¹ Teofiil, nlə aŋgʋbɔ gʋsəbaka nɩ, ɖaa bʋkɔɩ Yeesu asəba alee naa acere bɛrɛ ʋsəbʋ nɩ. ² Halɩ atɩ cem na ʋshile ɩ akɔɔ aboɖo alaŋ ashɛʋ ma, a lə abatəmka na ŋŋuro nsoŋsono mbaɖee alaa ma. ³ Ɩshɛɩjika kaŋkəm na alaa agʋlɔ afaŋa waa: Aɖa ŋŋuro nɩ, nafaŋa pɩ alesʋra tuutuuma afaŋa pɩ agʋlɔ ɩshile ɩshɩnyɩʋ, naa naa lə pɩ Gajakaayarɩtəna kalesʋra. ⁴ Aɖa badul ma, n'alə pɩ waa: Ba paa tɩ liŋ na Yerusalɛm na, ama basə asaa bʋkɔɩ Gʋya alə waa: Ataa shee ma, ŋgaɖee ncee lə anyɩn, ma. ⁵ Aɖʋwaa: Yohana aməna na bʋto, ama, anyɩn ɩtɩ lə waa ɩlee ɩshile ɩtʋrka ma, batɩ ba məna anyɩn na ŋŋuro nsoŋsono. ⁶ Ŋkaŋ na abatəŋka bawala nataba nɩ waa: Nɖiyar nnyimə n'ʋnaapɛmpɛŋɛ Ɩsraɛl agayaritəna aa? ⁷ Na abuye pɩ waa: Kɩ lee anyɩn ɩnɩɩ yɔ ŋkələ yaa saa nɖee Gaya anyaʋ aɖʋ nɩ́ko ma na. ⁸ Ama anyɩn ɩtɩɩ cam ɩkashɩ ɖən, ŋŋuro nsoŋsono ntɩŋ rge anyɩnalaŋ, naa ɩlee amasəriya baja Yerusalɛm nɩ, na yuɖee nɩ, nasamarii nɩ halɩ ɖulinya agatəna kaayala. ⁹ Alə gəŋ aboŋo ma, na səba na boɖo alaŋ bataa babʋyɛ na kiɖe alaŋ ma, na nɖəla nɖən nkəl bɩnyɩne. ¹⁰ Ba naayiɖe ataa babʋyɛ nakiɖe anashɛʋ ma na bɛrɛ banyɩʋ baɖe bakara ayɔkɔ ɩfɔnɔ kanɩ karɩ ba ɖoo n'alaŋ. ¹¹ Na lə pɩ waa: Galilee kəbajanyɩn mʋ lee ka ɩ yiɖe na kiɖe alaŋ, Yeesu nɖee ba laanɩ anyɩgɩcɩɩca ashɛʋ na alaŋ waa ma, aɖaa ɩshɩŋə nɩ aboɖo alaŋ ma, gəŋ cí akɔɔ apɩ. ¹² Ŋkəŋ na bakɔɔ Yerusalɛm, n'ace aliifʋ kayo ka kagʋbʋnʋ laŋ gʋɖa asəla na Yerusalɛm ma, ɩɖe tɩ səla na sabaatɩ kʋshile. ¹³ Ba kpa ma, na baboɖo ŋku nlaŋaja nɩgaɖuu ba cee na ɖa ma; mbaɖee baɖa ŋkəŋ ma, na gəŋ Piɛɛr, Yohana, Yakubu, Alfee ʋpur, simɔɔ selɔɔtɩ na yuuɖi Yakubu ʋpur. ¹⁴ Na baŋunii ba man na nyiŋə awəɖa gaɖɔŋkɔnɔ baamʋnʋ nɩ, na basəmprə, na Marii Yeesu anar na na Yeesu bapar. ¹⁵ Kɩ́shile ɖe nɩ, na Piɛɛr ata ayiɖe laŋ bagɩcɩɩca Bɛrɛ gʋyaɩ baɖa ŋkəŋ ma, na gəŋ ɩshɩkoloŋ na ba lə waa: ¹⁶ Atɩbaja woo, ɩsəm waa bʋkɔɩ ŋŋuro nsoŋsono mbʋŋa lə ʋŋɔn nɩ, na Ɖaʋɖa ʋwələ, aɖʋ Yuɖaasɩ nɖee atoŋo bɛrɛ ace na ma bari Yeesu ma. ¹⁷ Abʋŋa aɖa atɩ gɩcɩɩca, alee ntəma nɖe yɔ. ¹⁸ Ʋrɔŋde atɔɔ ambɔnɔ kʋɖasəlaka ashɩ na gawana ace atɩ fəɖa nɖi mpi aɣʋlɔ gʋṭi acʋnʋ ɩdooka. ¹⁹ Na Yerusalɛm kəbaja baŋunii ba yɔ galei gaɖe. waa: Gawara gaɖe kaŋyɩɖa na bagɩkrə, waa: hakalɩ ɖamaa, kaashɩ na gəŋ waa: Akɔnɔ kaawara. ²⁰ Ba ye bʋŋa aŋɔn pʋsoomʋ nɩ waa: Agaɖuɖaka gapra ʋteru, ʋɖən apaa kɔɔ ɖa ŋkəŋ na: naa arɛfɔli acam antəma! ²¹ Ɩsim waa:Mbaɖee bakʋn atʋ baa saa apaŋa na ŋkələ ɖiyar Yeesu aɖa n'atʋ ma, ²² tɔɔ na Yohana abʋtomənaka acim na saa ɖee balaa nɩ atɩgɩcɩɩca naa alee Yeesu ʋŋənu kasəriya ma, apele naatʋ. ²³ Na ba ce na bɛrɛ banyɩʋ ashee pɩ: Yosɛfʋ ndee ba na yiɖa waa Barsabaasɩ ba tɩ nɩ ŋyɩɖa waa: Yustusɩ, na Matiasɩ. ²⁴ Na ba nyiŋə waa: Nɖiyar akɩnɖee ʋyɔ bɩfalu ma kɩɖe alaa nɖee ʋnayɛɛ ma. ²⁵ Naa na nɩ gɩman ntəma akɩbatəmka baŋja nɖee Yuɖaasɩ abəɖa ace gaɖuɩ ɩfana nɩ ma. ²⁶ Na ba kəʋ ɩkʋɛ, nɩ́kʋɛ ɩƒəɖa Matiasɩ laŋ, na Matiasɩ apele na təb n'ʋɖə Yeesu abatɩmka.