomi po, ² laa daali koanpaadima den lebidi ki tua kuuma paboanli, laa daali biniba den gbadi ke o bado ye yeni li coagili kelima o bijua po. ³ lan daali liga biniba den wuoni ki kua o dogu nni nani ban ban paadi yaaba o toabu po, ke lebidi ki sani guani yeni I fe yene. ⁴ o bado den pii o nunga ki kpaandi yeni o nialu, ki ji maadi N bijua Abisalomi Abisalomi, n bijua n bijua . ⁵ den kua o bado n den ye yaa diebili nni ki yedi, a cuani dinla a ŋmada, a naacenba, kuli nunga po, bani yaaba n faabi a miali yeni a bijaba, yeni abisiaba yeni a puoba, yeni a ponanbandi. ⁶ a bua yaaba n nana ki nan nani yaaba n bua ŋa, kelima a waani dine ke laa pia a po yudaano bi naacemo, n la dine Abisalomi yaa bi ye ki fo, ke ti kuli nan kpe laa daali bi baa yaa ŋani a nunga po. ⁷ lanwani ŋan fii ki maadi ki duani a naacenba pala ! kelima n poli Li Miali daano kani hali a yaa ñani li kan sieni ba niyendo dine ñiagu ke o baa ye yena, li baa tie yaa bonbiadila n bia ki cie a po. ki cindi a jawaama ki ti cua halli dine. ⁸ lanwani o bado den fii ki ñani ki kali o buli ñoabu kani, bi den waani biniba kuli diidi o bado ka o buliñoabu kani, biniba kuli den cua o bado kani , lan yogunu Isalele yaaba yua kuli den sani ki gedi o jonli po. ⁹ Isalele yaaba buoli kuli nni biniba kuli den ye yeni mi niama yeni bi yaba ki tua o bado wani yua n den gaa ti ti yibalinba nugu nni, li go tie wani n go den faabi ti filisiti yaaba nugu nni yeni ke li ji ban tie ke wani n sani Abisalomi nintuali ?. ¹⁰ ki sua Abisalomi yua ke ti den gagido ki dino libali ke wan yaa die ti mo kpe o toabu nni, be yaa po yo ke kan maadi ki guani ki kpeni nni o bado. ¹¹ Dafidi yaa po o den soani ban ban maadi bisalayidikaaba, Tisadogi yeni Abiatari, ki yediba maadi mani Juda nikpela ki yediba: be yaaa po yo ke bi baa tua yaaba n juodi ki guani o bado o deni. kelima yaaba n den maadi kuli ñani Isalele yaaba kani ki cua, hali o bado kani. ¹² yinba n tie n ninjaba yi tie n kpaba yeni n gbanandi, be yaa po ke yi baa tua yaaba n juodi o bado guadi kpenma. ^{15 13} yi baa yedi Masa , ŋaa tie n kpaba yeni n gbanandi kaa ? ke o Tieni n tieni yaala bia, li yaa tie ke ŋaa cua n kani ki ye yogunu kuli, n baa lebida, ke joaba n ga ki tua bi toatieba yudaano. ¹⁴ Dafidi den teni ke juda yaaba pali kpaagi o po, nani bi den tie niyendo yeni, bi den soani o tondu ki yedi Dafidi, o bado guai ki cua fini yeni a naacenba kuli. v 15 o bado den guani ki cua ki pundi hali Judana kani; juda yaaba den tagini Giligali po ki baa tuogi o bado ki teni wan duodi Judana. ¹⁶ Simeyi Gela bijua Bejamina buolu yua yua n den ye Bakurimi dogu nni, den jaligi ki jiidi ki taani yeni Juda buolu yaaba, ki ban tuogi o bado Dafidi. ¹⁷ o den yegi yeni Benjamina buolu yaaba niba tudili yeni Tsiba Sayla diegu naacemo, yeni bijaba piiga n niba mu, yeni naacenba naacenba piilie. ¹⁸ yaa ŋadigu ke bi den ta ki duoni o bado, laa ŋadigu n den yen duondi o bado diegu nni yaaba, yaa yogu ke o bado den duodi Judana, Simeyi Gale bijua den baa ki labini o kani. ¹⁹ o den yedi o bado ke fini n daanon n da coadi n tagili , ki sundi mini a naacemo n den tieni yaa biadima, yaa daali ke fini o bado den ña Jelusalema nni, ke fini o bado n da noanli la ke li tie li ba!. ²⁰ kelima a naacemo bandi o tuonbiadi, diidi dine n kpa cua mini yeni Josefi diegu yaaba, ki baa tuogi fini o bado n daano . ²¹ lanwani Abisayi Tiseruja bijua den gaa mi maama ki yedi ; naani Simeyi kan kpe wan den soli Li Miali daano n gandi yua ? ²² ama Dafidi den maadi : n pia beŋantaado yeni Tiserija bijua bijaba, be yaa po ke yi wangi yi ba dine ke yi tie n yibalinba ? bi baa kpa o nilo dinla Isalele nni ? naani ŋaa bani ke dine ke n yendi Isalele yaaba. ²³ yeni o bado den maadi. a kan kpe ba yeni o bado den tieni liñoapoli. ²⁴ Sayula bijua Mefiboseti den jiidi ki tuogi o bado. waa den buu o taana, ba kŋanbi o langbiadi, bi ki ŋuudi o tiadi ki cindi; yaa daali ke o bado den ñana ki gedi ki ban pundi yaa daali ke o guani ki cua yeni yeni miyanduama. ²⁵ wan den pundi o bado nintuali nni Jelusalema kani; o bado den yedi Mefiboseti be yaa po ke ŋaa den cua ki yegi yeni nni. ²⁶ o den ŋmiano: o bado n daano, n naacenba n den janbi nni, kelima o naacemo yua tie diamo den yedi n baa loli ki paani n ŋunbo ki yegi yeni fini o bado ki gedi. ²⁷ yeni o den nia yeni a naacemo, n daano o bado kani ama n daano fini o bado tie nani UTienu maleki yeni ŋan tieni nani ŋan nua maama ke li dagidi. ²⁸ kelima n baa diegu yaaba kuli tie yaaba n pundi ki kpe fini n daano o bado nintuali; ki sua a taani mini a naacemo yaaba n di a saajekaanu kani. n go pia u laa sane ki baa ba lani, yeni n go baa mia be o bado?. ²⁹ o bado den maado; be yaa bon ŋanla laa maama kuli nni,! n den kadi ki maadi; ke fini Tisiba baa boagidi ki tinga. ³⁰ Mefiboseti den ŋmiani o bado : o baa fidi ki taa li kuli, kelima fini o bado guani ki kpeni a diegu nni yeni mi yanduanma. ³¹ basilayi yeni Galati yaaba den jiidi Rogelima, bi den duodi njudana o kpenu, yeni o bado ki baa yegi yeno, ki ban pundi hali judana jaali po. ³² Basilayi den podi boncianla ki pundi bin piini, o den boe yeni o bado o den ye Manayima kelima o den tie yaa ja n pia o paalu ki pia,. ³³ o bado den maadi Balisiyi , cua ki yegi yeni nni, n baa yaa dinda Jelusalema n deni. ³⁴ ama Balisiyi den goa ŋmiani o bado, bina nŋa go yo, ke n go baa ye ki fuodi, ke n baa do ki yegi yeni o bado, Jelusalema? ³⁵ dine n pundi bin piinii , naani n go baa fidi ki paadi yaala n ŋani yeni yaala n ki ŋani? a naacemo baa fidi ki ki bandi wan di yaala manu yeni li bon ñokaala? naani o go baa fidi ki gbadi yaa jaba yeni puoba n yiini yeni ? yeni be yaa po ke a naacemo baa tua tugili n daano o bado po? ³⁶ a naacemo baa cuoni waamu ki yegi yeni o bado ki pundi judana kpenduoli, be yaa po ke fini o bado puni laa yediŋanma. ³⁷ cedi a naacemo n lebidi ki guani ki ban kpe o dogu nni, yaala n kuu yeni o baa kakuli kani yeni n na yaali, ama diidi anaacemo Kimihama yua n baa yegi yeni fini o bado n daano; ŋan tieno o po ŋan la yaala ke li ŋani a po. ³⁸ o bado den yedi ke Kimihama n yegi yeno; yeni n baa tieni o po yaala n baa mani a po ; an bua yaala kuli n kani n baa tieni la a po. ³⁹ biniba kuli n den duodi Judana. ke o bado moko duodi , o bado den bibi balisiyi ki gaalo, yeni balisiyi den lebidi ki guani o ye kaanu po. ⁴⁰ o bado den tagi Gigali yaa sanu Kimihama den yegi yeno, Juda yaaba kuli yeni Isalele yaaba n den duodi o bado judana. ⁴¹ ama Isalele yaaba den maadi yeni o bado kiyedi : bee yaa po, ke a ninjaba juda yaaba ta ŋa ? ki duodi o baodo judana, ki gedino o den po yeni Dafidi niba kuli ? . ⁴² Juda niba kuli den guani Isalele yaaba: li tie kelima o ye ki kuu yeni tinbe , be yaa po yo ke yi baa fiini yi pala naani yi ye o bado yema ? naani o teni ke yi ye o kani? ⁴³ I salele yaaba kuli, den guani Juda yaaba : ti die o bado ki cie yi hali taalima piiga. yeni ki yeni Dafidi ki cie : be yaa po yon ke yi faligi ti ? yeni Juda yaaba den maadi yaala n bia ki cie Isalele yaaba.