¹ Waato boro fo go no, Ramatim-Zofim boro no, Ifraymu tondey laabu haray wane. A maa ga ti Elkana, yeroham ize, Elihu ize, Tohu ize, Zuf ize, Ifraymu dumi no. ² A gonda, wande hinka. Afa maa Hannatu, Afa mo maa penina. penina gonda izeyan, amma Hannatu sinda ize. ³ Bora din binde, jiiri kulu a ga tun nga kwaara ka koy Silo, zama nga ma sududu Rabbi kundeykoyo se, nga ma sargay te mo. Eli ize hinka din mo, Hofni nda fineyas, Rabbi alfagayan no, i go noodin. ⁴ Waato kan Elkana zaaro bare ka kaa kan a ga sargay te, a na nga wondo penina nda nga ize arey da ize wayey kulu no baayan. ⁵ Amma a na Hannatu no baa hinka, zama a ga ba Hannatu. Amma Rabbi n'a gunda daabu. ⁶ A wayco mo ga dond'a gumo, a go g'a dukurandi zama Rabbi n'a hay- tuwo daabu. ⁷ Kan albora goono ga woodin te jiiri Ka kaa jiiri, saaya kulu kan Hannatu ga koy Rabbi windo do , wayco ga soobay ka dond'a k'a dukurandi. Woodin se no Hannatu soobay ka hē, hal a wangu ka nwa. ⁸ A kurnyo Elkana mo ne a se 3Hay , nin Hannatu soobay ka hē,hal a goono ga hē? Ifo se no ni ga wangu ka nwa mo? Wala ifo se no ni bina sara ? Manti ay bisa ni se baa ize Alboro Say?" ⁹ Waato kan i nwa, i han ka ban silo ra, kala Hannatu tun. Saaya din binde Eli noodin kan ga ti alfaga* beero. A goono ga goro nga goray haro bon Rabbi windi bundu sintina gaa haray. ¹⁰ Hannatu gonda bine saray, a na adduwa te Rabbi gaa,a hē mo da heēeni konno. ¹¹ A binde na sarti sambu Ka ne "Ya Rabbi kundeykoyo, da ni yadda Ka ay, ni konna kankamo wo guna, ma fongu ay gaa, ma si dinya ay, ni konna gaa mo, amma ma ni konna no ize aru . Ay mo kala ay m'a no Rabbi se, izo fundo me muudu. A si cabu mo hal abada." ¹² A ciya binde , Waato kan a go noodin, a go ga adduwa Rabbi jine, kala Eli na laakal ye a meyo gaa. ¹³ Hannatu mo, nga bina ra haray no a goono ga salan, kal a meyo kan ga nyooti kayna, amma boro si maa a jinda. Woodin se no Eli tammahã kan a bugu no. ¹⁴ Eli ne a se mo "waati fo no ni ga ni buguyano nan? Ma ni duvano* hibandi ka kaa ni gaa." ¹⁵ Hannatu tu Ka ne "Manti yaadin no, ay jine bora. Ay ya wayboro no kan gonda bine saray biya. Ay mana duvan wala baji dumi kulu han, amma ay goono g'ay fundo soogu no Rabbi jine. ¹⁶ Ma si ni konna himandi wayboro laalo, zama ay bine sara nd'ay fantayano ra no ay goono ga salan hala ka kaa sohõ." ¹⁹ I tun za susubay ka sududu Rabbi jine, gaa no i bare ka kaa ngey kwaara Rama. Elkana nda nga wande Hanntu binde margu, Rabbi mo fongu a gaa. ²⁰ I go no mo yaadin, saaya kan jirbey to, kala Hannatu te gunde. A na ize Alboro hay k'a maa dan samuwila, Ka ne "Zama ay n'a nwaaray Rabbi gaa no." ²¹ Bora din, Elkana fatta, nga nda nga windo kulu a banda , zama ngey ma koy Ka jiiri kulu sargay te k'a sarto toonandi mo Rabbi se. ²² Amma Hannatu mana koy zama a ne nga kurnyo se: "Da arwaso fun wa, gaa no ay ga gond'a zama a ma bangay Rabbi jine, a ma goro noodin mo hal abada." ²³ A kurnyo Elkana ne a se "Te han kan ni ga ba ni bina ra. Ma goro hala ni m'a kaa wa. kala day rabbi ma nga sanno daahirandi." Nga din, waybora binde goro ka nga izo naanandi, kal a n'a kaa wa.