¹ Akitofeli den yedi Abisalomi: cedi min gandi niba, piiga n tudalie, yeni n baa ŋoado dine ñiagu,. ² n baa ludo yaa yogunu ke o coagi ke o nugi tadigi, n baa jieno, yeni yaa niba n ye yeno kuli baa sani n baa pua ki kpa o bado bebe. ³ n baa guani ki cuani binba kuli a kani; yaa nilo ke a bua wan kpe yaa kpe yaa niba n guani a kani kuli baa sedi ki yaa pa, yeni biniba kuli baa yaa ye yeni mi yanduanma. ⁴ laa maama den mangi Abisalomi yeni Isalele yaaba nikpela kuli. ⁵ li yogunu Abisalomi den yedi : ban yini, Husisayi yeni Arikiyeli ke tin gbadi bani moko n baa maadi maama. ⁶ Husisayi den cua Abisalomi kani, yeni Abisalomi den maado, noanli Akitofeli n maadi maama tin tieni yeni bii ? tin cedi fini a ba mo n maadi! ⁷ Husisayi den ŋmiani obado: usanu ne wani Akitofeli n puni yaa tundi daa ŋani. ⁸ yeni Husisayi den yedi: a bani abaa n pia yaa jama. wan yeni oniba, bi ye yeni li pabiencianli nani yaa Ulisi ke bitaa o biga yene, a baa den tie Toa tiele o kan duani oñiagu yeni biniba, ⁹ noanli moala o wuo buogu ba nni bi kaanu ba, yeni li yaa tie yeni hali micilima , ke nilo ba bi nugu nni, li kan waagi biniba n gbadi ke bi tua yaa niba n ŋoadi gbali ke bi paadi ba, ¹⁰ lanwani yaa jakoanda n pia o paalu ki cie ki tie nani oyangbanlo yeni bi baa tuo ti jawaandi n jienba, kelima Isalele yaaba kuli bani ke a ba den tie jakoando ki go ye yeni lipapaali. ¹¹ mini wani yaa tundi nne, ke Isalele yaaba kuli n taani akani, ki cindi Dana ki pundi Beriseba, ke liniwuligu n yaa yabi ki naani nani miñinciama jaali tanbiiba yeni, a mo n cuoni fini aba butoabu nni. ¹² ti baa pundi wan ye naankani kuli, ti baa le o, ti baa baa opo nani omangu yeni, ba yendo kan sani ki ciadi, ka lan tie yaaba n ye yeno kuli ba yendo kan ciadi. ¹³ li yaa tie ke o ñani ki ye Dociamu ba yaa niini, Isalele yaaba kuli baa ta ibaabi ki doali ki tudi li dociamu ti baa tudi ki lu li kuli ki kan ŋaa ba tanyenli. ¹⁴ Abisalomi yeni Isalele yaaba kuli den yedi: Husisayi yeni Ariyeli yaaba tundi ŋani ki cie Akitofeli yaa tundi, li den tie ke Li Miali daano den jagi ke o baa biani Akitofeli tundi ŋanmi, ke wan cuani fala Abisalomi po. ¹⁵ Husisayi den maadi yeni bi salayidikacianba Tisadogi yeni Abiataari, ki yedi: Akitofeli puni Abisalomi yaa tundi n tie na, n mo tundi i naa tundi. ¹⁶ moala ŋan soani ki ban waani Dafidi ki maado ke wan da duani mifanpienma nni, ŋan gedi naani n foa ki yaa pia o je jiegu ke o bado yeni yaaba n ye yeno kuli n da ti kua mi bolinma nni. ¹⁷ joanatan yeni Asimaatisi den se Enirogeli dogu kanio jafaano den cua ki waanba kelima bi kan den tuo ki kua odogu nni, ¹⁸ o jawaalo den la ba ki ban waani Abisalomi, ama bani nilie yeni kuli den jaligi ki sani ki pundi Bakurimi, ki kua jayendo deni ke o pia licaali olojagu nni bi den jiidi ki kua lieni. ¹⁹ opua den ta li bon ŋoaginkaala ki pii licaali ñoabu, yeni o den ta wan fabidi yaala ki wuli li caali ñoabu yeni po. ki deni ke ban da ti kpaagi li ba li po. ²⁰ Abisalomi naacenba den kua o dienu nni, laapua kani ki yedi Asimaatisi yeni Joanatan ye le? o pua den goa ki ŋmian ba, bi tagi ki pendi oñisanu po, bi den kpaan ba ban kaa den la ba, bi den lebidi ki guani Jelusalema. ²¹ ban den guani ki kuni , Arimaatisi, yeni, Joanatan, den doni ki ñani li caali nni, ki ban waani obado Dafidi, bi den yedi: Dafidi fii mani tonma, ki jaligi ki duodi mi ñima, kelima Akitofeli tundi yaa tundi n tiena ki tuogi yeni yi. ²² Dafidi yeni yaa niba n den ye yeno kuli den fii ki doni okpenu,osiŋaagu faama ki den pia ba niyendo yua n sieni ki kaa duodi judana. ²³ Akitofeli n den la ke biniba kiŋoadi o tundi o den bogini ki jagini o ŋunbo, ki kuni oden po o baa dogu po. o den puni li lanbonli o diegu nni yaaba, ki gedi ki ban soadi oba, li tie yene ke o den kpe bi den bi den piino oba ka kuli nni. ²⁴ Dafidi den pundi Manayima, Abisalomi den duodi Judana yeni Isalele yaaba kuli yaaba n den ye yeno, ²⁵ Abisalomi den tuni Amasa Bitoatieba yuli ki lebidi Joaba, Amasa den tie Isalele buolu yua ki tie ye tera, ki den taa abigayila Nahasi, bisalo, Joaba nawaali,. ²⁶ Isalele yaaba yeni Abisalomi den tieni bi kalikaanbuoli, Galati dogu nni. ²⁷ Dafidi den pundi Manayima Sikobi Nahasi bijua Roba dogu Amimon bila, Makili Amimieli bijua, Lodabli yua yeni, yeni Bariselayi. yeni Galaati Rogelima, dogu yaaba. ²⁸ bi den cuani iduani , ti tiaciandi yeni yaa tiadi n tie tandi yeni ban ŋanbi yaa naa ŋanma bonkpaga, yeni Olije yenii tuuna, yeni yoma, yeni disagidi, yeni bonsagikatoala. ²⁹ yeni (ti tiadi ) ti siidi, yeni ipe biima, yeni Inañoe naaŋankpama, bi den cuani li kuli Dafidi kani yeni yaa niba n den ye yeno, ke ban baa ki je kelima bi den yedi: biniba ne la li coagili mi koma yeni o ñu ñuunu mi fanpienma nni.