¹ Amma woodin mana kaan Yonana se ba kayna,hal a te bine. ² A na aduwa te ka Rabbi nnwaaray ka ne :< rabbi ay ga ni nwaaray,manti haya kan ay ci za ay go yongo ay laabo ra nga neeya?Woodin se no ay tun nda cahayan ka ne ay ma zuru ka Koy tarsis,zama ay bay kan ni ya Irikoy bine-baani-koy no,toonante nda suuji,kan ga munye bine tunyan gaa,gomni yulwante Koy mo no.Ni ga ba ye mo ka fay nda masiiba. ³ soho binde ya Rabbi may fundo ta ay gaa ay ga ni nwaaray no,zama ay ma bu bisa ay ma funa. ⁴ kala rabbi tu ka ne:ni boori no kan ni goono ga futu? ⁵ kala Yonana fun kwaara ra ka goro wayna funay haray,noodina na buka te ka goro biyo ra,hala nga ma di han kan ga te kwaara gaa. ⁶ Kala rabbi irikoy na tanda nya fo soola,kan ga nan tanda nyano ma yandi ka Yonana daabu,zama a ma te bono se bi kan ga Yonana faaba,nga taabo ra. ⁷ yonana farha gumo tanda nyano sabbay se. Amma a suba kan mo bo,irikoy na nooni fo soola .noono na tanda nwa kal a lakaw. ⁸ waato kan wayna fatta ,kala rabbi n'a wayna funay haw fo kan ga dungu soola .wayna n'a Yonana bono ton ,kal a yangala.A nwaaray nga bon se nga ma bu ka ne :Ay ma bu bisa ay ma funa. ⁹ Irikoy mo ne Yonana se:Ni boori nooya kan ni te bine tanda nyawo wo sabbay se?Yonana ne :A boori kan Ay te bine,hala buuyan gaa! ¹⁰ Rabbi ne a se :tanda nyano akaraw n'a ni di,nga kan ni mana taabo a se ,ni mana nan mo a ma beeri.Jirbi follon ni a fun ,jirbi follon mo ni a halaci. ¹¹ Day,Ay wo binde,Ninawiya,bakaraw s'ay di no?kwaara bambata no kan boro kan go a ra ga bisa boro zambar zangu nda waranka kan si hin ka ngey kambe wow da kambe nwaari fayanka.Alman boobo mo go no.