¹ Nnyɩmə ŋtɩ ligee anyɩm ambaja, Gaja ka galee ŋgaɖei ŋlə ashee anyɩn, ŋgaɖei ɩcam ma na ŋgaɖei nɩ ɩyiɖe ma. ² Gaja ka ga lee gaɖe jɩ ba cam n'anyɩm a lam atən, ɩta taŋo ga lee gaɖe nɩɩ ja ɖaa ŋlə anyɩm ma, Na kɩ lee waa ɩ cam jɩ ƒɔɩ na. ³ Aɖʊ wàà nɖʊ anyɩn na nɩ, ɖaa bʊkɔ bʊ səba ka kpatakɩɩ mbʊɖee ŋcam ma: Atabɔnɔ laŋ na kristo aci ɖaa ʊŋɔn ʊlə ma. ⁴ Ba ƒum nɩ ma na aŋənə ʊshile ʊriu taja aɖuo bakono banɩ nɩ ɖaa ʊŋɔn ʊ lə ma ⁵ Aƒaŋa keeƒas agʊlɔ, na abakəŋja təb na banyɩʊ gboo. ⁶ Kaŋkəm na aƒaŋa bɛrɛ bʊsʊwa bʊnʊn agʊlɔ kpaarɩ. Baɖən bagɩcɩɩca nɩ baɖa ŋŋuro nɩ,ama baɖən ba cî boŋo. ⁷ Gəŋci aƒaŋa agʊlɔ jaak na bakəŋja baŋunii. ⁸ Kʊboŋʊ nɩ, a ƒaŋa amʊ agʊlɔ ɖaa ʊpi nɖee ba ŋʊm saa abɔnɔ ma. ⁹ Aɖʊ wàà, amʊ na akəŋja ajala. kə ma sim ba yɩɖa amʊ wàà akəmja na, aɖʊ wàà ŋnaashɩɩ Gaja ka cɔɔcɩ, ¹⁰ Ama na Gaja ka gʊjɔɔ ŋlee arɛ nɖee ŋlee ma, na a gʊjɔɔ ama laŋ kʊʊ lee ƒɔɩ na. ama ŋlee ŋtəma ŋkaŋkəra awu ba ŋunii. kɩ lee amʊ na ama Gaja ka gʊjɔɔ ngʊɖee gʊ ɖa na amʊ mʊ ma. ¹¹ Gəŋ ci baa maa amʊ na kokoo ba ɖe pɩ, kiɖe ma Gaja ka ga lee gɩ na lə ma, na ŋgaɖee ɩ cam ma. ¹² Nnyɩmo ba ta naa lə wàà kristo aŋənə aɖuwo bakono nɩ ŋkpala nɖɔŋkɔnɔ, maakɔ laŋ na anyɩn gɩcɩɩca nɩ kəbaɖən basəra a lə wàà, bakɔno bʊŋənʊ ʊ ma na. ¹³ Ama bakono bʊŋənʊ ʊ ta mana, gəŋ ma kristo agɩlopi ka ŋənə na. ¹⁴ Na kristo ka ŋənə na Gaja ka bʊlei gɩ na lə ma ƒɔɩ na gboo ¹⁵ Acəŋə ba tə ba təwaa atʊ ɖaa Gaja kə ba sheerɛ ma, aɖʊ wàà gɩ laa Gaja ka səriya na lə wàà a ŋənə kristo, ɩ ɖe saa wàà ka lee gəŋ na. ¹⁶ Aɖʊ wàà na bakono kə ba ŋənə na, kristo a gɩlopi gboo kaŋənə na. ¹⁷ Maa kristo kaŋənə na aŋənɩcine ɩwʊɖa ma, ƒoɩ na ɩ naa ɖa a nyɩnabɔnɔ nɩ. ¹⁸ Galaŋ mbaɖee ba ci kristo nɩ gboo ma ba lee ƒoɩ. ¹⁹ Ɩ ta jɩ wàà ɖuulinya nɖe kanɖənɖən nɩ atʊ bɛ̀rɛ̀ gɩ wʊɖa na kristo tamaa gəŋ ma atəgalei ga ɖa ka ɩshɛɩ awu ²⁰ Ama nnyɩmə kristo aŋənə aɖuwo bakono nɩ asəbaka mbaɖee ba ci ma nɩ ²¹ Aɖʊ wàà arɛ aɖɔŋkɔnɔ laŋ na bʊce bʊpɩ, arɛ̀ aɖɔŋkɔnɔ laŋ gboo na ʊŋənʊ aɖoo ŋkuƒo nɩ ʊpi. ²² Aɖʊ wàà ɖaa Aɖam laŋ na bɛrɛ ba ci ma gəŋci gboo kristo laŋ na bɛrɛ ba ŋunii ba ŋə ŋŋuro. ²³ Ama baa aŋa na agaja. kristo atɔnɔka naa bashee mbaɖee ba lee kristo abaja ma, ŋŋuro sàá nɖee a naa akɔɔ apɩ ma, ²⁴ Kaŋkələ ɩ nɩ lee ʊboŋʊ, kristo a naa kɔɔ na gɩyarɩ ashee ayar Gaja ma, nɖe ɩ nɩɩ lee saa nɖee abaŋo baa maakɔ, na iiko, na ɩkashɩ ma. ²⁵ Aɖʊ wàà ɩsim a jɩ gɩyarɩ halɩ aɖʊ a ɩbɛrɛ ma na a naŋa nɩ. ²⁶ Bʊce bʊ lee ka ɩbɛrɛ akəŋja nɖee a naa ɖuur ma ²⁷ Aɖʊ waa << aɖʊ wàà aɖʊ baa maa kɔ nɩ a naŋa ka təntən >> Aɖʊ wàà sàá nɖee a lə wààba kɔɔ na baa maaakɔ aɖʊ aɖe a gʊnyɛ nɩ ma gɩ shee ɩja wàà nɖee akɔɔ na baa maakɔ aɖʊ a gʊnyɛ nɩ ma ka ɖa ŋcim na. ²⁸ Na saa nɖee ba tɔɔ baa maakɔ nɩ aɖʊ a gʊnyɛ nɩ ma, galaŋ ʊpi a gɩlopi a taa atɔɔ a gʊlɔ aɖʊ arɛ̀ nɖee atɔɔ baa maakɔ nɩ aɖʊ a gʊnyɛ nɩ ma, ɩ ni ɩnɩɩ pɩ wàà Gaja jɩ baa maakɔnɩ ²⁹ Gəŋ ma maakɔ ɩ nɩɩ ɖa ashee bɛ́rɛ̀ mbaɖee ba mɩɛ pɩ bʊto nɩ alaa bʊce laŋ ma? Na kono kə ba ŋənə na, maakɔ laŋ na ba mɩɛ pɩ bʊto nɩ a laa? ³⁰ Na maakɔ laŋ na gɩ ɖa nɖi ŋcika nɩ baa tam a paŋa na? ³¹ Ambaja anyɩn ɩ lee ka amʊciŋkerka atinɖi yar Yeesu nɩ, ntɩ lə ŋgaɖe ntɩ ci baa ŋjən : ³² Ɖaa arɛ̀ ma nta cə na ɛƒɛs kɩbɔrɩ baŋɔnja gʊtara, ɩ ta jɩ wàà bakono kə ba ŋənə na?< jɩ naa a ŋəm aɖʊ wàà ga cən gɩ tɩ gɩ cii. ³³ Gɩ pàá paa paa atəbawor na << gʊsoro gʊbɔnɔ gʊ na pɛɛpɛɛ haalɩ asoŋsono. ³⁴ Lee ma gɩshɛbʊ naa a ɖa ɖeiɖei paa ma tewə na lee mbɔnɔ na. Aɖʊ wàà baɖə ba ɖa a nyɩn nɩ kə ba wʊɖa Gaja kʊ yɔʊ na ntɩ lə nashee anyɩn iciƒala ³⁵ Ama baɖən ba tə balə wàà< na bakono ba kɔɔ aŋənə? gʊlɔ gʊ paŋa kʊ ba kɔɔ a pɩ na ma?.>> ³⁶ Ɩ lee ŋyɛshɛshɛ baja bʊkɔ mbʊɖee ʊɖu ma bʊ na ci ci boŋo naa aye ta. ³⁷ Bʊkɔ mbʊɖe ʊ ɖu atən ma kɩ lee ka gɩ lopi gɩ na ɖoo na, ama ɩ tu səra a lee blee ka gɩ pi koko gɩ pɩ gɩɖən. ³⁸ Gənci Gaja gashee baa maakɔ ka gʊlɔ ŋgʊɖee gʊsim ma. ³⁹ Gʊlɔ gʊŋunii kʊʊlee gʊɖɔŋkɔnɔ na ama gʊɖən gʊ lee arɛ̀ agʊja, na gʊɖən gʊlee ɩbɔrɩ ba gʊja, gʊɖən gʊlee bʊsapɩ ba gʊja, gʊɖən gʊlee bʊƒɩlɩ ba gʊja ⁴⁰ A laŋ laŋ kalɔ gboo ɩɖa gəncɩ atən kalɔ ɩɖa. ⁴¹ Ʊshilè ʊkaɖʊ ʊɖa, aŋɔrɔ ʊkaɖʊ ʊɖa gənci ɩŋɔrɩpi kʊkaɖʊ gboo ʊƒələ gənci gɩŋɔrɩpɩ gɩ ɖən kʊkaɖʊ ʊ saŋkɔɔ aƒələ na gɩ ɖən ⁴² Ɖaa bʊkɔ mbʊɖee gɩ na ɖu bʊ na pɛɛpɛɛ na a ta bʊkɔ mbʊɖee kə bʊ na pɛɛpɛɛ na ma, gŋci nɔɔ bakono bʊŋənʊ aɖoo ŋkuƒo nɩ . ⁴³ Ba ɖuɩ ma kɩ wʊɖa ʊkʊmʊ na, ama ɩ ta nʊkʊmʊ, ba ɖu ɩ ma kɩwʊɖa ɩkashɩ na ama ɩta nɩkashɩ ⁴⁴ Ba ɖu ɩ na aʊrɩlɔ ama ɩ ŋənə ŋŋuro ka gʊlɔ nɩ. Ɖaa gʊrɩlɔ gʊ ɖa ma, gənci gboo ŋŋuro nɩ ka gʊlɔ gʊ ɖa. ⁴⁵ Galaŋ na ba ŋɔn waa: Arɛ asəbaka asəbaka Adam apra arɛ ŋŋuro yar, Na Adam akəŋja ʋni aleeka nɖee ŋŋuro nsoŋsoso nrəŋə nanɩ ma, a na shee ŋŋuro. ⁴⁶ Ama nɖee ɩlee ŋŋuro nsoŋsono ma, kɩlee ɩsəbaka na, nɖee ba pil nce acə ma, kaŋkəm na, nɖee ɩlee ŋŋuro ma ɩpɩ. ⁴⁷ Arɛ səbakaɩ ba pil nce acə ma, alee atɩnaja na, anyɩʋtaja alee nɖee aɖoo na alaŋlaŋ ma na. Ɖaa ⁴⁸ atənaja aɖa ma, gəŋ ci batənaja baɖa ɖaa alaŋ laŋ kaja aɖa ma, gəŋ ci balaŋaja ba ɖa. ⁴⁹ Ɖaa gɩ ɖoo atənaja ma, gəŋci gboo gɩtɩ ɖoo alaŋaja. ⁵⁰ Ŋgaɖee n na lə ma na gəŋ waa: Gʋrɩlɔ narɛkɔnɔ kɩɩ kpa Gaja kaayarɩtəna nɩ na, na nɖee ɩnabu ma, kɩɩ wəɖa ŋŋuro na ayɔ nayɔ. ⁵¹ Ashiiri ɖən na n na yɛɛ ma tine akaɖa ashee anyɩnwaa: Atɩ ganɔ ka gɩ cii kpaarɩ na, ama gɩ tɩ gɩ fʋba kpaarɩ. ⁵² Bata sɩn gʋyʋlʋ gɔɔkəŋja, kpaarɩ gɩnyine gɩtɩ lə waa gɩ tine ma, ba ta sɩn gʋyʋlʋ gʋkəŋja, Bakono ba tɩ ba ŋənə kə ba kɔɔ abuu na, naa napɩ gɩ man afʋba mpoo. ⁵³ Aɖʋwaa: Ɩsim waa: Gʋlɔbuka gʋcam ŋgʋɖee k'ʋn abu na ma, naa gʋrɩlɔ gʋcika gʋ cam ŋgʋɖee k'ʋnaci na ma. ⁵⁴ Ŋkələ gʋlɔbuka gʋkara ŋgʋɖee k'ʋnabu na ma, naa gʋlɔcika gʋkara ŋgʋɖee k'ʋna ci na ma, ŋkəŋ na ʋŋɔn ʋna lə waa bajɩ bʋce caa caa. ⁵⁵ Ho bʋce aka caacaa aɖaɩ; ho bʋce bʋkɔɩ ʋ na cə na gʋtara ma, ɩ ɖaɩ? ⁵⁶ Bʋkɔɩ bʋce bʋ na ce na gʋtara ma na gəŋ mbɔnɔ k'ʋleʋ, na mbɔnɔ kɩkashɩ nɩ gəŋ gʋpɔ. ⁵⁷ Ama, gɩkʋma Gaja ɩ gapala gɩjɩ caacaa na tɩnɖiyar Yeesu-Kristo ma. ⁵⁸ Gani gaɖe laŋ, ambawor basɔlɔka, baaŋa ayiɖe ma, gɩshɛbʋ gɩshɛbʋ kəŋ kəŋkəŋ, na lee nɖiyar antəma na ce na ce, yɔ ma waa: anyɩntəma ɩlee ashee nɖiyar ma kɩtɩ lee fɔɩ na.