¹ Yésu yi olive to a ji. ² Lǝ ŋgbangban si a ǝtrɔ yi ǝɖǝscoscɔmǝ i amǝvo sée lǝ va gbɔ E ghanrɛn ɖɛ i lǝ kpranu wo. ³ E nuŋrɔntɔwo kidé ^pharisitɔwo kprɔ yɔnrun ɖǝka kǝ wo kpɔ i i lǝ wɔ mantélé a va nɛ i wo cɔ ɛ dé agudomǝ. ⁴ I wo lǝ nu nǝ yésu bǝ Enukpratɔ mi kpɔ yɔnrun la i i lǝ wɔ mantélé. ⁵ Vɔà lǝ ǝséa mǝ a mɔnsǝ nu nǝ mi ɖɛ bǝ wo ɖo la scukpé amǝ ŋnan mɔnki nǝ wa kpɔ coŋ mɔɔn. ⁶ Wo ǝnyɔn ŋnan i sǝ tǝ kpɔ cagbé wo a kpɔ agɔjǝjǝ lǝ un bubɔ ta ɖɛ i lǝ ŋrɔn nu lǝ anyigban mǝ kidé alɔ vi. ⁷ Sigbǝ wo kpɔtɔ i gbǝ lǝ ka ǝnyɔn ɛn sǝ a yésu kɔ ta yiyi i nu nǝ wo bǝ amǝ lǝ mi a domǝ kǝ y wɔ ǝnuvɔn kpɔa nan cɔ ǝkpǝ nyɔnrun jǝŋkɔ . ⁸ I i gbǝ trɔ bubɔ ta i gbǝ lǝ ŋrɔn nu lǝ anyi gban mǝ kidé alɔvi. ⁹ Kǝ wo sǝ ǝnyɔn ŋnan wo lǝ co ɖǝka ǝ tɔji co amǝ gansco wo ji . ¹⁰ Nuwuwu a mǝ a ǝva kpɔtɔ yésu kidé nyɔn run kǝlǝ wo coŋ domǝ a. ¹¹ I i co i lǝ nu nǝ bǝ nyɔnrun fi amǝ kǝ kprɔwo va wo ɖǝ Amǝ ɖǝkɛn o ascotɔ yésu nu nǝ bǝ un ca nyiyun ka wɔ unɖǝ kɛn nǝ wo yi kagbǝ wɔ ǝnuvɔn kǝ o . ¹² Yésu gbǝ trɔ dǝ amǝ sugbɔwo i nu bǝ Enyǝ nyi scisceamǝ yé hlɛnklɛn amǝ kǝ kprɔŋun do à ŋka zɔn lǝ zublumǝ o vɔ a a kpɔ agbǝ yǝ kandǝ. ¹³ Pharisitɔ wo lǝ nu nǝ bǝ wo ŋta ǝlǝ ɖi ɖasǝ lǝ ɖǝkiwo un tɔɔ ɖasǝɖiɖi ŋnyi adodo ŋ o. ¹⁴ Yésu ɖoŋ ŋ nǝ wo bǝ nǝ ŋlǝ ɖiɖasǝ lǝ ɖǝkinyǝ un an tiyun ɖasǝɖiɖi ǝnyi adodo un yan lǝ fi un co i fi un yikɔ vɔ à mi a wo mi y yan lǝ fi unco o i mi y yan fi un yikɔ ɔo. ¹⁵ Mi lǝ sconu lǝ ranmǝ mǝ nyan ŋ lǝ ɖo ko jo nǝ amǝɖǝkɛn o. ¹⁶ Vɔ a nǝ un lǝ ɖo kojo a tiŋ un kojo ɖoɖo nyi adodo do bǝ ŋnyi ŋ nyǝɖǝkɛn i lɛ o un lɛ ɛ kidé dada kǝ dɔŋ ɖiɖa à. ¹⁷ Lǝ mi a sǝ mǝ à wo ŋrɔn ɖɛ bǝ amǝ amǝvǝ yé ɖasǝ ɖiɖi nyi nǝ adodo. ¹⁸ Nyi unta i lǝ ɖi ɖasǝ lǝ ɖǝkiɛn un i dada kǝ dɔŋ ɖiɖa ca lǝ ɖi ɖasǝ lǝ ǝnu nyǝ . ¹⁹ Wo lǝ nu nǝ bǝ tɔɔ dada ɖé yésu doŋ bǝ niy dǝsi un o nǝnǝ kǝ mi ŋ dǝsi tiŋ dada ca . Nǝa mi dǝsi un an mi a va dǝsi tiŋ dada ca. ²⁰ E lǝ nu ǝnyɔn ŋnan wo gakǝmǝ i lǝ kprami lǝ ǝɖǝscoscɔ mǝ kǝ lǝ tresor yé kpaɖǝka i amǝ ɖǝkɛn ŋléo ɖo bǝ yé gamǝ ŋŋsun haɖo o. ²¹ Egbǝ trɔ lǝ nu nǝ wo bǝ un yi kɔ mi a va jiŋ katǝŋ va lǝ lǝ fi u yikɔ à o. ²² Yuɖatɔwo lǝ nu bǝ Amǝ kǝ nu bǝ mi ŋ katǝy va lǝ fi i yikɔ a ɖée ɔka vɛ dǝka ǝvé i ku a. ²³ Yésu lǝ nu nǝ wo mi lǝ anyi gban mǝ nyan un lǝ ji. Mi a wo mi nyi sc i ǝce amǝ tɔ nyan un nyi scisceamǝtɔ o. ²⁴ Nann cagbǝ tɔ à un lǝ ni nǝ nu bǝ mi à ku ci mia nuvɔn wo mǝ nǝ nyi bǝ mi ŋ ǝjinyǝ à mi à ku ci mi a nuvɔn wo mǝ . ²⁵ Mɛ wo a nyi wo lǝ biɛsǝ ǝnǝ yésu ɖoŋ nǝ wo bǝ ²⁶ Enyɔn sugbɔ lɛŋ bǝ man nu i sǝ ɖokojo nǝ kǝ kan mian vɔ a amǝ kǝ dɔŋ ɖiɖa ǝnyi adodo nu tɔ i un lǝ nu lǝ ǝciǝcéamǝ ǝnu kǝ wo un sǝ co gbɔ à . ²⁷ Wo ŋ sǝ gɔmǝ bǝ ǝlǝ sco nu dǝ dada un o . ²⁸ Yésu nu bǝ gakǝmǝ mi a va do amǝ gbǝtɔ yé vi dǝ ǝjia gaŋnan mǝ à mi a nyan ǝnu kǝ ŋ nyian i nyiun lǝ wɔ ŋɖǝkɛn lǝ ɖǝkiɛn si o sigbé tiyun dada kpra un ɖo a yé i un lǝ nu. ²⁹ Amǝ kǝ dɔ ŋ ɖida ǝlɛ kidǝŋ i ŋgbǝ nyǝ ɖǝkɛn ɖɛn ɖɛ o ɖo bǝ ɖo bǝ un lǝ wɔ ǝnu kǝ jɔnɔn ŋkɔa tɛgbɛɛ . ³⁰ Gakǝmǝ yésu lǝ nu ǝnyɔn ŋnan wo a amǝ sugbɔ kadǝ ji. ³¹ I yésu lǝ nu nǝ yuɖatɔwo kǝ kadǝji a bǝ nǝ mi scɔ tiŋun nyɔn wo jisǝ a i mi a nyi tiŋun nukpravi adodomǝtɔ. ³² Mi à dǝsi ǝnyɔn dodo i ǝnyɔn dodo à la wɔ i mi à nɔn mi a ɖǝkisimǝ . ³³ Wo lǝ ɖoŋ nǝ bǝ mi a wo a mi nyi Abraham yé jiji mǝ vi wo i mi y nyi amǝ amǝscecre nǝ mǝ ɖǝkɛn kpɔ o nǝ a wɔ mɔn i lǝ nu ǝnǝ mi a va nɔn mi a ɖǝ ki si . ³⁴ Yésu ɖoŋ nǝ wo bǝ lǝ ǝnyɔn dodo mǝ lǝ ǝnyɔn dodomǝ un lǝ nu nǝ mi bǝ amǝ siamǝ kǝ wɔ nuvɔnɛn a ǝnyi amǝscescré nǝ ǝnuvɔnɛn . ³⁵ Amǝscescré yun vonɔn lǝ yé scomǝ o vɔ a ǝvi ya vo nǝ ɖɛ tɛgbɛɛ. ³⁶ Eagbǝynantɔ à nǝ ǝ vi lǝ mi a mǝ mia vo . ³⁷ Un nyan bǝ mi nyi Abraham yé jijimǝ vi wo mi ji bé mi a wuŋun ɖo bǝ tiŋun nyɔn ŋjǝji nǝ mi o . ³⁸ Un lǝ nu ǝnu kpɔ lǝ tiŋun dada gbɔ a wo i i mian wo ca mi lǝ wɔ ǝnu kǝ mi sǝ lǝ mi a dada gbɔ a. ³⁹ Wo ɖoŋ i mi nǝ bǝ mi a dada nyi Abraham yésu lǝ nu nǝ wo bǝ nǝ mi nyi Abraham yé viwo a mi à va wɔ dɔ kǝ Abraham lǝ wɔ a. ⁴⁰ Ganykǝ mi lǝ ji bǝ yé wo a wu ŋun ǝnyǝ amǝ kǝ lǝ nu ǝnyɔn dodo kǝ ŋsǝ lǝ Mawu gbɔ a Abraham ŋun wɔ nǝ va yi o . ⁴¹ Mi bǝ mi lǝ wɔ mi a dada yé dɔdasi wo lǝ nu nǝ un nyi bǝ nu ŋun wɔ jɔ tɔ ɖɛ o mi à dada i nyi Mawu . ⁴² Yésu nu nǝ wo bǝ nǝ Mawu nyi mi a dada mi ɖo la rɔn un ɖo bǝ ɖǝ kiɛn si o vɔ a yé dɔy ɖiɖa. ⁴³ Nu kǝijɔ i mi ŋlǝ sǝ tŋun nyɔn wo mi yun katǝyɍ sǝ o . ⁴⁴ Abusan un yév i nyi mi a dada i mi ji bǝ mi a wɔ abusan un yé rɔnrɔn nu kǝ nyi mi a dada E nyi amǝ wutɔ co gɔmǝjǝamǝ i un ji nɔn ǝnyɔn dodo o i ǝnyɔn dodo ylǝ si o gakǝmǝ i lǝ ǝ nyi viɔcotɔ kidé visco wo dada. ⁴⁵ Gankǝ à miy kadǝ ǝjinyǝ o ɖo bǝ un nu nǝ ǝnyɔn dodo. ⁴⁶ Mɛ lǝ mia mǝ i latǝ ŋ bǝ un lǝ scovi nǝ ŋ lǝ nu ǝnyɔɔ dodo nukǝijɔ mi yun ka kadǝ ǝjinyǝ o . ⁴⁷ Amǝsiamǝ kǝ nyi Mawutɔ ɔ à sǝ nǝ Mawu gbǝ vɔ à mi ŋun lǝ sǝ o ɖo bǝ mi ŋun nyi Mawutɔ o. ⁴⁸ Yuɖatɔ wo lǝ nu nǝ bǝ mi à nyɔn ŋjɔ nǝ mi nu bǝ ǝnyi samariatɔ wo i gbɔngbɔn makɔmakɔ lǝ mǝ o a. ⁴⁹ Yésu ɖoŋ nǝ wo bǝ gbɔngbɔn ŋ lǝ mǝ nyǝ vɔ à un lǝ ka fu tiŋ dada i mi à wo miŋ lǝ kafui ŋun o. ⁵⁰ Nyi yun lǝ ji nyi ŋta yé dodo ɖǝ ji o vɔ a amǝɖǝka lǝ ji i lǝ ɖokojo. ⁵¹ Lǝ ǝnyɔn dodomǝ lǝ ǝnyɔn dodomǝ un lǝ nu nǝ mi bé nǝ amǝ ɖǝ scɔ tiŋ nyɔn à ŋka kpɔ ǝku gbǝɖǝ o. ⁵² Yudatɔwo lǝ nu nǝ bǝ ifia a i mi nyan bǝ gbɔngbɔn vɔnɛn lǝ tɔɔ ranmǝ. Abraham kidé ǝnyɔnuɖɛtɔ wo ku va yi i wa lǝ nu bǝ nǝ amǝ kǝ sc ɔ yé nyɔn wo a yka ɖɔ ǝku kpɔ gbǝɖǝ o . ⁵³ Un ci wu mi a dada Abraham kǝ ku va yi à o un nyi ǝnǝ à Enyɔnnuɖɛtɔ ɔ wo ca ku nǝ woŋta ǝlǝ kpɔ ɖǝkiwo mɔn man. ⁵⁴ Yésu ɖoŋun bǝ nǝ un lǝ do ɖǝkinyǝ dǝ jia tiy dodo ji à nyi gba lǝ tiŋ dada kǝ mi lǝ yɔ bǝ mi a Mawu à yé i lǝ doyun ɖǝji. ⁵⁵ Miŋun dǝsiɖɛ kpɔ o vɔ a nyan dǝsi nǝ un nu bǝ nyi ŋun dǝsia manyi viscotɔ sigbé mi a ca wo ǝnǝ ganké à un dǝsi i i un sc ɔ nɔn yé nyɔnɖɛ. ⁵⁶ Mi à dada Abraham kpǝ jijɔ kǝwo jiyun an kǝi kpɔɛ à ǝjijɔɛ. ⁵⁷ Yuɖatɔwo lǝ nu nǝ bǝ waŋun sc ɔ ǝsco hohaciwo haɖoo i ǝkpɔ Abraham à. ⁵⁸ Yésu ɖoŋun nǝ wo bǝ lǝ ǝnyɔn dodo mǝ lǝ ǝnyɔn dodomǝ un lǝ nu nǝ mi bǝ gbɔɔsco wo a ji braham nyan yun lɛ . ⁵⁹ Wo fɔ kpǝwo i lǝ scui vɔ à yésu si wla i do lǝ ǝɖǝsco sc ɔa mǝ.