¹ Gɩyɔ waa: Gʋlɔ ŋgɖee nɩ gɩ ɖa, naa gʋlee gʋtǝnaja waa ma, gʋta cii, gɩ kɔɔ awǝɖa gʋlɔ gʋfɔlɩɩ gʋɖa alaŋlaŋ gʋ ni Gaja ga cǝ kakʋ, nagʋlee gaɖuɖaka na ce nace, kɩ lee bɛrɛ ba ce ka kʋ na. ² Gʋlɔ ŋgɖee nɩ gɩɖa waa ma, gɩ tɩ jɩ ɩshɛɩ naa naa yɛɛ gɩ kara gʋlɔ ŋgɖee gʋɖa alaŋlaŋ ma, ³ Ɩta jɩ waa: gɩ kara gʋlɔ gʋɖe kɩɩ ɖa ŋkɔlɩ na. ⁴ Aɖʋwaa: Atʋɩ gɩ kara gʋlɔ gʋɖe ma, gɩ tɩ jɩ ɩshɛɩ yɔgʋ ɩkpa atʋ, aɖʋwaa: Gɩsɔlɔ gǝŋ, kɩɩ na yɛɛ gɩfɔɖɔ aɖa ŋkɔlɩ na, gɩ tɩ gɩ kara gʋlɔ aɖa naa ŋgʋɖee gʋnacima, ŋŋuro kagʋja gʋkar a njɩ. ⁵ Nɖee alee atʋ gǝŋ ma, ʋni na gǝŋ Gaja, aɖʋ ka ŋŋuro nɖe ashee atʋ. ⁶ Gɩ wǝɖa na nɩ tamaa baaŋjǝn, na gɩ saŋkɔɔ ayɔ waa: Ɖaa gɩɖa gʋlɔ ŋgɖe nɩ ma, shee gɩ lɩŋ na nɩ gaɖu. ⁷ Aɖʋwaa: Ʋcine kaasana jɩ gɩ na sara, kɩ lee bɛrɛ bʋŋǝu na, ⁸ Gɩwǝɖa tamaa, naa naa yɛɛ waa gɩcɔɔ atǝbǝ gʋlɔ ŋgʋɖe nɩ naa aɖa nɖiyar agʋja nɩ. ⁹ Galaŋ na gɩ na lee kaŋkaarɩ na yɛɛ gɩ ɖa, ɖaa anayɛɛ ma, gɩɖa gʋlɔ ŋgʋɖe nɩ naa, kokoo kɩɩ ɖa gʋlɔ ŋgʋɖe nɩ naa. ¹⁰ ɖʋwaa: atɩ ɩganɔ gɩ tɩ gɩ ce Kristo ɩkǝma kamboi sul ba cǝm n'atʋ ɩkǝma, naa baaŋa acam ʋsǝlʋ, nsono ŋjɩ ʋlee, mbɔnɔ ŋjɩ ʋlee ŋkǝlǝɩ ʋɖa gʋlɔ nɩ ma. ¹¹ Galaŋ gɩyɔ nɖiyar acunɩ, galaŋ na gɩ na bɔ bɛrɛ balaakaarɩ; Gaja ga yɔ atʋ, anyɩn gboo anyɩnʋyɔʋ nɩ ɩyɔ atʋ. ¹² Kɩɩ na yɛɛ gɩ kɔɔ anyiŋǝ anyɩn ganɔ waa:Yɔ atʋ na, ama, gɩshee anyin ganɔ ɩkʋma anyɩnalɔ naa ɩyɔ ɖaa ɩbue mbaɖee ba na kʋma balɔ fɔɩ kanɖilaŋ kɩlee bɩfolu nɩ na ma. ¹³ Aɖʋwaa: Nta lee ŋyashɛshɛ yar, Gaja jɩ nlee ashee nta saŋkɔɔ alee gʋfaŋayar anyɩn pɩ nlee ashee. ¹⁴ Kristo ʋsɔlʋ ʋtɩ pam atʋ kǝŋkǝŋkǝŋkǝŋ, na gɩ na waa, ɩta jɩ waa, ʋɖɔŋkɔnɔ aci ashee baŋunii gǝŋ ma, baŋunii bacika gǝŋ. ¹⁵ Asaŋkɔɔ acii ma, acici ashee baŋunii, naa mbaɖee baɖa ŋŋuro nɩ ma, bapaa kɔɔ aɖa ashee balɔ na, ama, baɖa ashee nɖee aci ashee pɩ naa akɔɔ aŋǝnǝ ma. ¹⁶ Galaŋ tɔɔ na nnyǝmǝ kukɔɔ ayɔ ʋɖǝn gʋrɩlɔ nɩ na, ɔta jɩ waa gʋrɩlɔ nɩ na gɩ yɔ Kristo, tɔɔ na nnyǝmǝ kɩɩkɔɔ ayɔ nɩ ɖaa gǝŋ ma na. ¹⁷ Arɛ ɖɛn ata ɖa Kristo nɩ, apra arɛ afɔlɩ. Alesʋra ɩŋono ɩshɛʋ; ɩfɔlɩ ɩɖa ka nnyǝmǝ. ¹⁸ Ɩni ɩŋunii ɩɖoo na Gaja sul na, apala ka Kristo apɩ na ʋrǝŋu na na atɩ nna Gaja atɩgicuca, na ashee atʋ ʋrǝŋunama kantǝma. ¹⁹ Aɖʋwaa: Gaja gaɖa Kristo nɩ na, na yɛɛ Kristo apɛmpɛŋɛ aɖe agɩlopi na ɖulinya bagɩcuca naa apaa kɔɔ atɔɔ bataalɩ na, n'aɖʋ ʋrǝŋunama kaa lei atʋ nɩ. ²⁰ Atʋ gɩ na lǝ Kristo antǝma kabʋlei ɖaa a tʋmpɩ Gaja gana kʋn na ma na ɖʋ ɩkashɩ; jɩ ma suuru ʋrǝŋuna ma ʋɖa anyɩn na Gaja anyɩn gɩcɩɩca. ²¹ Nɖee kalee mbɔnɔ ayɔ na ma apala nɩ atɔɔ atɩmbɔnɔ atoŋo naa atʋ gɩpra Gaja ka ɖeidei baja