¹ Pɔl, Yeesu akənja na Gaja kʋsɔlʋ n'atʋŋono Timotee. ² Na bayɔka na mbaɖee ba na kʋn yee n'ʋcine ʋɖɔŋkɔnɔ a ɖa Kolos ma. ³ Ʋkʋmʋ na Gaja ataya afɛɛ a ɖa ashee anyɩn. Gɩ tɩ Gaja atɩkoyar Yeesu Kristo ayar naa naa baa saa apaŋq na na shee anyɩn. ⁴ Gɩ rəŋə anyaniya Yeesu Kristo laŋ n'ʋsɔlʋ nɖee ɩ wʋɖa ashee bɛrɛ baŋunii mbaɖee ba ɖa gʋsaʋ ashee Gaja ma. ⁵ Ɩ wʋɖa ʋsɔlʋ ɖe na ashee ɩja nɖee ba ɖʋ na saa anyɩn Gaja laŋ ma. Ɩ cee rəŋə boŋo ba lə ɩja nɖee ɩ ja ɩja kalaabaarʋ nɩ ma. ⁶ Nɖee a pɩ asheee anyɩb ma. Laabaarʋ ɖe a taŋo aləbarka naa a mana waga ɖulunya aŋunii. A ɖa anyalaŋ ɖoo ʋshilè nɖee ɩ rəŋə n'ɩ tɔɔ Gaja kagʋjɔɔ n'ɩja. ⁷ Laabaarʋ na ɖaa ɩ rəŋə na Epafraas atʋwor asɔlɔka nɖee a na lee ntəma na Kristi n'ija ma. ⁸ Epafraas a lə atʋ anyʋcine nɩ kʋsɔlʋ. ⁹ Ʋsɔlʋ ɖe kanɖi laŋ k'a gɩ pala ʋnyɩŋu ashee anyɩ na ɖoo ʋshilè nɖee gɩ rəŋə gəŋ ma. Gɩ tɩ nyiŋə ɩ wʋɖa ʋyɔʋ ɖaa a sɔlɔ ma na gʋŋɔnfaŋa naa ɩ naa tɩ Gaja kabʋlei kaashɩ. ¹⁰ Gɩ naa tɩ nyiŋə naa shee anyɩn ɩ naa Sara ɖeiɖei ɖaa ɩkoyar ma na ʋciŋkərka. ¹¹ Gɩ tɩ nyiŋə ɩ wʋɖa ʋcine baa maakɔ nɩ na, n'ʋciŋkərka naa atoŋo na suuru. ¹² Gɩ tɩ nyiŋə anyɩn ɩ sala gʋya nɖee a pala ɩ na yɛɛ ɩ ɖa bayɔka nɩ gaɖuu ba yʋgatiibi fətəla nɩ ma. ¹³ A laa atʋ ŋkomo nɖʋrka nɩ ace n'atʋ ʋpur asɔlɔka agayɩtəna nɩ. ¹⁴ N'ʋpur, gɩ wʋɖa ʋtəɖu, ashee atabɔnɔ. ¹⁵ Ʋpi a lee ka gʋya nɖee kə ba na ŋə na ma afoto. A lee ka arɛɩ ba səba aŋʋm bʋŋunii nɩ ma. ¹⁶ Aɖʋwaa alaŋ ba lee ayɔkɔ ɩŋunii, nɖee ɩ Gaja laŋ ma na nɖee ɩ ɖa gatəma laŋ ma, nɖee ba na ŋə na ma. Baa ayarɩboi nɩ, gərma wʋɖaka, ɩkashɩ, gɩ karacɩ. A lee ka ayɔkɔ ɩŋunii agɩlopi ashee agʋlɔ. ¹⁷ A cee tɔnɔ ayɔkɔ ɩŋunii a cee ɖa n'alaŋ n'ayɔkɔ ɩŋunii ɩ ɖa. ¹⁸ Cɔɔcɩ a lee gʋlɔ na nɖi. A lee ka, arɛ asəbaka n'arɛ ba tɔnɔ aŋʋm bacika nɩ ma. Galaŋ, a wʋɖa gaɖusəbaka ayɔkɔ ɩŋunii nɩ. ¹⁹ Gaja ka baa mʋ nʋ ɩ ɖa alaŋ. ²⁰ Naa a pɛmpɛŋɛ aŋɔkɔ ɩŋunii na nɩ ʋpur laŋ. Gaja ga tə ga pî n'ʋɖaʋ fɛɛ n'aŋkʋra kakɔnɔ. Gaja ga tẽ ga pɛɛmpɛŋɛ ayɔkɔ ɩŋunii kagɩlopi. Nɖee ɩ ɖa gatəna laŋ ma koo nɖee ɩ ɖa nɗǝla nɩ ma. ²¹ Anyɩn gboo, tam ɖəm ɩ cee lee basana pɩ ashee Gaja naa acee ɖa gɩworgakuli ʋfaŋʋfaŋʋ nɩ n'aleu ɩbɔnɔ nɩ. ²² Ama nnyəmə a pɛmpɛŋɛ anyɩn n'agʋlɔ kabuce. A lee gəŋ ci, naa ɩ ɖa cɩrɩcɩrɩ, kə ba banyatɔ na, kə ba wʋɖa gaɖən abəla n'anyɩn aŋyɩɩ na. ²³ Ɩ ta jɩ wàà, ɩ naa wʋɖa ʋcine a naa ɖa ncən, k'ɩ kɔɔ ɖoo laabaru nɖee ɩ rəŋə kaalei ma na, atɩya na laabaarʋ nɖee ba cee lə ashee bɛrɛ baŋunii, ba lee nɖee, gʋya Pɔl a pra atənleeja ma. ²⁴ Nyəmə, amʋcine ʋ kər na wahala n lee ashee anyɩ ma. Na nnyəmɵ, aŋgʋlɔ gʋ rəŋə na wahala na bʋkɔɔ Kristi n'agʋlɔ kʋsɔlʋ cɔɔcɩ. ²⁵ Cɔɔcɩ ɖe kaja na n lee na ʋɖʋra nɖee Gaja ga ashee amʋ ashee anyɩn ma lee Gaja kafaawɩɩ ma. ²⁶ Atɩya ɩja nɖee ɩ ɖa ʋlʋgu nɩ ʋɖən k'a yɔ na ɖoo bʋja ɩshɩnʋ gʋya n'ɩsaamanɩ asʋra asʋra ma. ²⁷ Bani, Gaja ga na yɛɛ ba yɔ ʋkʋmʋ kaarisiki n'ɩja nɖee ɩ ɖa ʋlugu nɩ mbaɖee kə ba yɔ Gaja na ma ba gɩcɩɩca. Ɩ jɩ jɩ wàà Kristo a ɖa n'anyɩ ʋkʋmʋ nɖee ʋ tʋ ma kʋsaʋ nɩ ²⁸ Laabaarʋ ɖe na gɩ na pɩ na ma na shee anyɩn. Gɩ tɩ nyiŋǝ arɛ baa apaŋa na naa naa faŋa arɛ baa apaŋa na gʋŋofaŋa naa gɩ səra faŋa Kristi arɛ nɖee a lee ma. ²⁹ Laŋ na n na lee ntəma na ci ɩbobo n'ɩkashɩ nɖee ɩ ɖa amalaŋ ma.