¹ Bapɩ nyene ma anyɩn baya ɖaa ikoyar ma adʋwaa ɩdaka cɩrɩcɩrɩ ² "nyene akawʋɛ na akaŋana" ilee Gaja kagʋpɔ"gʋsəbaka kʋ na bʋkɔɩ anaalee ma" ³ "naa baamaakɔnɩ icɩm ashee ake naa aki ŋŋuro nlama dulinya nɩ". ⁴ Anyin ɩɩlee bapi baya ma, paa ma na pala anyin bapi bʋcɩne ʋnaa na piɛ na, cere ma ɖaa isɩm bada ma, na ndɩyar ʋceru. ⁵ Adɔŋpəla nyene akɩtanɩ yar, na gir ma ndee adʋwo na anyin gifolu nɩ ma nyene ma pɩ ɖaa ɩnɩɩnyene Kristo ma. ⁶ Paa ma nyene pɩ saandee bana ŋə anyin kandəndən na nyene ma pɩ daa Kristo abadɔŋpəla ma .Lee ma Gaja kʋsɔlu nʋcɩne ʋsoŋsono. ⁷ Lee ma bɔɔta naanyən ʋcəne ʋŋunɩɩ daa ɩnɩɩ lee Gaja bɔɔta ma na kɩlee barɛ na ma. ⁸ Yɔ ma waa bʋkɔ bʋsoŋsono ŋbʋdee arɛ alee ma acam kagʋjɔɔ Gaja sul, baa maa adɔmpəla yaa arɛ ndee ada ashee agʋlɔ ma. ⁹ Anyin batanja lee ma gən gboo ashee anyin badɔmpəla. Paa ma naashɩɩ pɩ na ɩyɔ ləwaa ndee ajeɩ badɔŋpəla na bataŋja ma ada alaŋ ɩyɔ aləwaa ka na sɩŋkir na. ¹⁰ Galaŋ kaŋkər ma anyin gʋlɔ ŋdiyar nɩ na ɩkashɩ nɩ ¹¹ Karama Gaja kagʋtara kitoko. naa isra yide atəŋe sheetaanɩ. ¹² Adʋwaa atʋgʋtara kʋʋle gʋrɩlɔ na akɔnɔ kagʋja na.Ama ŋkomo nɩ kɩkashɩ baja, aŋuro bɔnɔ kɩkashɩ baja, nkomo nɩ kagiyarɩ baja, naatəŋə aŋuro bɔnɔ ŋdee ɩda alaŋlaŋ ma. ¹³ Galaŋ kara ma Gaja kagʋtara kitoko, naa ɩsra ayide gɩshɛbʋ atəŋe mbɔnɔ ɩshile ɩbɔnɔ nde nɩ. ɩtalee bamakɔnɩ boŋo na ɩyɩ de gɩshɛbʋ. ¹⁴ Galaŋ yɩde ma gɩshɛbʋ. Naa ɩtarəm ɩja kabɛlɛtɩ na deɩ deɩ kagɩfolʋ ¹⁵ Kara ma ɩja kakɔdɔkɔɖɔ naa naləfɛɛ kagalee. ¹⁶ Baa saapaŋana toŋoma ucəne daa nrukɔ ma. na bʋkɔ mbʋdee ŋgəsra nadur na ibɛrɛ abʋtapɩrɩ kʋtonu ma. ¹⁷ Səw ma ʋcam alam atən kaŋfu na ŋŋuro kagapɔu ngadee galee Gaja kagalee ma. ¹⁸ Na ʋnyiŋu baa ʋpa ŋa na naa nyɩŋe na snee barɛ, naa ma na nyɩŋe ŋŋuro nɩ baa saa paŋana, na gʋfaŋa gʋde lee ma laakaarɩ naa na nyɩŋe na shee Kristo kəbapɩ. ¹⁹ Naa ɩnyɩŋe ashee mʋ, waa ntaŋana aŋganɔ Gaja gashee amu galee ŋgadee malə ma.Nyɩŋema waa masra alə Gaja kagʋjɔɔ ashee barɛ ²⁰ Galəsoŋsono laŋ na nlee Gaja katəmka ndee ada cɛɛnɩ nɩ ma naa ma sra alə galee gade nʋkaŋtaŋ daa ɩsɩm malə jɩ ma. ²¹ Ama naa ɩsra gboo ayɔ daa ŋnalee ntəma ma daa ama lafɩa gboo ada ma ticik amʋwor sɔlɔka na Gaja katəleja ataa le anyin bʋle bʋŋuni ²² Galaŋ na ŋnatəm nɩ anyinasul waa iyɔ daa gida atɩa ma, naa abʋro anyin ʋcɩne. ²³ Fɛɛ kʋsəu ʋda ashee atəbaja, na Gaja kʋsɔlʋ na ucɩnei ʋɔluona Gaja, na atəndiyar Yeesu Kristo sul. ²⁴ Gʋjɔɔ gʋda ashee barɛ mbadee basɔlɔ atəndiyar Yeesu Kristo ʋsɔlu nacə nacə.