¹ Ɩta saa na ŋŋuro nsoŋsono kagʋjɔɔ, kə ma na yɛɛ, anyɩn ɩ ɩlee ambawor na ɩɖa n yashɛshɛ nɩ na. ² Anyɩgɩlopi ɩyɔ waa ŋkələə kɩyɔ Gaja na ma, ɩpala anyɩnalɔ ashee bʋɖe bʋ tɩ bɔbɔ anyɩn na ce na àkʋna ɩ kɩwəɖa bʋ nɔ na lə bʋlei na ma nɩ, ɖa ɩbʋŋa na sana ma na gə. ³ Galaŋ n tɩ lə anyɩn waa: ʋɖən kaasəna alə na Gaja kaŋŋuro waa: Yeesu alee fɔɩ na! N'ʋɖən gboo kaasəna alə waa: Yeesu alee ka nɖiyar! Na ŋŋuro nsoŋsono kɩnɖa na nɩ na. ⁴ Ajɔɔ asʋra asʋra ɩɖa ka, Ama ŋŋuro nɖɔŋkɔ nɔ nɖe n na shee. ⁵ Atəma asʋra asʋra, ama nɖiyar aɖɔ ŋkɔnɔ ɖe na. ⁶ Maamaaci kalesʋra afələfələ, ama Gaja gaɖəŋkɔnɔ gʋɖe ga na lee ɩŋunii. ⁷ Ɖaa ɩɖa ma, ŋŋuro n yʋga atənna ashee baaŋa waa gɩ lo ɩ ashee atɩ bawor. ⁸ Gani kaŋkəm, ŋŋuro nshee ʋɖən gʋfaŋa gʋsoŋsono ka bʋle; n'ashee ʋɖən ʋyɔʋ kabʋlei, ŋŋuro nɖɔŋkɔnɔ nɖe n na lee gəŋ. ⁹ Ʋɖən ʋcine ʋwəɖaka, na ŋŋuro nɖe; ʋɖən acam gʋjɔɔɩ gʋ na kaɖa ɩshɛɖʋ na ŋŋuro nɖɔŋkɔnɔ nɖe: ¹⁰ Ʋɖən gʋjɔ ɩ gʋ na lee maamaaci kalesʋra; ʋɖən, Annabi babʋlei bʋ ana lə; ʋɖən ayɔ na paɖa paɖa aŋŋʋro na fələ fələ; ʋɖən, ɩkrə ɩfɔlɩ kʋləʋ; ʋɖən, aɖe tɩ kʋɖa ɩkrə ɩfɔlɩ kaashɩ. ¹¹ Ŋŋuro nɖɔŋkɔnɔ nɖe n nalee alesʋra ɖe ɩŋunii, na yʋga na shee baaŋana ɖaa ana yɛɛ ma. ¹² Ɖaa gʋrɩlɔ gʋ lee gʋɖɔŋkɔnɔ n'awəɖa bʋɖutəwə təwə ka tuutuuma ma, ɖaa gʋrɩlɔ ka bʋɖutəwə ka tuutuuma bʋɖe bʋ wala a lee gʋɖɔŋkɔnɔ ma, gəŋci gboo ɩɖa Kristo nɩ. ¹³ Atɩ ganɔ kpataa ŋŋuro nɖɔŋkɔnɔ nɖe nɩ na ba məna atʋ bʋto, alee atʋ gɩ pra gʋlɔ gʋɖɔŋkɔnɔ, yuɖaa kaja na kɩɩ, grɛsɩ kaja nakɩɩ. Aɖɔmpla na kɩɩ, ʋɖa ɖa a shee akʋʋlɔ, ŋŋuno nɖɔŋkɔnɔ nɖe nɩ na ba wala atʋ aɖəu. ¹⁴ Gala anii gʋlɔ k'ʋlee gɩɖɔŋkɔnɔ na, ama, gʋɖa bʋɖu təwə təwə ka tuutuu ma n'awala a lee gʋɖɔŋkɔnɔ. ¹⁵ Ʋkei ʋta naa lə waa: Kə ma lee gʋnyɛ na ma laŋ, kə ma lee gʋrilɔ aja na, gəŋ kaɖa gʋrɩlɔ nɩ aa? ¹⁶ Gʋtɔ gʋta naa lə waa: kə ma lee gɩnyini na ma laŋ, kə ma lee gʋrɩlɔ aja na, gəŋ ma ka ɖa gʋrɩlɔ nɩ aa? ¹⁷ Ɩtajɩ waa gʋrɩlɔ gʋŋunii gʋ lee gɩnyine nka na gɩɖa na ŋə, gɩta naa ŋə baɩ na gɩ lee arəŋə ʋfətrə? ¹⁸ Gaja gashee ɖʋ bʋɖu təwə təwəka bʋɖe gʋrɩlɔ nɩ ɖaa asɔlɔ ma. ¹⁹ M'ɩjɩ waa: gaɖutəwə ka gaɖɔŋkɔnɔ jɩ koŋ, ŋkana gʋrɩlɔ gʋ ɖa? ²⁰ Nnyəmə bʋɖu təwə təwə ka tuutuuma bʋ ɖa ka, n'ɩlee gʋlɔ gʋɖɔŋkɔnɔ. ²¹ Gɩnyine ka gɩ səra alə gʋnyɛɛ waa: kə ma hɩɛ akɩ na: Na nɖi gboo kɩŋsəra alə ɩkeii waa: Kə ma na hɩɛ anyɩn na. ²² Ama, na kama , gʋrɩlɔ kabʋɖu təwə təwə ka ɩ gɩ na ŋə waa: kə bʋ na fɔɔshɩɩ na ma, bʋ wəɖa aŋfanɩ paa; ²³ Bʋɖu təwə ka ɩ bʋ ɖa gʋlɔ nɩ, naa kɩɩ na shee bʋ grma na ma, bʋsheewəɖa aŋfaanɩ abʋmbɔnɔ. Gala bʋɖu təwə təwə ka ɩ kɩɩ na kantan na bʋ na ma; bʋ shee tɩ cam grma abʋmbɔnɔ. ²⁴ Ɩta saa na mbʋɖee bʋ lee kpatakɩi ma, kəbʋ kɔɔ na hɩɛ akɔɖən na; Gaja gaɖʋ gʋlɔ kʋ waa bʋɖuɩ bʋ sər ma, ɩlee bʋ aŋfaanɩ. ²⁵ Naa ʋpaɖʋ paɖʋ ʋpaatɩ ɖa gʋlɔ nɩ na, ama, bʋɖu təwə təwə ka bʋtɔjɩ bʋwor. ²⁶ Ɩta jɩ waa gaɖu təwə ka gaɖən gatɩ jɩ ɩshɛɩ, bʋ saaka gboo shee bʋji ɩshɛɩ, gaɖu təwəka gaɖən gata na jaŋ, basaaka bʋŋunii shee bʋja. ²⁷ Anyɩɩleeka Kristo agʋlɔ, anyɩŋganɔ ɩlee bʋɖu təwətəwə ka bʋ. ²⁸ Cɔɔcɩ nɩ, batəmka pɩ Gaja gasəba atɩ, na Annabi mana batər, nriutaja ba ceereka babʋmbɔnɔ, kaŋkəm mbaɖee ba na lee maamaa kalesʋra ma, kaŋkəm, mbaɖee bana kaɖa ɩshɛ ɖʋ ma, kaŋkəm mbaɖee ba na kaŋa na basaaka ma, kaŋkəm mbaɖee ba na lə ɩkrə ɩfɔlɩ ma. ²⁹ Baŋunii ba lee batəmka aa? yaa balee annabi mana aa? kokoo ba lee bacereka aa? ³⁰ Baŋunii batɩ lee maamaaci kalesʋra aa? Yaa batɩ kaɖa bɛrɛ bɩ shɛɖʋ? Baŋunii batɩ lə ɩkrə ɩfɔlɩ aa? yaa batɩ kʋɖa ɩkrə ɩfɔlɩ kaashɩ? ³¹ Cɔɔ ma yɛɛ gʋjɔɔ ŋgʋɖee gʋlee gʋŋərə ma Ntɩ ma faŋa anyɩn ʋnyɩŋca ʋsaŋsono.