¹ Nlǝ anyɩn alesʋra ɖe naa ɩpaa tɩ pɩna nawɩya a shee anyɩn ɩfǝɖa na. ² Ba tɩ ba kǝrǝ anyɩn ɩsinagɔɔgǝ nɩ; Gakɔŋkɔŋɔ gakǝ boŋo ashee mbaɖee ba kǝ anyɩn ɩcii ma, ba naa tam waa ba lee Gaja kantǝma. ³ Batɩ ba lee ɖaa gǝŋ ma, aɖʋwaa kǝ ba yɔ amawɛɛ na kǝ ba yɔ amʋ gboo na. ⁴ Nlǝ anyɩn a lesʋra ɖe, naa kasaa atatɩ kpa ɩnaa lige waa ncee lǝ anyɩn. Kǝ ma cee lǝ anyɩn ʋsǝbʋ nɩ na aɖʋwaa: Ncee ɖa anyɩnasul ma laŋ. ⁵ Nnyimǝ ntɩ shɛv nɖee atǝm amʋ ma sul, anyɩnʋɖǝn kaa kɔɔ ataba nka n'ʋ na ce na? ⁶ Ama nlǝ anyɩn alesʋra ɖe laŋ ma, anyɩncine ʋpɩɛ. ⁷ Ɩshee sɩm waa ma lǝ anyɩn ɩja: Ɩlee aŋfaanɩ ashee anyɩn waa ma kɔɔ a shɛʋ, aɖwaa na kǝ ma kɔɔ a shɛʋ na, apǝla pǝla ka, kaa pɩ anyɩnasul na, ama nta kɔɔ ashɛv, ntɩ ma tǝm nɩ a pɩ. ⁸ Ata kpa a naa faŋa ɖulinya bʋkɔɩ bʋlee, mbɔnɔ, na ɖeiɖei, níkǝma. ⁹ Bʋkɔɩ bʋlee mbɔnɔ ma aɖʋwaa kǝ ba shee amʋ ɩja na ma laŋ. ¹⁰ Bʋkɔɩ lee ɖeiɖei ma, aɖʋwaa ntɩ kǝwa amawɛɛ sul, na ku kɔɔ aŋǝ amʋ na; ¹¹ Bʋkɔɩ bʋ lee ɩkǝma ma, aɖʋwaa: Ba cim na ɖulinya nnɖe kʋyarɩpi ɩkǝma boŋo. ¹² Nwǝɖa alesʋratuutuuma ma lǝ anyɩn ma, ama kusǝra taŋa nnyimǝ na. ¹³ Apǝlapǝla ka ata pɩ, ʋnina ɩja kaŋuro, anaa toŋo anyɩn a ce na ɩja kabʋdu bʋŋunii; Aɖʋwaa kaa lǝ agɩlopi agaja na, ama ŋgaɖee arǝŋǝ ma, gɩ ni jɩ a naa lǝ, a taa lǝ anyɩn alesʋra nɖee ɩnɩɩ tɩ pɩ ma. ¹⁴ Ataa naa kʋma amʋ, aɖʋwaa, amasul na anaa cam alǝ ashee anyɩn. ¹⁵ Bʋkɔɩ amawɛɛ awǝɖa ŋunii ma, amʋ njie; Galaŋ na nlǝ waa a taa cam amasul a lǝ ashee anyɩn. ¹⁶ Ɩkɔɔ a lee cei ma, kukɔɔ aŋǝ amʋ na; ɩta kɔɔ ale e cei, ɩtu kɔɔ ŋǝ amʋ, aɖʋwaa ntɩ ce amawɛɛ sul. ¹⁷ Nkǝŋ na, abakǝŋja baɖǝn ba na lǝ nashee bawor waa Galei gaɖe ana lǝ waa ma, kaashɩ jɩka waabaɩ? Ɩkɔɔ alee cei ma, ku kɔɔ aŋǝ amʋ na, ɩtakɔɔ ale cei ɩtɩɩkɔɔ aŋǝ amʋ, aɖʋwaa ntɩ ce amawɛɛ sul? ¹⁸ Na ba na lǝ waa: Ŋgaɖee ana lǝ waa ma kaashɩ na apaŋa? Kɩɩ yɔ bʋkɔɩ ana lǝ ma na. ¹⁹ Yeesu aŋǝ waa ba tɩ yɛɛ ba taba nɩ ma, na alǝ pɩwaa: Ɩ naa tɩ lɔɔru nányɩmbawor galeɩɩ n lǝ maa ɩ kɔɔ a lee cei, kɩɩ kɔɔ ŋǝ amʋna, ɩta kɔɔ lee cei itu kɔɔ aŋǝ amʋ. ²⁰ Ntɩ lǝ anyɩn ɩjaɩja waa: ɩtɩɩ kara gako na yu na beleŋshi, ɖulinya de shee tɩ jaŋ na sheʋ: ɩtɩɩ ɖa ʋcɩŋpɩɛka nɩ ama anyɩnʋcɩŋpɩɛka ʋtʋʋ pra ɩcɩŋkǝr ka. ²¹ Ʋsǝmprǝ ata naa yɛɛ aŋʋm ʋpi alaakaarɩ ka na ɖa atǝn na ʋcine ɖe piɛ aɖʋwaa: Bʋŋʋma kayoro laŋ, ama ata ŋʋm ʋpi boŋo, ka kɔɔ na lige gayoro laŋ na, ʋcɩŋkǝr ka ʋna ɖa ashee nɩ, aŋʋ ʋpi boŋo ma laŋ. ²² Anyɩn gboo nnyɩmǝ anyɩnʋcine ʋfǝnapiɛ: Ama ntɩ ma tɩ kɔɔ aŋǝ anyin naa anyɩɩnncine ʋkǝr, n'ʋɖǝn mana a laa anyɩnnʋcɩŋkǝrka ɖe. ²³ Kishile ɖe nɩ, kukɔɔ na taba amʋ gaɖǝn na. Ya ya ntɩ lǝ anyɩn, bʋkɔɩ ɩshɩ taba amawɛɛ n'amʋyiɖa ma, taa shee anyɩn. ²⁴ Halɩ na nnyimǝ kɩ ka na nyiŋǝ akɔɖǝn námʋ ŋyiɖa na. Nyiŋǝ ma ɩtu ŋǝ, naa anyɩnʋciŋkǝrka ʋlee gɩshǝbɔ. ²⁵ Nkɛɛshu alesʋra ɖe ni alǝ ashee anyɩn. Saa ɖǝn atv na pɩ kǝ ma kɔɔ akɛɛshɩɩ galei gaɖǝn ashee anyɩ n na, nnɩma naa lǝ amawɛɛ agalei jɩ na shee anyɩn gbagbaraa. ²⁶ Ka saa ɖe ɩta nyiŋǝ námʋ ŋyiɖa, kǝ ma kɔɔ a lǝ waa ntɩ ma nyɩŋǝ amawɛɛ ashee anyɩn na. ²⁷ Aɖʋwaa amawɛɛ agɩlopi asɔlɔ anyɩn gboo ɩsɔlɔ amʋ, ɩshee ija waa nɖoo na Gaja sul na. ²⁸ Amawɛɛ nɩ na nɖoo, n'apɩ ɖulinya nɩ; Nnyimǝ ntɩ tǝbǝ ɖulinya nɩ na kǝwa amawɛɛ sul. ²⁹ Nábakǝŋja ba lǝ nɩ waa: Ɩnu, nnyimǝ ńʋ na lǝ atʋ gbagbara ka kɔɔ na kɛɛshu na. ³⁰ Nnyimǝ gɩ yɔ waa ʋyɔ baa mʋ nʋ, na kakɔɔ na yɛɛ ʋɖǝn ataba kɩ gaɖǝn na; Galaŋ atʋ gɩshee ɩja ʋɖoo na Gaja nɩ na apɩ. ³¹ Na Yeesu abʋe pɩ waa: ɩshee ɩja nnyɩmǝ. ³² Kiɖe ma, saa ɖǝn atʋ na pɩ, na saa ɖe akpa boŋo, ɩtu ram atǝn baaŋa atɔɔ n'ʋja, apala amʋnɖǝnɖǝn; Amaa kǝ ma ɖa amʋnɖǝnɖǝn na aɖʋwaa: Amawɛɛ aɖa amasul. ³³ Nlǝ anyɩn alesʋra ɖe, naa ama fɛɛ a ɖa anyɩnasul. Ɩtu ŋǝ ɩnawɩya ɖulinya nɩ; Ama, rima anyɩnalɔ, nwu ɖulinaya.