¹ Kulu Bowaza koy birno me ga ka gooro. Kala fansa kwa kan sanno Bowaza te din ne kaa ga bisa. Kulu a ne a se: " Ni boorfilana, ye ga baare ka kaa ka gooro newo. Kulu a baare ga ye ka kaa ka gooro. ² Kulu Bowaza na kwara arkusu beeri way margu ga ne i se :"wa gooro ne." I tan ka gooro. ³ Kulu a ne bora kan gonda fansayan fonda se: "Neyomi kan kaa ga fun Mowab laabu, a go gaa nga nya-izo Elimelek baatama neera. ⁴ Ay mo ne ay mini kaabaru, ay ma du ka ni se: "ma day a kwara borey nda Arkusey kulu jiine. Da ni ga hin ga fansa, ma fansa, da ni si hin ga fansa mo, ma ci ay se ay ma du ka bay a ga; zama booro kulu si hin ga fansa da manti ni, ay mo si kala ni banda. Kulu a ne: "Ay ga fansa." ⁵ Kulu Bowaza ne: " To han kan hane ni ga faro dey Neyomi gaa, ni ga dey nga da Ruta mo, Mowabanca kan kurnyo buu, kan ga nan i ma buukwa mayo tunandi a tubo bon." ⁶ Bora kan gonda fondo a ma fanse mo ne: " Ay si hin ga fansa ay bon se, zama ay ga hamburu a ma si ay bandey sara ay se. Ay nin noo ay fansa-yon fonda, ma sambu nin bon se ga fansa, zama ay wo si hin ga fansa." ⁷ Zama zaa don a cia Alaada Isayla ra,watin kan fansayan te nda baarmayeyan, kan ga nan i ma tabattandi, booro fa ga nga taamu cella foobu ga kaa ga no booro fa se, wone-wo cia i se naamu Israyla ra. ⁸ Kulu Bora kan gonda fansayon fonda ne Bowaza se: " Day ni bon se," kulu a na nga taamo foobu ka kaa. ⁹ Kulu Bowaza ne Arkusey nda kwara borey kule se:" Aran ga te seeda hunkuna, kan Neyomi kamba ra, hay kulu kan ga ti Elimelek wone, da hay kulu kan go Kilon nda Makulon se, ay ni dey. ¹⁰ Wodin banda mo, ay du Ruta Mowabanca Makulon wando, kan nan i buukua mayo ma tunnandi a tubo bon, kan ga nan bukwa mayo ma si daarey ga fun a nya-izey game ra nda kwara furanta meyo ga. Aran ga te seeda hunkuna." ¹¹ Kulu borey kan go kwara me furanta do, nda Arkusey ne: " Ir ya seedayan no." Rabbi ma nan waybora kan ga kaa ni kwara, mi hima danga Rachel nda Lea cine, kan yan iri boro hinka kulu na Israyla fuwo cina! Ni mo ma beeri Efrata ra, ni ma te maa mo Beytlahami ra. ¹² Da ni bandey kan Rabbi ga ni no waybora ga, ni fuwo ma hima nda danga Peret fuwo cine, kan Tamar hay Yahuda se." ¹³ Buwaza binde na Ruta sambu ga te nga wande, a maargu nda mo; Rabbi nan mo a te gunde, a na ize-aru hay. ¹⁴ Wayborey ne Neyomi se: " Albarkante Rabbi kan mana ni janandi hunkuna Albora kan ga ni fansa, a maayo mo Israyla kulu ma bay." ¹⁵ A ga cia ni se mo alomar yeeko, gaakasiney-koo ni zeena ra. Zama ni anzura kan ga baa nin din no na hay, nga kan ga bisa ni se ize iyye." ¹⁶ Neyomi na kociya sambu ga dan nga gandara ra, ga te a se zanka sajawu koo. ¹⁷ A gooro-kasiney na maa dan kociya se ga ne: "Neyomi hay ize!" kulu i na kociya ma ce da Obida. Nga no ga ti Isaya baaba, Dawuda baaba. ¹⁸ Wone ga ti Piret bandey; Piret na Hitsron hay; ¹⁹ Hitsron mo na Ram hay; Ram momna Amminadab hay; ²⁰ Amminadab mo na Nakison hay; Nakison mo na Salman hay; ²¹ Salman mo na Bowaza hay; Bowaza mo na Obed hay; ²² Obed na Isaya hay; Isaya mo na Dawda hay.