¹ Yeesu -Kristo, Gaja ʋpur a laabaarʋ asoŋsono kʋsəbʋ. ² Ɖaa ba ŋɔn anaba Esaye agʋbɔ nɩ waa kide atɩya, ntəm amatənleeja apɛmpɛŋɛ akʋ nyɩŋca. ³ Alʋl ka ʋwələ ʋɖoo n'ʋteru nɩ: na lə waa: pɛmpɛŋɛ ma bdi yar ʋnyɩŋca bɔɖɔ bɔɖɔ ma abʋnyɩŋcapiri. ⁴ Yohana aɖoo na ʋteru nɩ, na lee bʋtoməna ka ka waasu, bafʋba nɖawa baməna pɩ bʋto, naa batəɖə pɩ ba mbɔnɔ. ⁵ Yuɖee kaatəna gaŋinii na Yerusalɛm kəbaja ba wala a sul; Baa aŋa aɖetɩ laa ambɔnɔ na lə, aɖe tɩ məna pɩ Yurɖɛ kaato nɩ. ⁶ Yohana ɖe Kara ɩraakum ɩsana katoko narɩm bɛlɛtɩ mpoo kaja aŋsəl. ⁷ Aɖe tɩ lee waasu, na lə waa: ʋɖən atʋ na pɩ, ʋniɖe awəɖa ɩkashɩ awu amʋ, kə ma wəɖa ɩko ma kur atən akʋɖa aŋkɔɖɔ kɔɖɔ kʋlɔ na. ⁸ Amʋ bʋto bʋ məna anyɩn, ʋni ŋŋuro nsoŋsono njɩ aməna nanyɩn. ⁹ Kasaa ɖe na Yeesu aɖoo na Nasarɛtɩ Galilee kʋtənla nɩ, na Yohana aməna nɩ bʋto yurɖɛɛ kaato nɩ. ¹⁰ Afʋno bʋto nɩ, na ɖoo ma na anə nɖɩ la ntine, na ŋŋuro nsoŋsono ŋrgə alaŋ ɖaa alikuku ma. ¹¹ N'ʋwələ ɖən ʋɖoo nalaŋ, nɔlə waa: Akɩ lee ka mpi asɔlɔka, nɖʋ amʋsɔlʋ akɩ nnɩ nɩ. ¹² Kpaarɩ nkəŋ na ŋŋuro nsoŋsono ntɔɔnɩ Yeesu ace na ʋteru nɩ, ¹³ Na aɖa ʋteru nɩ, ɩshɩle ɩshɩnyɩʋ, na sheetaanɩ atʋŋa nɩ. Aɖe ɖa ibɔrɩ baŋɔnja nɩ, nɩmalaɩka mana ba pɩ na lee nɩ bɔɔta. ¹⁴ Bari Yohana aɖʋ sarka nɩ ma, na Yeesu ace Galilee nɩ, na lee Gaja ka laabaarʋ asoŋsono kawaasu. ¹⁵ Na lə waa: Alʋwaatʋ akpa boŋo. Gaja kaayarɩtəna gakpa fʋba ma, nɖawa, shee ma laabaarʋ asoŋsono ɩja. ¹⁶ Asara akʋn Galilee katəŋku na ce ma na aŋə Simɔɔ nápar Anɖiree, baɖe batɩ kəw gʋraw təŋku nɩ; Aɖʋwaa: Bʋfɩlɩkəjo pɩ balee. ¹⁷ Na Yeesu aləpɩ waa: Tər amʋŋkəm naa ma lee anyɩn ɩnaa ri bɛrɛ. ¹⁸ Na ba mana apala baraʋ kpaarɩ, atər Yeesu atər Yeesu aŋkəm. ¹⁹ Akəm acə ŋyɩɩ cəɩ ma, na aŋə Yaakubu, sebeɖe ʋpur napar Yohana, ba nɩ gboo baɖe baɖa ŋyifoi nɩ na pɛmpɛŋɛ ba gʋraʋ. ²⁰ Na ayɩɖa pɩ kpaarɩ, na bamana apala baya sebeɖee na batənleeja ŋifoi nɩ tər Yeesu aŋkəm. ²¹ Na ace kapɛrnahum Sabaatɩ kʋshile, na Yeesu afəna akpa sɩnagɔɔgɩ nɩ, na cere bɛrɛ. ²² N'ʋcenu ana cere ma, ʋkepɩ garəŋə; Aɖʋwaa: Ana cere bɛrɛ pɩ na kpashe, kɩ ɖa ɖaa babɔŋɔnja ba na cere ma na. ²³ Ʋsoro ɖən aɖe ɖa sinagɔɔgə ɖənɩ, ŋŋuro mbɔnɔ nɖe nɖa na nɩ, na akuro waa: ²⁴ Yeesu Nasarɛtɩ kaja, gapaŋa gaɖa ka atɩ nnakɩ gɩ cɩɩca, ʋpɩ pɩ aɖur atʋ aa. N yɔ gʋrɩsʋra ɩ ʋlee ma: cɩnɩcɩnɩ Gaja kaja nakɩ. ²⁵ Na Yeesu akpashɛ alə nɩ waa pɔɔakaanɔ naa aɖoo ʋsoro ɖe laŋ. ²⁶ Ŋkəŋ na ŋŋuro mbɔnɔ ntugotugo ʋsoroɖe naa aɖoo agʋlɔ nɩ, nɩkashɩ nakuro kəŋkəŋ kəŋ. ²⁷ Nɩlee baŋunii maamaaci baɖe ba tɩtaba bawor waa: Gapaŋa jɩ gəŋ ngaɖe? ʋceru ʋfɔlɩ: Atɩkpashɛ aŋŋuro ɩbɔnɔ ɩɖe tɩ nyene nɩ. ²⁸ Ŋkəŋ na Yeesu antagi nce baa ŋka na Galilee kɩkarakara baŋunii ni. ²⁹ Baɖoo sinagɔɔgə nɩ, aɖe nna Yaakubu na Yohana ma, na ba ce Sɩmɔɔ na Aɖɩree ba gafala nɩ. ³⁰ Sɩmɔɔ akar anr aɖe tɩ shɛɖɛ gʋshile aɖa atən, na bajɩ ashee Yeesu. ³¹ Na akəm asəla nɩ, naa ari agʋnyɛ nɩ ataa nɩ alaŋ, na gʋshɩle gʋ ma na ɖoo agʋlɔ nɩ kaarɩ. Na ata akaŋa na pɩ. ³² Gɩtəŋshile laŋ ʋshile ʋna fəɖa ma, na ba pɩ na banyʋŋkʋja baŋɩnii naŋŋuro ɩbɔnɔ baja. ³³ Na mpá nyunii kasamaa wala agafala kaa kukonu. ³⁴ Aɖe tɩ kade bɛrɛ tuutuuma bɩ shɛɖʋ aṣʋra aṣʋra aɖe tɩ kərə aŋŋuro ɩbɔnɔ tuutttma, ade tɩ ble náŋŋuro ɩbɔnɔ ɩpaalə agalei na aɖʋwaa aŋŋuro ɩbɔnɔ ɩyɔ nɩ. ³⁵ Njɩ kʋɖɩ futufutu Gaja kaaka na para na ma, ade ta a ɖoo ace gaɖuɩ ʋɖən kaɖa na ma atɩ na nyɩŋə Gaja. ³⁶ Simɔɔ nabawar baɖa asul ma ɩbaɖa na yɛɛ yɛɛ nɩ. ³⁷ Boŋənɩ ma, na ba nɩ waa: Bɛrɛ baŋunii batɩyɛɛ yɛɛ akɩ. ³⁸ Na abue pɩ waa: kʋla ma gɩ ce apa ɩfɔle nɩ, naa ma lee waasu ŋkəŋ gboo; aɖʋwaa galaŋ na mpɩ. ³⁹ Na ace Galilee ki sinagɔɔgɔ baŋunii nɩ a tɩ lee ɩwaasu, aɖe atɩ kərə aŋŋuro ɩbɔnɔ. ⁴⁰ Alanɖɛmja ɖən ace Yeesu sul naa a cəm akəwə laŋ, naa apəla pəla nɩ, n'ʋwələ ʋjala waa: ʋtasɔlɔ, ʋtaasəra akaɖa ama lanɖəma. ⁴¹ Na Yeesu aŋə ɩshɛɩ, naa bɔlɔ agʋnyɛ afɔm nɩ n'alə nɩ waa: nṣɔlɔ akalanɖəma ɩkaɖa. ⁴² Kpaarɩ na alanɖəma ɩmana akaɖa agʋlɔ gʋ mana apra cɩrɩcɩrɩ. ⁴³ Na Yeesu akərə nɩ alə nɩ, kaka nɩ, ⁴⁴ naa alə nɩ waa: paa ŋə nakɩ, nyine alə shee ʋɖən na: ama kʋla ace asaraalaaja sul atɩ faŋa nɩ akʋlɔ, naa alaa saraa ashee akʋʋlɔ kʋkaɖʋ ɖaa mnsa aŋən ma, nɩla a səriya. ⁴⁵ Ama ʋsoro ɖe, afəl ma, naace atɩ ləjɩgbagaraa na kʋl jɩ na shee baŋa, galakɩ shɛɛ Yeesu ganɔ akpa mpá nɩ baŋǝ nɩ gbagbanaa. Aɖe tɩ ɖa bʋuɩ bɛrɛ kə baɖa na ma.