¹ Rabbi salan Musa se ka ne: ² Ma salan Haruna se ga ne: "Alwaato kan ni ga fitiley gisi ngey gisi-yan nango bon, fitilla iyya hima i ma kaari jine. ³ Yaadin mo no Haruna te, a na fitiley gisi i wane gisi-yan nango bon sanda mata kan cine Rabbi na Musa lordi nda. ⁴ I na fitalla gisi-yan nango te nda wura kan i goy, za tiksa gaa kala bosey ga, kulu te wura kan i goy. Musa na fitalla gisi-yan nango te sanda mate kan Rabbi na deedandi nda ga cabe a se. ⁵ Rabbi salan Musa se ga ne: ⁶ "Ni lawitey kaa wani Israyla izey game ra, ga i hannandi. ⁷ Mate kan ni ga i hannandi nda neya: ni ma hannandi yan hari say-say i ga, i ma ngey gahamey hamney kulu cabu, ga ngey bankarey ŋuma, i ma ngey boŋ hannandi mo. ⁸ Wodin banda i ga yeeji-ize fo sambu, da duumi sarga kan i ga te nda hamni baano kan i ga margu nda jii, ni ga yeeji-ize fo sambu mo koyne zunubi yaafa yan sargey se. ⁹ Ni ga lawitey maanandi ga kandey ciitiyan kuru-fuwo mee ga, ni ma Israyla izey jama kulu margu. ¹⁰ Ni ga lawitey maanandi Rabbi jine, Israyla izey mo ga kambe dakke i boŋ. ¹¹ Haruna ma kande Rabbi jine sargayey ga i noyanŋey te Lawitey se, danga sargey cine Israyla izey se, kan gani kaa wani ga soola Rabbi goyo se. ¹² Lawitey ga ngey kambey dakke yeejey bonŋey bon; a faa ni ga salle sanda zunubi yaafayan sargay, a faa ni ga salle sanda sargay summare kan i ga tonn, kan ga nan i ma zunubi yaafayaŋ sarga te lawitey se. ¹³ Lawitey ga kay Haruna nda nga izey jine, ni ga i windandi sanda nooyan sargey Rabbi se. ¹⁴ Ni ga Lawitey fay da Israyla izey, Lawitey ga cia a woone yan. ¹⁵ Woodin banda Lawitey ga kaa ga ciiti kuuru fuwo ra. Ya cine no ni ga i hannandi nda, gaa i windi mo sanda nooyan sargay. ¹⁷ ay na i kaa wani ay hinne se israyla izey game ra: ay ni sambu ay boŋ se , hay -jine nango ra israyla hay - jiney kulu game ra. ¹⁶ Zama israyla ize hay-jine kulu ay woone yan no,za boorey kala almanney;zaaro kaŋ ay na ize hay-jiney kulu kaa misira labo ra,ay n'i kaa waani ay boŋ se. ¹⁸ Da mo ay na lawitey sambu israyla izey hay- jiney kulu nangora. ¹⁹ A na lawitey no haruna nda nga izey se,israyla izey game ra,i ma du ga israyla izey goyo te kiitiyaŋ kuuru fuwo ra,i ma du ga zunubi yaafa yaŋ sarga te israyla izey se,kaŋ ga nan balaw kulu ma si israyla izey kar,waati kaŋ, cine i maanu irikoy fuwo ga." ²⁰ Musa,Haruna nda israyla izey jama kulu,te lawitey se hay kaŋ Rabbi ne lawitey boŋ; yaadin cine no israyla izey te lawitey se. ²¹ Lawitey na ngey boŋ hannandi,ga ngey bankarey ŋyuma mo; Haruna ni windandi Rabbi jine sanda nooyan sargay,a na zunubi yafayan sargay te i se,i hannandi yaŋo se. ²² Woodin banda lawitey kaa ga ngey goyo te ciitiyan kuuru fuwo ra,Haruna n'da ngey izey jine mate kaŋ cine Rabbi na Musa lordi n'da lawitey boŋ; mo i na te nda i se. ²³ Rabbi salaŋ Musa, se ga ne ²⁴ "Hayey kanyaŋ ga lawitey goyo guna neeya.zaa jiri waranka cindi gu ga koy beene,lawite kulu ga furo ciitiyaŋ kuuru fuwo goyo ra, ga goy fo te a ra. ²⁵ Da to jiri waygu, aga fatta goyo ra, asi ye ga goy Rabbi se koyne. ²⁶ A ga nga ŋya-izey gaa ciitiyaŋ kuuru fowo ra, ga du ga hayey kaŋ i talfi i ga din hagoy amma a si goy koyne.ya cine no ni ga ni ga te lawitey se han kaŋ ga ti i goyey cine ra."