¹ Jeesu a kɔɔ ɖa na faŋa bɛrɛ gatunɔ. Nrɩkulo mbʋbɔnɔ nɖe n wala asul ma ni, naa aboɖo asɔ ŋuƒoi nɩ bʋto laŋ. ² Nrɩkulo ŋŋunii n ɖe n ɖa atən gato kʋpamaŋa. Na a faŋa pɩ ayɔkɔ tuutuuma ʋlugu nɩ na a lə pɩ ʋfaŋu nɩ wàà: ³ Dʋ ma gʋtɔ! Aduka ɖən aɖoo aɖu. ⁴ Tam (sáà) nɖee a na ɖu ayɔkɔ ma, ayɔkɔɖuka de kɩɖən ɩ ta ƒəɖa ƒəɖa n'ʋnyɩŋca bʋsapi ba ta pɩ atɩ jɩ ayɔkɔ ɖe. ⁵ Ɩɖən ɩ ta ƒəɖa gaɖu gaɖən atala nɩ ama ŋkəŋ gatəna ka yɔgɔ na ma laŋ, naa a ta kpaarɩ adʋwa gatəna ka loŋ na. ⁶ Ama, ʋshilé ʋ ɖoo na ɩshɩ ʋtonu akʋ aɖʋwaa ɩlələma ɩ nan ma laŋ. ⁷ kɩɖən gboo ɩ ta fəɖa ɩyiwə nɩ ɩyi wə́ ɩ ta afuro ɩ na kɩ ŋʋm ɩyupi na. ⁸ Ɩ sáàka ɩ ta ƒəɖa gatəna gasonsono laŋ naa aŋʋm ɩyuoi nɖee ɩ səŋkəla gɩshɛbʋ ashee ɩpi akae na təb, ɩshiriu n'ɩshɩnʋn gɩɖɔŋkɔnɔ nɩ. ⁹ Ŋkəŋ naa alə wáa, arɛi awʋda atɔ ma, a rɛŋə. ¹⁰ A lə gəŋ ma, mbaɖee ba na kələkələ nɩ ma, na təb nɩnyɩʋ ba səba na taba nɩ aʋləi a lə ma laŋ. ¹¹ Na a lə pɩ wáà, anyɩn pɩ Gaja kaayoritəna kashiri aɖa ashee ama mbaɖee ba ɖa aka ma, baa mʋnʋ ɩ na lee ŋkamo nɩ na ¹² kʋboŋu nɩ, ba ta kiɖe kə ba na ŋə akoɖən na, ama ʋrəŋu nɩ, tɩ rəŋə kə ba na tɩ ashi na aɖʋwaa ba tɩ təɖə pɩ babɔnɔ gɩnyinfɔnɔ laŋ na. ¹³ Na a kɔɔ lə pɩ wàà na kɩ tɩ faawɩɩ nde kaashɩ na, bapaŋa kashɩ na ɩ na tɩ faawɩɩ baɖe baŋunii ni? ¹⁴ Aduka a du galei. ¹⁵ Baɖən ba ɖa n ʋnyɩŋca gaɖuu ba ɖu galei ma, ba ma na rəŋə jɩ ma na sheetaanɩ a tɩ laa galei gaɖe ba ɖu ma basul. ¹⁶ Baɖən gboo atakəwa nɩ na ba cam ayɔkɔɖuka tam ndee ba rəŋə faawiɩ (galei) ma na ba cam jɩ n ʋcimkərka naɩ. ¹⁷ Ama kə ba wʋɖa ɩlələmə ma, kə ba səra ba yide cɩŋcɩrɩŋcɩ na, na ɩ ta tɩ kirikiri ɖən baɖé ba tɩ paŋa na ma na jim galei gado laŋ. ¹⁸ Badən, ɔyiwə nɩ na ba cam ayɔkɔɖuka mani ba camka galei (ʋnʋwələ, faawu) ¹⁹ Ama aŋasul na saamanɩ kɩnawɩya na gɩtansɔlɔka na gɩnyinfɔnɔ kayɔkɔ na galei a pala jɩ ka səra apala bɛrɛ ba rəŋə jɩ na. ²⁰ Ama baɖən gaténa gasonsona loŋ na ba cam ayɔkɔɖuka. Bani ba rəŋə ka galei gaɖe acam yɩ atun atoŋo jɩ anə kaŋfaanɩ akoo na təb, ɩshiriu nɩshɩnʋn gɩɖɔkɔnɔ laŋ. ²¹ Ba tɩ toŋo ƒətəla ace atɩ ɖʋ ayufoi nɩ koo gakantalɩ katəmɔ? Yaa kɩ lee ba na yɛɛ ba ɖʋ nɩ cɛnɖɛrɛ kagʋnyʋ nɩ na? ²² Aɖʋwaa, akoɖən kɩ da ʋlugu nɩ kə ba tɩ ŋə ayɔna ma na. ²³ Ʋɖən a ta wʋda atɔ, arəŋə. ²⁴ Na a kɔɔ lə pɩ wáà pɩ wáá lee ma heiƒa na bʋkɔɔ ɩ na rəŋə ma. Ba tə ba faŋa anyɩ ɖaa ɩ lee bɔɔta ma naa apele anyija. ²⁵ Aɖʋwaa ba tə ba shee arɛɩ a wʋɖa na ma anyɔn bʋkɔɔ a waʋda ma. ²⁶ Na a kɔɔ pele wàà, ɩ ɖa Gaja kaayɩrɩtəna sul ɖaa tam ndee arɛ́ ayɔkɔduka atən ma. ²⁷ Baa ba naa fol koo na ae kəwərə gɩfonyine gɩjibɔŋɔ na gajaka, ayɔkɔ ɩ tɩɩ ta akpər kə be yɔ ɖaa ga sara ma na. ²⁸ Gatəna kagɩlopi ga na pala aŋɔ ɩ na ta naɩ, a tɩ pala ɩ wʋda solo halɩ a tɩ wʋdo ɩpi. ²⁹ Ɩyupi ɩ ta ti kim, bade ba tɩ krə ɩ na bʋwəkrə aɖʋwaa tam a kpa ba laa awarɩyɔkɔ. ³⁰ Naa a kɔɔ pele wáá, mʋ nʋ gɩ na kpaarɩ na Gaja kaayarɩtəna? koo na galei ga paŋa jɩ gɩ na doo na jɩ. ³¹ Ɩ doo gɩŋʋpi kagipi gijanjali ŋgidee ba ta ɖu ji gatəna gɩ na jɩba na wu ma. ³² Ama ba ta ɖu jɩ, gɩ na ta ta apra akpərə awu ɩfɔ ɩŋunii awʋda ɩla ɩkaŋkra halɩ ŋdəla laŋ kabʋsapɩ bʋ tə bʋ səra aɖa kabɔ nɩ ŋkən. ³³ Na bʋlei bʋde katuutuuma wáá na a na pɩ na galei na shee pɩ daa karɛ a naa səra a tɩ kaashɩ ma. ³⁴ Ka na lə pɩ galei gaɖən a páá kɛɛshɩɩ na ama shee akʋɖa ashee abakənja (abatəmka). ³⁵ Kushilé, gitenshilé, na Yeesu, a lə pɩ wáá, gɩ fəl na nsaʋ nfɔlɩ. ³⁶ Tam ndee a kərə bɛrɛ baŋunii boŋa ma, naa toŋo nɩ akpa na ŋyufoi nɩ gaduu a ɖa ma ayufoi ɩnən ɩ ɖe da asul. ³⁷ Gʋsərə g ʋkaŋkra gʋɖən gʋ lee ataa ayɔkɔkɔ abəɖa ŋyufoi halɩ n tɩrŋə boŋo. ³⁸ Ʋni aɖe a tɩ fol alefeeri laŋ. Na ba ŋənə nɩ ataba nɩ wàà atɩtanɩ yar "kɩ na ɖa akɩ asəmpəna gɩ páà tɩ lee saratɩ aa? ³⁹ A ŋənə ma ni, na a bor na gʋsərə naa alə təŋku wáá, ŋʋra ŋən. na gʋsərə gʋ ŋʋra (kaɖa) na gaɖu ga ŋʋra siuu. ⁴⁰ Kakəm na lə pɩ wáá " mʋ laŋ na ɩ wʋɖa asampəna gəŋ? Mʋ laŋ na kɩ wʋɖa ʋcine baa cei na? ⁴¹ Násampəna ɩkaŋkra ɩ kpa pɩ bade ba tɩ taba bawor waa: Aŋa na nde gʋsərə na təŋku ba na lee nɩ bɔɔto.