¹ Ganigaɖe laŋ, am, Pɔl Yeesu 'asarka nɩ karɛ ashee anyin ɩɩ kɩlee kǝbaja na ma. ² ɩrǝŋǝ Gaja ka gʋjɔɔ kantǝma nɖee ashee amʋ aɖʋ anyɩnalaŋ ma. ³ ɩt ŋɔn ɖaa bʋkaɖa afaŋa amʋ ma. Ngaɖe ɩlee ɩjau ɩfǝrǝ ma na, galaŋa na ŋŋɔn cei shɩ shɩ nɩʋ gʋbɔ gʋɖǝn nɩ. ⁴ ɩta tʋr jɩ ɩtutɩkaashɩ ɩja nɖee ɩfǝrǝ aɖʋ Kristo laŋ ma. ⁵ Saamanɩ asaaka nɩ, kǝ ba ba kaɖa jɩ ashee bɛrɛ vɛ bapur na. Ama nnyimǝ, ŋŋuro nsoŋsono nkaɖa ashee batǝmka na anabi ma na ɩ basim na ma, na. ⁶ ɩja ɖe ɩfǝrǝ ma kaashɩ na gǝɩg wao: Mbaɖee kǝ ba lee yuɖaa kǝbaja na ma bani gboo ba lee tiibi baja pɩ na bʋkɔɩ ba nɩ ba tɩ shee na Yeesu Kristo aɖʋ labaarʋ asoŋsono kanɖilaŋ ma na. ⁷ Aɖʋwaa ma: amʋ mpǝra laabaarʋ asoŋsono Gaja ka gʋjɔɔ ngʋɖee ashee amʋ ma katǝŋleeja na ɩkashɩ nɖee ɩna lee ma ⁸ Gaja gashee k'amʋ gʋjɔɔ gʋɖe, baa ɖaa nlee ʋpijala mbaɖee Gaja gaɖʋ afǝlǝ ashee agʋlɔ ma banɩ nɩ. Gʋjɔɔ gʋɖe kʋ gǝŋ shee ma lǝ Yeesu alaabaarʋk'arisiki nɖee kǝ ba sǝra ataa gayɛ akiɖe na ma ashee mbaɖee kǝ ba lee yuɖaa kǝ br ja na ma. ⁹ Shee ma kaɖa ashee bɛrɛ baŋunii bayɔ Gaja k'ʋnyaʋ. Nɖe ɩlee ʋnyaʋ ashiiri kʋja nɖee Gaja ŋgaɖee ga lee ɖulinya ma, alugo na saamanɩ nɖee afǝl boŋo ma. ¹⁰ Nɖe ɩlee gǝŋ, naa ŋnyimǝ na cɔɔcɩ, naa aɖi baja na bapaŋaka baɖa alaŋlaŋa ba yɔ Gaja kanɖawaa, na ʋyɔʋ na alesʋra asʋraasʋra. ¹¹ Nɖe anii ɩtɩɩ tɩ lee ɖaa ʋnyaʋ nɖee kʋ wǝɖa gayala ayɔ na, ʋnɩɩ tɩ lee na atɩ nɖiyar Yeesu KRISTO MA. ¹² Galaŋ na Kristo, gɩwǝɖa koŋkaarɩ, n'ɩko, awǝɖa tamaa, a t'ʋcine gɩwǝɖa na nɩ ma laŋ. ¹³ Ɩlaŋ ntɩ lǝ anyɩnnalɔ ɩpaa ci aɖʋ ɩshɛɩ nɖee nna jɩ ma, na ɩshɛɩɖe ɩlee anyɩnʋkʋmʋmʋ na ¹⁴ Galaŋ ntɩ cǝm ama kǝwǝ atǝn ata ya Gaja aŋyɩɩ. ¹⁵ Nɖee ataŋo bʋŋʋma bʋŋma bʋŋunii alaŋ na tǝn. ¹⁶ Ntɩ nyiŋǝ nɩ ashee anyɩn a arisikɩ k'ʋkʋmʋ naa ɩruku n'ɩkashɩ, na ŋŋuro nsoŋsono nɖa anyɩn nɩ nɩ. ¹⁷ Ntɩ nyɩŋǝ nɩ ʋcine nɖee ɩwǝɖa ma laŋ Kristo a ɖa anyɩnɩfoluni. Ntɩ nyiŋǝ waa ɩyiʋ awǝɖa ilǝlǝmǝ ʋsɔlʋ nɩ. ¹⁸ Ɖaa ɩɖa ʋsɔlʋnɩ ma, anyɩn na basaaka ɩ bashee nɩ ɩja ma ɩtɩɩ man ayɔ Kristo ʋsɔlʋ k'ʋbɔɖʋ, k'ʋlamʋ, k'ʋsheme laŋ, na k'ʋloŋ. ¹⁹ Ntɩ nyɩŋǝ na shee anyɩn ɩyɔ Kristo ʋsɔlʋ k'ʋyɔgʋ, nɖee ʋwu ʋyɔʋ ʋŋuniima. Ɩtɩɩ sǝra a lee gǝŋ naa Gaja ka baamʋnʋ ɩrɩŋǝ n'anyɩn. ²⁰ N'nyimǝ, nɖee awǝɖa ɩko ataa sǝra a lee alesʋrʋa ɩbʋmbɔnɔ ɩwu baamʋnʋ, ɖaa gɩ na taba kokoo gɩ na nyɩŋǝ, ɖaa ɩkashɩ ɩɖa atɩ nɩ nɩ na lee ma. ²¹ Ajɩe ʋkʋmʋ cɔɔcɩ nɩ, na Yeesu Kristo ɩsaamanɩ baŋunii nɩ na ce na ce ami.