¹ Rabbi mo n'a teeko ham beeri fo soola kan ga yonana gon.yonana goro mo teeku hamo gunda ra cin hinza da zaari hinza . ² Gaa no yonana na adduwa te ka Rabbi nga irikoyo nwaaray,noodin noodin teeku hamo gunda ra . A ne: A tu ay se mo .alaahara gunda ra no ay na ceyano te ,ni maa ay jinda mo. ³ Zama ni n'ay catu guusu kuuko ra,teeko bindo ra no.Hari boobo go g'ay windi.ni ⁴ hari ciciriyanan da hari bonday beerey. kulu gana ay bon. ⁵ A mo ne:ni n'ay kamba banda.kulu nda yaadin ay ga ye ni fu hananta do haray guna. ⁶ Harey n'ay windi hal ay fundo gaa.Hari guusoyan go g'ay windi,subuyan go ga didiji ay bono gaa. ⁷ Ay zumbu ka to hal tondey tikisey gaa.ndunnya nda ga kanjarey kulu go ay bon hal abada.kulu nda yaadin,ya rabbi ay irikoyo,ni n'ay fundo soolam ka kaa guuso ra. ⁸ waati kan ay fundo ga yangala ay ra ,ay ga fongu rabbi gaa.Ay adduwa mo furo ni do ni fu hananta ra. ⁹ Ngey kan ga de tooru yaamey gaa na amaana nwaari te no. Amma ay wo,saabuyan sargay no ay ga te d'a ni se.Han kan ay na sarti sambu ni se d'a mo,ay g'a bana. ¹⁰ faaba ya rabbi wane no! kala Rabbi Salan teeku hamo se.Nga mo na yonana yeeri jabo gaa.