¹ Ntɩ lə baa mʋ nʋ nɩ, shee baa aŋana a naa nyiŋə na pəla pəla nakʋma gaja na shee bɛrɛ baŋunii. ² Na nyiŋa na shee bayarɩ na mbaɖee balee aɖi baja ma, naa atʋ gboo ataa aye ada fɛɛ alesʋra ɩsoŋsano nɖe ɩsam ma. ³ ɩniɖe ɩcun alee ɩŋərə atɩnɖiyar gaja sil. ⁴ Nɖee ana yɛɛ waa bɛrɛ baŋunii baŋə nɖisono naa ba bɔmbɔɖɩ atɩ ɩja ⁵ Aɖʋwaa : gaja gaɖɔŋkɔnɔ jɩ, apaɖaka ɩkəma; gaja na bɛrɛ ba gɩcuca, ʋni na gəŋ Yeesu Kristo arɛ. ⁶ Atɔɔ ka agʋlɔ agɩlopi ashee acam na bɛrɛ baŋunii; səriya nɖee balaa ashee nɩ alʋwaa tʋ ma na gəŋ. ⁷ Gani laŋ na ba tɩ amʋ kawaasuyar na atəmka. ɩja nɩ nnlə kə ma na lee ɩsəi na, ma naa cere mbaɖee kə ba yɔ gaja na ma, bawəɖa ʋcine n'ɩja. ⁸ Nsɔlɔ waa: bɛrɛ ba naa nyiŋə baaŋka na baɖa, n'ataaa ba nyɛ cɩrɩcɩrɩ kɩja ʋnya na n'afaŋa ɩbɔnɔ ɩpaa ɖa na. ⁹ Nsɔlɔ waa basəmprə ba yɔkɔ ɩkara ɩ naa rgə atən gɩshɛbɔ ɖaa ɩsəm ma, ba paa na jiŋə ba lɔ, nafar baŋʋrʋ, na wura,n'ɩshipi kokoo bakara ayɔkɩ ɩnaki ɖe nyaa ma na. ¹⁰ Ama ba naa lee alesʋra ɩsoŋsono ɖaa ɩsəm na basəmprəɩ ba na lee gaja kantəma ma. ¹¹ ʋsəmprə a na ɖʋ gʋtɔ ʋcerʋ shɛlɛm na buro agʋlɔ. ¹² Kə ma na shee ʋsəmprə ganɔ avere kokoo a naa kpashɛ basoro na, ama shee anaa ŋʋra shɛlɛm. ¹³ Aɖʋwaa: ADAM na ba səba alee , naa atɩ lee Awa; ¹⁴ Kɩ lee ADAM na ba paapaa na, ama ʋsəmpra apala ka ba paapaa nɩ, na apra taa lɩ yar. ¹⁵ Na kama ataa ŋə nɖinsɔno ɖaa alee gʋ na ma laŋ. Ata kara gayɛ awəɖa ʋcine, aɖa ʋsɔlɔ na cɩrɩcɩrɩ nɩ.