¹ Mawu eŋɛdotɔ amadrǝawo domǝtɔ dǝka kǝsi kɔfu amadrǝawo lǝ a gbotǝbɔŋǝ va<< va nǝ ma cɔ Matǝlǝtɔ ganŋgan ǝfɔbubua disa nǝo yǝ kǝ kanrɛn dǝ ǝci sugbɔ wo ji. ² Yǝ kǝ na bǝ anyigbajitɔwo fiɔwo wɔdɔndɔn majǝmajǝi anyigbatɔwo mu yǝ Matǝlǝ kǝlǝ nyi dɔndɔn majǝmajǝ aǝha>>. ³ Mawu-eŋɛdotɔa kikǝŋǝ lǝ gbɔngbɔn mǝ iseŋyi zogbǝ i ŋkpɔ nyɔrun dǝna kanrɛn dǝ ǝran dǝka ji ǝta amadrǝ kiɖǝ ǝzo amǝwo lǝ si ǝhɛndodo ŋkɔ sugbɔ lǝŋu. ⁴ Nyɔrua do awu xɔho jɛɛn dǝka i icɔ sika isǝŋǝ do acɔn kiɖǝ ǝkpǝxɔhowo kiɖǝ jonu. ǝlǝ sika kɔfu dǝ alɔmǝ ɖɛ i kɔfuadɔ kiɖǝ ǝnunyɔhuwo kiɖǝ ǝnu makɔmakɔ kǝlǝ nyi yǝ dɔndɔn majǝmajǝ wo. ⁵ Wo ŋrɔ ŋrɔ wurawura dǝ yǝŋgonu kǝ yǝ gɔmǝɖǝɖǝ lǝ nyi bǝ << Babilɔni ganŋgan, Dɔndɔn-majǝmajǝ wo ǝnana kiɖǝ anyigbaji ǝnu nyɔŋu ǝnana.>> ⁶ Ŋkpɔ bǝ nyɔrun-a nu xɔsǝtǝwo hu mu kiɖǝ amǝkǝwo wo wu lǝ yesu ǝkpɔkprɔ do mǝa ǝhu kǝ ŋkpɔɛa ŋcaka lǝ dǝki nyǝmǝ . ⁷ Vɔa Mawu eŋɛdotɔa lǝ nu bǝ: < yi ǝcaka lǝ dǝǝ̀ kiwo mǝ maa? ma ɖǝ nyɔrua gɔmǝ nǝo kiɖǝ ǝran kǝ kikǝ nǝa. ǝran do ǝta amadrǝ kiɖǝ ǝzo amǝwoa . ⁸ Ǝvan kǝ ǝkpɔa ǝnɔvayi kpɔ vɔa ŋfia ŋgbǝ lǝ agbǝo vɔa ǝlǝ dodo co agado a mǝ ǝmɔ ji i gbǝseŋyi jia ayi cɔrɔn mǝ Anyigbaji tɔwo kǝwo woŋ ŋrɔn woŋkɔ dǝ agbǝhoma mǝa co kǝkǝ xixǝa gɔmǝjǝjǝa akpaca wo bǝ ǝran lǝ ɖɛ, i ŋgbǝ lɛ o. vɔa ǝlǝ mɔji ɖɛ bǝ yǝatrɔɔgbɔ . ⁹ Ǝla hian gɔmǝsǝsǝ kiɖǝ ŋununyanya, ǝta amadreawo lǝ nyi ǝto amadrǝ kǝji nyɔrua kanrɛndo. ¹⁰ I ǝfiɔ amǝdrǝ ca lɛ. ǝfiɔ amatɔn gǝjɛn i ɖǝka lɛ ɖɛ vɔa ǝvǝatɔa ŋva xado o. nǝ ava vaa ŋka va nǝ diŋdin o. ¹¹ Ǝran kǝ nɔ agbǝ vayi iŋgbǝlɛa o. yǝŋta nyi ǝfiɔ amǝnyiatɔ vɔa yǝ ca nyi ǝfiɔ amadrǝawo domǝtɔ dǝka i idotá cɔcrɔn mɔ ji. ¹² Ǝzo amǝwo nǝ ǝkpɔa wo lǝ nyi ǝfiɔ amǝwo lǝ nyi amǝkǝwo ŋxɔ ǝfiɔduxo hadǝo. vɔa wo na wo ǝfiɔ ǝcɛ kpakpa nǝ gaxoxo dǝka kiɖǝ ǝvran. ¹³ Amaawo sééé a susuɖǝka i lǝ wosi i wocɔ woŋusɛn kiɖǝ wo cɛkpakpa sǝŋna ǝran. ¹⁴ Woa wɔ ahua kiɖǝ Aringbɔvia. vɔa Arigbɔvia aɖuwoji ǝnunǝdɔa yǝ nyi Axotɔwo ji Axɔtɔ kiɖǝ ǝfiɔ woji fiɔ Amǝkǝwo anɔkiɖǝa wo anyi amǝ yɔyɔ wo kiɖǝ amǝ cancanwo kiɖǝ amǝwɔnu to how . ¹⁵ Mawu eŋdotɔa lǝ nuŋ bǝ << ǝci kǝwo ǝkpɔa wo doŋdomǝi matǝlǝtɔa nan nǝrɛn doa lǝ nyi du kɔsugbo kǝ woŋkatǝ hrǝ o kiɖǝ ǝduwo kiɖǝ ǝgbǝwo. ¹⁶ Ǝzoamǝwo kǝ ǝkpɔa kiɖǝ ǝran woŋnarɔn matǝle tɔawo. woagbɛn kǝkǝ idisa yǝ ma mǝ woaɖu yǝ ran i tɔzo yǝ amǝtia sééé. ¹⁷ Ǝnukǝdɔa Mawu zanwo icɔ susu ila ɖǝ wo jimǝ bǝ woa wɔyǝǝ dodowoji i wosééé woawɔ sùsù dǝka ǝnu. nǝ woa cɔ wo fiaɔduxo isǝŋna ǝran kǝkǝ va na ganǝmǝ kǝ Mawu ǝnyɔ na vamǝ. ¹⁸ Nyɔru kǝ ǝkpɔa lǝ nyi ǝduganŋgan kǝlǝɖu anyigbaji fiɔ wo sééé ji .