¹ lani lanbona puoli po, Amimon bijaba siiga yua n den tua obado den kpe, ke obijua Hanuni den kali li balikpagili po, ki yendi ki ga o kaanu, ² Dafidi den maadi n baa wani n ŋanma Nacaali bijua, Hanuni po, nani o ba n den tieni n po maamayeni, dafidi den soani atonda ban bago o ba kuuma po, yaa yogunu ke Dafidi naacenba den pundi Amimon yaabili yeni dogu nni, ³ Amimon buolu bila yudanba den maadi, bi canba Hanui, atama ke li tie ki kpiaga po yo ke , Dafidi soani okoanbala akani naani laa tie ki bandi odogu, ki diidi u, ki bolini ka keo soani akani o naacenba?. ⁴ lanwani Hanuni den cuo dafidi naacenba ki kuo bi langbina boagidima kii jia bikpataana hali ki pundi bipana . ki ŋaa ke bi kuni. ⁵ dafidi den gbadi ki soani biniba ke ban tuogi ba. keliama li den lidiba, ke biye yeni ife boncianla, obado den yedi ke ban waanba ke ban sedi Jeliko hali bi langbiadi n pudi yo, yeni ban ji fidi ki kpeni. ⁶ Amimon bila n den la ban guani Dafidi tonda maama ki cabiba bi den bogini bi toatieba tudapiilie, Sili yeni Betiroba, yeni ataa cenda, sili yaaba n ye Tisoaba. Maaka bado mo yaa po toatieba tudili, Toba yaaba po toatieba tudapiiga. ⁷ dafidi den baa li labaalo ki soani joaba yeni otoatieba yaaba n tie jakoanda bantuogi yeni ba. ⁸ AMimon den ñani kio sedi tuli ki baa tuogi otoabu o buliñoabu kani, Tisoaba yaa Sili yaaba yeni Beroba yaaba yeni Toba yaa jaba, yeni Maaka yaaba bi den ye bi ba ikuani fuali nni. ⁹ Joaba n den la ke o baa tuogi onintuali nni yeni o puoli po o den gandi toacagi yenli Isalele nni, ki baa tuogi yeni Sili yaaba. ¹⁰ oden teni owaalo Abisayi tugi bi yuli ki teno li lanbonli, yaniba n sieni mo wan tuogi yeni AMimon bila, ¹¹ o den maadi li yaa tie ke sili yaba pa ki cie nni ŋan cua ki todi nni. li yaa tie ke Amimon yaaba mo pa ki cie ŋa n baa cua ki toda, ¹² ŋan yaa se ke li pa ki waani apapaali ti buolu niba po. yeni UTienu dogiciamu po. yeni LiMiali daano n tieni nani wan sua yaala n dagidi o po. ¹³ Joaba yeni o niba den suagi ki baa tuogi yeni sili yaaba,ke bi sani o nintuali. ¹⁴ Ammon bila n den la yaa yogunu ke sili yaaba sani, bani moko den sani Abiyili nintuali. ki goa ki kua odogu nni, Joaba den fii ki foagidi yeni Ammon bila, ki guani Jelusalema. ¹⁵ Sili yaaba n den la ke Isalele yaaba pua otoabu ki padiba, bi den taani ki ba lipapaali. ¹⁶ Hadaseli den soani ke ban cuani yaaba n ye okpenu duoli po, bi den cua ki pundi Helama ki pia Sobaki ke o tugi biyuli, ki tie Hadaseli toatieba yudaano. ¹⁷ bi den waani dafidi ke o taani Isalele yaba. kuli ki duodi Judana, ki cua Helama, Sili yaaba den bogini ki baa tuogi yeni Dafidi ki tieni otoabu. ¹⁸ ama siiri yaaba den sani Isalele yaaba nintuali. Dafidi den kpa bicagili nni toatelidanba kobilele, yeni atanjagila tudapiina, o den pua bi toatieba yudaano ke o kpe lankane. ¹⁹ Hadadeseli yeni yaa badiba n den la ke Isalele yaaba padiba bi den tieni Isalele yaaba yeni o danligu ke bi dieba, Yeni Siiri yaba kan den tuo ki biigi ke bi baa todi ANmon bila.