¹ Yeesu atəbə ŋkəŋ ma, náce yuɖee yurɖɛ kanɖi laŋ, Na samaa abʋmbɔnɔ akɔɔ awa la asul acəŋə, ɖaa ace na lee ma, na akɔɔ asəba pɩ kʋceru. ² Na Fariisi kəbaja baɖa na taataa nɩ ɩlɔ na kəʋ nɩ alaŋ, na taba nɩ waa: ɩshee ganɔ waa: Arɛ abəla akan aaʔ ³ Na abʋye pɩ waa: gapaŋaji Musa aŋɔn ashee anyɩn. ⁴ Na ba lə waa: Musa anhee ganɔ baŋɔn ʋsəmbəlaka kagʋbɔ, naa ye bəla nɩ. ⁵ Na Yeesu alə pɩ waa: Anyɩŋgaɩfolu gɩkaŋkəna laŋ na Musa ashee anyɩn gʋpɔ gʋɖe. ⁶ Ama, ɖulinya ʋsəbʋ nɩ, ʋsoro n'ʋsəmprə na Gaja ga lee. ⁷ Galaŋ na arɛsoro atəbə ayar na anar asə nákar, ⁸ Naa banyɩʋ baɖe bapra gʋlɔ gʋɖɔŋŋkɔnɔ. Kɩ kɔɔ a lee banyɩʋ na. Ama ba pra gʋlɔ gʋɖɔŋkɔnɔ. ⁹ Galaŋ arɛ ɖən apaa tɩ paɖa na bʋkɔɩ Gaja gakə aman ma na. ¹⁰ Akpa afalma, na abakəŋ ba kɔɔ ataba nɩ galei gaɖe acəŋə. ¹¹ Na alə pɩ waa: Arɛ nɖee abəla akar naa atɔɔ afɔlɩ ma, alee gɩsna kagʋlesra nʋsəmprɛ afɔlɩ ɩ atɔɔ ma. ¹² Ʋsəmprə ɖən ata bla ʋkur atɩ ko ʋoro a fɔli, alee gɩsna kagʋlesvra. ¹³ Bapɩ na bapi bajala Yeesu atər anyɛ balaŋ ma. Na Yeesu abakəŋja ba bəla na nbaɖee bapi na bapi. ¹⁴ Yeesu aŋəba na lee gəŋ ma na abəla na pɩ aləpɩ waa: pala ma bapi bajala bapɩ amasul. Paa ma kəl pɩ ʋnyɩŋca na: Aɖʋwaa: Mbaɖee baɖa ɖaa bapi baɖe ma bajiee Gaja kaayarɩtəna. ¹⁵ Ntɩ lə anyɩn ɩja, waa: Arɛ nɖee katɔɔ agʋlɔ apna ɖaa ʋpijala na ma, kaa kpa Gaja kaayarɩ təna nɩ na. ¹⁶ Na acam bapi na atər anyɛ bapi laŋ aɖʋpɩ aləparka. ¹⁷ Yeesu asara na ce n'ʋnyɩŋca ma, n'ʋsoro ɖən acu atɩ cim akəwə laŋ aŋyɩɩ na lə waa afaŋaka asoŋsono baɩ na ma cɔɔ alee naa aye ŋə ŋŋuro nɖee kɩ n wʋɖa gayala na ma. ¹⁸ Na Yeesu a lə nɩ waa: mʋlaŋ na ʋna yɩɖa amʋ waa: Asoŋsono? Gaja ka nɖənɖən galee ka asoŋsono. ¹⁹ Ʋyɔ gʋpɔ: ka gbɛɖɔ a lee gɩsna na; kagbɛɖɔ a laa akʋwor aŋŋuro na: ka gbɛɖɔ anyɩm na kagbɛɖɔ afʋ ɩsei akʋwor a ndi laŋ na ka gbɛɖɔ amuulee akʋwor na: Nyene aka wɛɛ n'akaŋana. ²⁰ Na atələ ashee nɩ waa: Afaŋaka, ncɔɔ akʋn kaɖeiɖe tɔɔna ɖoo aŋyyala nɩ. ²¹ Yeesu ataa akiɖe nɩ, n'ʋsɔlʋ, naa alənɩ waa: Gaɖən ɩsər akɩ; kʋla atɩ yala bʋkɔɩ ʋwəɖa ma ɩŋunii kpataa, naa ayʋga bashɛɩrɛ, naa aŋə amaana Gaja sul. Kaŋkəm, pɩ atɩ tər amʋŋkəm. ²² Ama ʋsoro ɖe arəŋə gəŋ ma nɩlee nɩ yɔɔ agʋlɔ gʋta cii, na ashɛʋ agaɖufa, aɖʋwaa: awəɖa amaana na tuutuuma. ²³ Yeesu akiɖe asir akal ma, na alə abakəŋja waa: ɩtɩɩ tɩ sɔma ashee mbadee ba wəɖa arisiki ma, ba kpa Gaja kaayarɩtəna nɩ! ²⁴ N'ɩkpa abakəŋja biti ɖaa Yeesu a lə gəŋ ma. Na akɔ aləpi waa Ambapi, ɩtɩɩsɔm ashee mbaɖe bawəɖa amaana tuutuuma ma, ba kpa Gaja kaayarɩtəna nɩ. ²⁵ Kɩsɔm ashee ɩraakum akul na gɩkəmpi kə gʋkulu na, ama, ataŋja kaasəra akpa Gaja kaa yarɩtəna nɩ na. ²⁶ Ŋkəŋ na ɩkpa abakəŋja biti paa, baɖe batɩ lə bawar waa: gaŋ ma ma aŋa naa səra aŋə nɖinsono? ²⁷ Na Yeesu akiɖe pɩ naa alə waa: ɩsɔm ashee bɛrɛ, ama, kɩsɔm Gaja sul na, aɖʋwaa: Gaja gatɩ lee gəŋ. ²⁸ Na Pɩɛɛrɩ a na lə nɩ waa: kiɖe, gɩ pala baamʋnʋ naa ter akiŋkəm a. ²⁹ Na Yeesu abuye nɩ waa: Ntɩ lə anyɩn ɩja, ʋɖən mana, atəbə agafala, abaŋono, abanyeŋka, ama n'ayar kokoo abʋtənə, ³⁰ Na karɛ kaa aŋə ka kpala ɩshɩnʋ, alʋwaatʋ nɖe na saamam n nɖe nɩ, akəbapi, na akəbʋtəna, ɩnawɩya mbaɖe kagɩcɩɩca, saamanɩ nɖee anaatɩ pɩ ma, ataaŋe Gaja kaayarɩtəma. ³¹ Bɛrɛ tuutuuma ɩ ba cee a lee basəbaka ba cee alee bakəŋja ma, batɩba pra batɔnɔka. ³² Batɔɔ ʋnyɩŋca na Yerusalɛm ma, na Yeesu atɔnɔ ashee pɩ. Na abakəŋja balɔ ɩɖe ci baɖe bater aŋkəm n'asampəna. Ŋkoŋ na Yeesu a wala abakəmja təb-na-ba-nyɩʋ. Naa asəba pɩ kʋləʋ bʋkɔɩ banɩ ba sana na nɩ ma: ³³ kiɖe ma, atɩya, gɩtɩ ce Yerusalɛm, Batɩ ba n,i arɛ ʋpur ashee basaraalaaja na babɔŋɔnja batɩba kə nɩ acii. Bo tɩ ba ri ni aɖʋ mbaɖee kə ba yɔ Gaja na ma, banyɛ nɩ. ³⁴ Batɩ ba bɩɩlɛɛ nɩ na lɔgɔtɩɩ nɩ, ashem nɩ ataba ra, akəɖa nɩ ɩpɛ, naa ba kə nɩ acii; ʋshile ʋriutaja ataakɔɔ aŋənə. ³⁵ Sebeɖee bapur Yakubu na Yohana ba ce Yeesu sul, naa alə nɩ waa: Nɖiyar gɩtɩ yɛɛ alee bʋkɔɩ gɩ na hiɛ ma. ³⁶ Na ataba pɩ waa: Mʋ nʋ ɩnayɛɛ ma lee ashee anyɩn? ³⁷ Shee atʋ ganɔ, ŋkelee atɩ pɩ akʋkʋmʋ nɩ ʋɖən asə akʋnyɛsono laŋ n'ʋɖən asə akʋnyɛpɛnɛ laŋ. ³⁸ Na Yeesu abuye pɩ waa: kɩ yɔ bʋkɔɩ ɩna nyiŋə ma na ɩtɩɩsəna anyem gakupi ŋgaɖee nnɩ ma nym ma, yaa Bʋtomənakoɩ ma məna maa? Nabatələ waa: Gɩtɩgɩsəra. ³⁹ Na Yeesu abuye pɩ waa; Gasono jɩ waa: ɩtɩɩ səra anyem gaku pi ɩ nnɩma nyem ma, ɩtu məna bʋtomənakaɩ ma məna ma. ⁴⁰ Ama, ɩtasaa na aŋgʋnyɛpɛnɛ laŋ na gʋnyɛsana laŋ ma, gani kaalee aŋgalei na buɖu bʋɖe ɩɖaɖa ashee mbaɖee bacee ɖʋ ashee ma. ⁴¹ Abakəŋja təb ɩ ba saa ma, barəŋə gəŋ ma, na ba cam ʋnyana na Yaakubu na Yohana. ⁴² Na Yeesu ayiɖa pɩ, naa a lə pɩ waa: Mbaɖee ba ŋə waa: Ba lee Baŋono na aɖibaja nɩsamaa ɩ ba bɔbɔ na bawor, naa kə baŋono ba wu pɩ ma. ⁴³ Kɩɖa gəŋ anyɩŋgɩ cuca na. Ama arɛ nɖee ana yɛɛ alee asəba ka anyɩŋgɩcuaa ma, shee karɛ apra anyɩnateeeen lee ja. ⁴⁴ Nɖee ana yɛɛ a lee asəba ka ma, shee kanɛ apra, anyɩŋganɔ anyɩnaɖɔmpəla. ⁴⁵ Aɖʋwaa: Arɛpur a pɩ ma, kapɩ waa: balee ashee nɩ na, ama apɩpɩ alee ashee, natɔɔ aŋŋuro ashee acam na bɛrɛ tuutuu ma alam atən. ⁴⁶ Ba kpa Yerikoo ka mpa, apaɖa nafɔl na yɛ baɖoo mpa kʋboŋu nɩ aɖe nnoo abakəŋja ma samaa abʋmbɔbɔnɔ ma, ʋsoro ɖən batɩ yɩɖa nɩ waa: bartima ayar na gəŋ Timee, aɖe lee afɔnɔrɛ na lee bara, asə ʋnyɩŋca kʋ paŋpaŋa. ⁴⁷ Na arəŋə waa: Yeesu Nasaretɩ kaja, ana fəl, na asəba na kuro; Ɖaʋɖa, ʋpur Yeesu ŋə amɩshɛɩ aa. ⁴⁸ Bɛrɛ tuutuuma baɖe ba tɩ bəla na nɩ, nalənɩ waa: ŋʋra ŋkəŋ: na akara gayɛ na koro kəŋ kəŋkəŋ waa: Ɖaʋɖa ʋpur, ŋə amishɛɩ. ⁴⁹ Na Yeesu ayiɖe naa lə waa: yɩɖa ma nɩ apɩ na ba afɔnɔrɛ waa: ri akʋʋlɔ atayɩɖe atɩ yɩɖa akɩ. ⁵⁰ Náfɔnɔrɛ abəɖa atokopo n'ata kpaka ace Yeesu sul. ⁵¹ Na Yeesu acam ʋwələ, naa ataba nɩ waa: mʋ nʋ ʋna yɛɛ ma lee? Nafɔnɔrɛ a lə waa: ntɩ yɛɛ amɩ nyine ɩtine. ⁵² Na Yeesu a lə nɩ waa: kʋla akʋcine ʋfʋra akɩ. Nɩnyɩne ɩmana atine kpaarɩ atər Yeesu aŋkəm akʋn ʋnyɩŋca.