¹ Na Yeesu ace aliifv kayo kagvbvnv laŋ. ² Gaja gajaka n'akɔɔ ace vnyiŋu kaafala ni, na samaa awala asul. Na a sǝ na cere pi. ³ Nkǝŋ na Fariisimana na babɔŋɔnja ba pi na vsǝmprǝ dǝn,ba siv ni a na lee gisǝna ma. ⁴ Naa ti ni gicuca samaa aŋyu, na lǝ Yeesu waa Acereka, vsǝmprǝ ndǝ gisǝv ni ana lee gisǝna ma. ⁵ Musa a ŋɔn gvpɔ ni waa:Basǝmprǝ daa gǝŋ ma, gi nyin pi atala:Bai na aki shee na lǝ? ⁶ Ba na kǝu ni na alaŋ na yɛɛ ba rǝŋǝ ŋgadee alǝ na baciv nani ma. Ama na Yeesu kur atǝn atɔɔ agisiwa na ŋɔn atǝn. ⁷ Ba kara gayɛ na taba ni ma,na ataa agayɛ naa alǝpi waa:Anyin nini arɛi ka lee mbɔnɔ ayɔ na ma, asǝba anyun ni ntala. ⁸ Na akɔɔ kur atǝn na ŋɔn naa gisiwa. ⁹ Ba rǝŋǝ gǝŋ ma, nu hav pi paa, na ba sǝba nabɔbalɔ gidǝndǝn a shɛv tɔɔ na baŋono hali bapi laŋ:Nu saa Yeesu andǝndǝn vsǝmprǝ de yide gicuca. ¹⁰ Ata ayide laŋ ma ka ŋǝ vdǝn na, vsǝmprǝ andǝn dǝn a saa ka, na Yeesu ataba vsǝmprǝ waa. Mbadee ba na civ na ki ma badai kǝ ba lee ki gadǝn na ǝa. ¹¹ Na atǝlǝ waa:aai, ndiyar.Na Yeesu a lǝ ni waa:Amv miav kǝ ma lee ki gadǝn na:Kvla paakɔɔ lee mbɔnɔ na. ¹² Na Yeesu alǝ pi aciŋǝ waa:Amv na dulinya aŋunii vkadv, arɛi atǝr amvŋkǝm ma, kaa sara nkomo nu ayɔ na, ama ataawⱳda vkada kaŋuro. ¹³ Nkǝn na faniisi mana ba lǝ ni waa:Vti laa sǝriya na shee akvvlɔ, aka sǝriya ka lee ija na. ¹⁴ Na Yeesu atǝlǝ a shee pi waa:Baa maa nlaa sǝriya ashee aŋgvlɔ ama sǝriya alee ija ni advwaa ŋyɔ gaduu ndoo ma,naa yɔ gaduu nce ma, ama anyin ki yɔ gaduu ndoo ma naa ki saŋkɔɔyɔ gaduuv nna ce ma na. ¹⁵ Gvrilɔ ki kǝma nuna cim, amvkǝ ma na cim n'vdǝn ikǝma na. ¹⁶ Ńta cim ikǝma, amikǝma ilee ija ni advwaa:Kǝ ma da amv ndǝndǝ na:Ama wɛɛ ndee atǝm amv ma,ada amasul. ¹⁷ Ba ŋɔn anyiŋgvpɔ ni waa:Bɛrɛ banyiv ba sǝriya alee ija ni. ¹⁸ Aŋgilopi nti laa sǝriya na shee aŋgvlɔ náma wɛɛ gboo ana laa sǝriya na shee amv. ¹⁹ Na ba ta ba ni waa:nka na akawɛɛ ada: Na atǝlǝ ashee pi waa:Ki yɔ amv na, kisaŋkɔɔ a yɔ amv na, maa iyɔ amv itu yɔ ama wɛɛ. ²⁰ Yeesu alǝ bv lei bvde na cere na bɛrɛ vnyiŋu kaafala ni acimna gaduu gvjɔ kadakaa a sǝma, n'vden ka tav ni gvnyɛ ari ni na,advwaa asaa kaka na kpa na. ²¹ Na Yeesu a lǝ a cǝŋ waa:Ntǝ ma kɔɔ a shɛv, itu yɛɛ yɛɛ amv, itu cii anyumbɔnɔ ni.Ku sǝna ace gvduu nda ma na. ²² Nkǝŋ na Yudaa kǝbaja ba na lǝ waa:Anaa cece ati kǝ agvlɔ yaa,advwaa:Ku sǝra ace gaduu nda ma na? ²³ Na Yeesu alǝ pi waa:Batǝnaja pi ilee, amvnlee alaŋ kaja na, anyi ilee dulinya nde ni kǝbaja pi, amv kǝ ma lee dulinya nde ni kaja na. ²⁴ Galaŋ na nlǝ anyin waa: Itu cii anyimbɔnɔ ni na ki yɔ gvrisvra i nlee ma na itu cii anyimbɔnɔ ni. ²⁵ Na bataba ni waa:Gǝŋ ma, aŋanaki Yeesu bvye pi waa: Ncee lǝ anyin vsǝbv ni. ²⁶ Nwǝda bvlei tuutuuma ma lǝ anyindi laŋ, naa cim ikǝma, ama ndee atǝm amv ma, awⱳda ija, ŋgadee nrǝŋǝ asul ma, gani ji nna lǝ dulinya. ²⁷ Kǝ ba ti kaasi a na lǝ pi ayar agalei mana. ²⁸ Na Yeesu alǝ waa: Ita taa arɛpur alaŋ boŋo anii, itu yɔ gvrisvrai nlee ma,na kǝ ma na lee akɔdǝ nám vcŋsɔlɔka na, ŋgadee ama wɛɛ acere amv ma, gani ji nna lǝ. ²⁹ Ndee atǝm amv ma, ada amasul, ka pala amv ndendǝn na, advwaa nti lee baaŋjǝŋ bvkɔi bv cim na ni ma. ³⁰ Yeesu ana lǝ bvlei bvde gaŋ ma, na bɛrɛ tuutuuma bashee ni ija. ³¹ Nkǝŋ na yeesu a lǝ Yudaa kǝbaja i bashee ni ija ma, waa ita toŋo ambvlei, iti lafv alee ambakǝŋja. ³² Itu yɔ ija naa ija icam anyin alam atǝn. ³³ Nabatǝlǝ a shee ni waa:Gilee Abraham bapur pi a kulee vdǝn adɔmpela ayɔ na, bai na vkɔɔ na lǝ waa:ija tu cam atv alam? ³⁴ Na Yeesu a lǝ waa:ijaija, nti lǝ anyin waa: Arɛi ana lee mbɔnɔ ma, alee adɔmpǝla na. ³⁵ Adɔmpǝla ka lee vfalpi na, vpi ndee baŋvm afal ma, alee ka vfalpi. ³⁶ Galaŋ vpi atacam anyin alamatǝn itu da fɛɛ. ³⁷ Nyɔ waa:Abraham bapur bapur pi ilee:Ama iti yɛɛ ikǝ amv ma cii,advwaa ki cam ambvlei anyinifalu ni na. ³⁸ Bvkɔi ŋŋǝ ama wɛs sul ma bvnibv nnalǝ,n'anyiina lee bvkɔi irǝŋǝ anyinaya sul ma. ³⁹ Na ba tǝlǝ ashee ni waa:Ataya na gǝŋ, Abraham a.Na Yeesu a lǝ pi waa:Maa ilafvlee Abraham bapur m'ilee Abraham alesvra. ⁴⁰ Ama nnyimǝ iti yɛɛ i laa amvŋuro amv ndee nna lǝ anyin ija ndee nrǝŋǝ gaja sul ma.Abraham ka lee anyinalesvra nde ayɔ na. ⁴¹ Anyinaya antǝma ŋji i na lee gǝŋ:Na batǝ lǝ ashee ni waa:Ku lee akǝtǝlpi na, gvyà gvdɔŋkɔnɔ kv giwǝda vni na gǝŋ gaja. ⁴² Na Yeesu alǝ pi waa: Maa gaja galee anyinaya, maa isɔlɔmv, advwaa gaja sul na ndoo na ma api kǝ ma pi agilopina,atǝm kámv. ⁴³ Mv lee ka, ki na yɛɛ irǝŋǝ aŋgilǝkrǝ na, advwaa kusǝra advgvtɔ arǝŋǝ na. ⁴⁴ Anyinaya na gǝŋ sheetaam, n'ina yɛɛ ilee anyinaya antǝma.Alee arɛ kǝja na doo vsǝbv ni, ka yide ija ni ayɔ na, advwaa kawǝda ija na baa cei.Ata naa fvisǝi a na lǝlǝ daa ada ma,a lee isǝiyar na naa lee ba sǝirɛ baya. ⁴⁵ Amv nna lǝ ija ma, na ki na yɛɛ ishee ija na. ⁴⁶ Nta naa lǝ ija anyina ŋa,naa lǝ amv waa: Nlee mbɔnɔ? Na mvleeka na kishee amv ija na? ⁴⁷ Ndee alee gaja karɛ ma,ana dvgvtɔ arǝŋǝ gaja kabvlei, anyin ki na dv gvtɔ na,advwaaki lee gaja abaja na. ⁴⁸ Na Yudaa kǝbaja batǝlǝ ashee ni waa: ka gi nyiŋǝ alǝ waa asamaarija naki na, naa gi lǝ waa jindi dǝn ada na ki na. ⁴⁹ Na Yeesu a nuŋo pi waa:kǝ ma wǝda jindi dǝn na,Ama nna nyene amaeɛɛ na, n'anyin i na yɛɛ mv bvlei Na Yudaa kǝbaja batǝlǝ ashee ni waa: ka gi nyiŋǝ alǝ waa asamaarija naki na, naa gi lǝ waa jindi dǝn ada na ki na. Na Yeesu a nuŋo pi waa:kǝ ma wǝda jindi dǝn na,Ama nna nyene amaeɛɛ na, n'anyin i na yɛɛ mv bvlei. ⁵⁰ Kǝ ma na yɛɛ angilopi amvkvmv na, vdǝn ada ana yɛɛ ma na cǝm ikǝma. ⁵¹ Íjaija nti lǝ anyin,arɛi atoŋo aŋgalei ma,karɛ kaa cii ayɔ na ⁵² Na Yudaa kǝbaja ba lǝ ni waa:Nnyimǝ gi yɔ waa jindi dǝn ada na ki.Abraham aci anabi mana gboo na ki na lǝ waa:Arɛi ataŋo a kaalei ma kaa cii na. ⁵³ Aki vwu ataya Abraham acima? Anabi mana gboo ba ci a.Nka n'vcɔɔtɔɔ akvvlɔ nadv? ⁵⁴ Na Yeesu alǝ pi waa:Nta naa kvma aŋgvlɔ, amvkvmv kv lee aŋfaani na.Amawɛɛ n'akvma amv vni ndee ina yida waa:Anyiŋ gaja. ⁵⁵ Naa ki yɔ ni na ma.Amv nshee yɔni:Nta lǝ waa kǝ ma yɔ ni na, nte ma da daa anyin gboo ilee basǝirɛ ma.Ama n yɔ ni naa atoŋo'agalei. ⁵⁶ Anyinaya Abraham vcine vkǝr ana yɛs aŋǝ amv shine ma, aŋǝ ni naa jaŋ na ma. ⁵⁷ Nkǝŋ na Yudaa kǝbaja ba lǝ ni waa:kaka na wǝda bvja unyinatǝb na, n'vŋǝ Abraham? ⁵⁸ Na Yeesu alǝ pi waa:Naa ba ŋum Abraham ncee da. ⁵⁹ Nkǝŋ na ba pom atala na yɛɛnyim ni, na Yeesu acu afǝrǝ asukul sukul ba gi cuca adoo vnyiŋu kaafala ni.