¹ Ninawiya boin deeda neya, Nahum Elkosi bora bangandi yan dira. ² Rabbi ir koyo ya koy no kan ga canse, a bana mo. Rabbi ga bana, toonante no a goo da futay. Rabbi bana nga Ibarey gaa. A na nga ibarey kutta. ³ Rabbi gonda suru kuuku hala bina ga tun. A gaa beeri nga gaabo ra, A si taali -terey nan mo. Rabbi gaa dira hari-nda-hawu da almahaw ra; burey mo no ga ti a cey kusa. ⁴ A ga deeni teeko gaa, a ga nan mo a sundu, a hari zuru-goorey kulu koggandi mo. Basan da Karmel kulu ga lakaw, Liban booso mo ga Lakaw; ⁵ Tondi beerey mo ga jijiri a jine, tudey ga manne, laabo ga zinji a jine, oho, hala nda ndunnya nda borey kulu kan ga ra. ⁶ May no ga hin ka kay a dukuro jine? May no ga hin a futay korna? A nga futa gusam sanda danji cine, a ga tondi daarey bagu-bagu mo. ⁷ Rabbi ya gomni koy no, tuguyan do no taabi zaari ra. A ga haggoy mo da borey kan yan goono ga de nga gaa. ⁸ Amma a ga nan hari kan ga baa ma kwara tusu parkatak! A ga nga ibarey ce taamo gana k'i gaarey ka dan kubay ra. ⁹ Me hawan fo no aran ga te Rabbi bon? nga no ga haykulu halaci, taabi si tun sorro hinka bo! ¹⁰ I ga bugu waati kulu danga boro yan kan na baji han, sanda mate kan karji kambe ga koli-koli car gaa wati kulu. i ga i nwa parkatak, sanda subu kogo cine. ¹¹ Ya Ninawiya, boro fatta ni do, kan na laala me-hawyan te Rabbi bon. A goono ga zamba sawara te. ¹² Han kan Raabi ci neya: "Ba i ga to da gaabi, i ga baa mo, kulu nda yaadin ay g'i patti ga kaa g'i tuusu mo. Ya yahuda, ba kan ay jine ka ni tuubandi, ay si ye ka ni taabandi koyne. ¹³ Sohon binde ay ga calo ceeri ga kaa ni jinda gaa, ay ma ni sisirey mo patti-patti." ¹⁴ Rasbbi lordi ni bon ka ne: "ya Niniwiya, ni ye ka du banda kan ga ni maa sambu koyne. Ni tooru windey kan ra ni guuru borey-zey go, ay gani kulu tuusu. Ay ga ni saara mo soola, zama ni ya fanta hari no. ¹⁵ Nga ne, tondi kuku bon, bora kan ga lakkal-koney laabo ra cawey! Yahuda ni ma ni jingarey te, ni ma ni bine lamey tonandi! Zama boro laalo si ye ga bisa ni game ra, i na kulu alandaba.