1 Jirbi hinza banda, Esta na nga kwoytarey kwayey dan, a koy mo bonkoono windo batama ra bonkoo no fuwey jine. Bonkoono mo gono ga kaa ga gooro nga karga bon ga fuwo meyo guna. 2 Alwato kan Bonkoono di Esta goono ga kay windo batama ra, kala a du gaakuri a do, a na nga koyatarey wura goobo kan go a kamba ra salle a se. Esta maanu ka lamba goobo meyo gaa. 3 Bonkoono ne a se: " Ay wande Esta, i fo no ni ga ba?, ba a ciya ay koytara farsimo bindo, i ga no ni se." 4 Esta tu ka ne: " Da a kaanu Bonkoono se a ma kaa hunkuna nga da Haman, bato kan ay soola i se din do. 5 Kala Bonkoono ne : " Wa koy waasi-waasi ka Haman ceci, danga mate kan Esta ga baa da. Bonkoono mo koy nda Haman Ester baato kan a soola din do. 6 Kala alwato kan i go ga duvan han, Bonkoono ne Esta se: "I fo no ni ga baa?, ba dey a ga ciya ay Koytara farcimi bindo no ni baa, i ga no ni se. 7 Esta tu ka ne: "wone ga ti haya kan ay ga baa, 8 da day ay du gaakuri Bonkoono jine, da mo a kaanu Bonkoone se, amma yadda nda ay nwara, Bonkoono nda Haman ma kaa bato kan ay soola i se do, suba mo ay ga tuyan no Bonkoono se a lordo bon. 9 Hano din hane, Haman fatta nda bine kaani bato do. Amma wati kan a di Mordokey windo meyo ga a ma a goonomga goro a mana ba nyoti a jine, sonku fa a ma tun ga kay, woodin na a bina tonandi nda futey. 10 Amma a du ka hini nga bina ka koy nga kwara. Ga no a donton i ma koy ka nga corey da nga wandey ce. 11 Haman kaa ga nga arzaka kulu kaa tarey ga cebe a fo-fo, arzaka beeriyanon, da izey dimma kan go a se, da hay kulu kan Bonkoono te a se ga beerandi, nda mo nango kan a no a se Bonkoono laabu koyey nda a goyterey kulu bon. 12 A ci mo ka ne: "Ay hine ga ti bora kan Bonkoono wande Esta burney nda Bonkoono nga bato kan a te din do. A ye mo ga ay burnya suba nga kwara ay da Bonkoono." 13 Amma wodin kulu manti ay kulu, da day ay ga di Mordokey Yahudanca Bonkoono windo meyo ga. 14 A wando Zera nda a corey kulu ne a se: " I ma a gobu, kan ga to kambe kar waygu sinji ka susuba ra, day i ma Bonkoono han i ma Mordokey haw ka sarku a ga. Ga no ni ga koyq nda bine kaani bato do nin da Bonkoono. Woodin mo kaanu Haman se, a naŋ mo i ma bundo sinji.