¹ Alesvra de kaŋkǝm, na Yeesu ace Galilee kateŋku kagvsav gvsaaka ba na Yida waa Tiberiyaadi ma. ² Samaa abvmbɔnɔ dǝn dǝ ti kvn ni, ba na ŋǝ maamaa ci ka lesvra a na lee na kada bɛrɛ bishɛdv ma laŋ. ³ Na Yeesu cǝpra na gvbvnv kagvsav adenna abakǝŋja na ba sǝ nkǝŋ. ⁴ Yudaa kǝbaja bajiŋgaari ba na yida waa: Paaki ma, ade sǝla. ⁵ Yeesu ataa agayɛ akide ma, samaa abvmbɔro dǝn ade tv a sul, na yeesu ataba filiipu waa: Nka na gi ŋǝbodobodo ashi ashee bɛrɛ mbade ba ji? ⁶ Ana lǝ gani ji na yɛɛ arǝŋǝ ŋgadee filiipu alǝ ma.Agilopi ayɔ bvkɔi anaa lee ma. ⁷ Nafiliipu abuye ni waa: Ideniyee awanyiv kucaatǝ ba shi ibodo bodo naa baaŋa aŋǝ ceicei na. ⁸ Na akǝŋja dǝn Adiree Simɔɔ Piɛɛr apar alǝ waa: ⁹ Gapisopi gadǝn gatoŋo orji k'ibodobodo banvn na bvfili bvnyiv ku caatǝ bɛrɛ mbade na. ¹⁰ Na yeesu a lǝ maa: lǝ ma pi ba sǝ atǝn.Ŋŋɔ ndeŋyɔgɔ agadu gadu gade. ¹¹ Na ba sǝ atǝn bɛrɛ miili banvn.Na Yeesu atɔɔ ibodobodo na anyiŋǝ ayvga mbadee ba sǝ atǝn ma, maa shee pi bvfili ifana pi daa ba na yɛs ma. ¹² Baji akun ma, Yeesu a lǝ abakǝŋja waa: wala ma ndee isaa ma, gidǝn gi paa saa na. ¹³ Na ba wala orji kibodobodo ba ji akun isaa akǝlǝ akǝlǝ ma,bv shɛl tǝb na bvnyiv. ¹⁴ Bɛrɛ bade ba ŋǝ maamaaci kagvlesvra Yeesu a lee ma,na ba lǝ waa:Nde kajarɛ alafvlee anabi ndee anaa pi dulinya ni ma. ¹⁵ Yeesu a'ŋǝ waa ba ti yɛɛ ba laa ni, ati ni gi yari ma, na abɔ agvlɔ ace gvbvnɔ laŋ ati da andǝndǝn. ¹⁶ Giteŋshile laŋ vshile vfana ma, na abakǝŋja ba rǝgǝ ace teŋku kaa nɔ. ¹⁷ Ba kpa ŋyifoi ni na yɛɛ ba sǝla teŋku a ce kaparnahum vshile de ci nkomo nde nshie, Yeesu kaka na wǝda pi na. ¹⁸ Na gvsǝrǝ gvbvmbɔnɔ gv sǝba na wu teŋku de ti tootoo. ¹⁹ Ba falabvto nace daa umɛta akoo bamana giwa ma, na bataa a ŋǝ yeesu a sara teŋku laŋ atv na pi asǝla na pi.Násampǝna i kpa pi. ²⁰ Na Yeesu a lǝ pi waa:Amvna, asampǝna ipaa kpa anyin na. ²¹ Ba na yɛɛ maa a kpa ŋyifoi ni maa, na ŋyifoi mmana kpa m'prǝŋsǝmǝ laŋ gaduu ba na ce ma. ²² Samaa ndee a saa na teŋku gvsav gvsaaka ma,ba ŋǝ waa ŋyifoi ndɔŋkɔnɔ nsaaka ama Yeesu na abakǝŋja kǝ ba kpa ŋyufoi nde ni na, bafel bandǝndǝn. ²³ Gaja gakuda, ayifoi isaaka i daa na Tiberiyadi akpa gaduu ndiyar atɔɔ ibodobodo anyiŋǝ ashee pi ba ji ma. ²⁴ Samaa de aŋǝ waa Yeesu nábakǝŋja ba mana nkǝŋ ma na ba kpa ŋyifoi ni ace kaparnahum ati yɛɛ Yeesu. ²⁵ Ba ŋǝ ni teŋku kagvsav gvsaakama, naa alǝ ni waa ndiyar,saapaŋa na vkpa atiya? ²⁶ Na Yeesu atǝlǝ ashee pi waa:íjaíja nti lǝ anyin, iti yɛɛ amv, ki lee maamaaci kalesvra laŋ na, ibodobado i ji a kun ma laŋ nína yɛɛ amv. ²⁷ Paa ma lee ntǝma a shee vjiv ndee vna bu ma na, ama lee ma ntema a shee vjiv ndee kv na bu na vda ashee ŋŋuro ndee kiŋwǝda gayala na ma, Arɛvpur anaa shee anyin, advwaa: Alaŋ na Gaja gadv vshɛmv. ²⁸ Na ba lǝ ni waa:Bai na gi lee naa alee haja kantǝma? ²⁹ Na Yeesu abvye pi waa:Ndee atǝm ma ishee ni ija. ³⁰ Na ba tǝ lǝ ashee Yeesu waa:Maamaaci kagvlesvra gvpaŋa kv vnaa lee gi ŋǝ na shee ki ija? ³¹ Ati baya ba ji maani vteru ni, daa ba ŋɔn ma, waa:a shee pi alaŋlaŋ k'vjiv ba ji. ³² Na Yeesu a lǝ pi waa:íjaíja ntilǝ anyin kilee Musa ashee ka a nyun vjiv ndee vdoo nálaŋ ma na ama amawɛɛ a shee ka anyin vjiv íja kv ja ndee vdoo n'alaŋ ma. ³³ Advwaa:Gaja k'vjiv, vni na gǝŋ ndee vrgǝ n'alaŋ na shee duliŋa aŋunii ŋŋuro ma. ³⁴ Na ba lǝ ni waa:Ndiyar shee atv vjiv baaŋjǝŋ k'vja dee a. ³⁵ Na Yeesu a lǝ pi waa:Amv na ŋŋuro k'vjiv.Arɛi api a masul ma, kaa kɔɔ cii akɔmɔ ayɔ na n'arɛi ashee amvija ma, vtunyem kvvkɔɔ a kǝ ni na. ³⁶ Ncee lǝ anyin boŋo,iŋǝ amv ama ki na yɛɛ ishee ija na. ³⁷ Mbadee amawɛɛ a shee amv ma, shee ba pi amasul, na ndee api amasul ma,kǝ ma bǝda ni aka na. ³⁸ Advwaa: kǝ ma rgǝ ńalaŋ api ma lee amvciŋsɔlɔka na ama ndee atǝm amv ma vciŋsolɔka na mpi malee. ³⁹ Ndee atǝ amv ma vciŋsɔlɔka na gǝŋ waa:Ma paati bade mbadee ashee mv ma, bvdǝn na, ama, ma ŋǝnǝ pi vshile vkǝŋja kv shile. ⁴⁰ Amawɛɛ vciŋsɔlɔka na gǝŋ waa:Arɛ ndee aŋǝ vpi naa shee ni ija ma, awǝda ŋŋuro ndee kiŋwǝda gayala na ma:Naa ma ŋǝnǝ ni vshile vkǝŋja k'vshine. ⁴¹ Nkǝŋ na Yudaa kǝbaja bada na ŋŋumo ŋŋumo galei gade a lǝ pi waa: Ade leeka vjiv ndee vdoo nálaŋ a pi ma, laŋ. ⁴² Na ba da na lǝ waa: ki lèè Yosɛfv vpur Yeesu na gǝŋaa? giyɔ ayar nárar a' ga tv bai na ana lǝ agvlɔ waa:Ade leeka vjiv ndee vdoo na alaŋ ma. ⁴³ Paa ma da na ŋŋuma ŋŋumo nányiŋbawor na. ⁴⁴ Vdǝn kaa sǝra api amasul, nu ji waa kilèè amawɛɛ abɔ ka ni, naa amv ma ŋǝnǝ ni vshile vkǝŋja na. ⁴⁵ Annabi mana baŋɔn waa: Gaja ga ni ga cere pi baŋunii. Galaŋ arɛ ndee arǝŋǝ gvyà vwǝtǝ a cam vceru ma,a na pi amasul. ⁴⁶ Vdǝn ka ŋǝ gvyà ayɔna, na kilee ndee a doo na gaja sul api ma na.Andǝndǝn aŋǝ ka gvya. ⁴⁷ Ija,ija,nti lǝ ɑnyin, arɛ ndee a shee amv ija ma, awǝda ŋŋura ndee kiŋwǝda gayala na ma. ⁴⁸ Amv na ŋŋuro k'vjiv. ⁴⁹ Anyumbaya ba ji maani vteru ni ama baŋunii ba ci. ⁵⁰ Atiya na, vjir ndee vdoo n'alaŋ a pi ma, naa arɛ ndee aji ni ma, apaa ci na. ⁵¹ Amv na ŋŋuro k'v jiv ndee vrgǝ nálaŋ api ma, arɛ dǝn a ta ji vjiv de, ataa da ŋŋuro ni na ce na ce.Na vjivndeen ma shee ni ma, na gaŋ aŋgvlɔ i gv na shee dulinya kǝbaja bada na lɔɔru na bawor na lǝ waa: Bai na nde kajarɛ a shee tv agvlɔ gi ji? ⁵² Nkǝŋ na Yudaa kabaja bada na lɔru na bawor na lǝ waa: Bai na nde kajarɛ a shee tv agvlɔ gi ji? ⁵³ Na Yeesu a lǝ pi waa:Nti lǝ anyin ijaija na ki ji arɛpur agvlɔ na, na ki nyem akɔnɔ na ku wǝda ŋŋuro na. ⁵⁴ Arɛ ndee a ji aŋgvlɔ naa anyem ama kɔnɔ ma,awǝda ŋŋuro ndee kiŋwǝda gayala na ma,naa vshile vkǝŋja k'vshile ma kɔɔ aŋǝnǝ na ma, naa vshile vkǝŋja k'vshile ma kɔɔ aŋǝnǝ ni. ⁵⁵ Agvlɔ gvlee ka ija k'vjiv, n'amkɔnɔ i lee ija ka bvto. ⁵⁶ Arɛ ndee aji aŋgvlɔ, naa anyem amakɔnɔ ma, taada ashee amv,naa ma da ashee ni. ⁵⁷ Daa amawɛ alee ŋŋuroyar, ada ŋŋuro ni, naa atǝm amvma, amiav nda ŋŋuro ni a shee ni ma, gǝŋci gboo arɛ ndee aji aŋgvlɔ ma,a da n'amv ŋŋuro ni. ⁵⁸ X vjiv ndee vdoo na laŋ ma,vnookama.Kv da daa maani anyunbaya ba ji acii ma na.Arɛ ndee aji vjiv de ma a taada ŋŋuro ni na ce nace. ⁵⁹ Kapanahum ka sinagɔɔgǝ ni na Yeesu a lǝ bvlei bvde acere na bɛrɛ. ⁶⁰ Nkǝŋ na a boja tuutuuna badǝn ba rǝŋ gǝŋ ma, naa a lǝ waa:Nde k'vjvceru vsɔm aŋa naa tǝlǝ ni? ⁶¹ Yeesu ŋǝ waa: Abalǝŋja gboo ba ti ŋumoŋumo galei gade alǝŋ ma, na alǝ pi waa:Anyin niav iti lee sika aa? ⁶² Ita ye ti ŋǝ Arɛpur a na bodo alaŋ gaduu acee da na ni? ⁶³ Ŋŋuro nna pala arɛ de da, gvlɔ kvv na fɔɔshii akɔdǝn na.Bvlei mlovdee nna lǝ anin ma bvlee ka ŋŋuro. ⁶⁴ Ama badǝn bada anyŋgicuco kǝ ba shee ija na.Advwaa Yeesu a yɔ doo vsǝbv ni mbadee kǝ ba shee ija na ma, na ndee a naa ti yala ni ma. ⁶⁵ Na a lǝ acǝŋǝ waa: Galaŋ na nlǝ anyin waa: vdǝn mana api amasul na mawɛɛ ka shee ni ganɔ na ma. ⁶⁶ Tɔɔ na ka saa de na abaja tuutuuma badǝn babɔ balɔ kǝ ba kɔɔ na ce asul na. ⁶⁷ Na Yeesu a lǝ abakǝŋja tǝb na ba nyiv waa:Anyin ni ku shɛv aa? ⁶⁸ Na Simɔɔ Pirɛr atǝ lǝ a shee ni waa:Ndiyar, aŋasul na gi ce? Aki wǝda ka ŋŋuro ndee kiŋwǝda gayala na ma ka bvlei. ⁶⁹ Na gi shee ija naa yɔ waa aki na Kristo ciricinl gaja ka ja. ⁷⁰ Na yeesu atǝlǝ ashee pi waa: Ki lee amv nlaaka anyinna, anyin tǝb na ba nyiv bade ni,anyimvdǝ na lee sheetaani a ja. ⁷¹ Yudaasi isikariyɔɔti Simɔɔ vpur agalei ji ana lǝ gǝŋ Advwaa: Anaati tɔɔ Yeesu ayala.