¹ Lǝ ǝ̀nu ŋnànwò ŋ̀gbǝ̀ à yesu gbǝ̀ trɔ̀ dò nǝ̀ yé adǝkprɔviwò lǝ̀ tiberiade yé scù à tò i mikpɔ̀ sigbǝ̀ i lǝ̀ dò nǝ̀ wò à . ² Simon Petro kidé thomas kǝ wò lǝ̀ yɔ̀ bǝ̀ didyme wò lǝ dù ɖɛ Nathanael canatɔ̀ lǝ̀ Gallelia Zebédée yè viwò kidé yesu yé adǝkprɔvi àmǝ̀ bùwò. ³ Simon Petro lǝ̀ nù̀ nǝ̀ wò ̀ bǝ̀ ŋ̀ yikɔ̀ i kàa vɛ̀ lǝ̀ ǝhoé wò nù nǝ̀ bé mi à cà ̀ wò mi an yi kidé wò wò yi i wò ɖò tɔ̀ jihùn ɖǝkà mǝ̀ vɔ a lǝ ǝzàn mǝ seé à wò ŋlǝ̀ yɖǝ̀kɛn o. ⁴ Gàkǝ̀mǝ̀ ǝ̀y ké à yésu va lǝ à scù à tò ɖɛ vɔ a adǝkprɔvi à wò ŋnyàn bǝ̀ yésu i o . ⁵ Yesu nù nǝ̀ wò bǝ un ifia ɖǝkɛjɛ wò ŋɖǝwò lǝ mi an si nǝ mi àn dù à wò ɖoy nǝ̀ bǝ̀ ò o. ⁶ I nù nǝ wò bǝ̀ mi da mi an scurɛ scwɛ dǝ̀ tɔ̀ ji hùn àn yé ɖusimǝ̀ i mi àn kpɔ i kǝ wò dà scureɛ à jrɔ̀ à wò ŋ té ŋ lǝ̀ dɔ̀n ɛ̀n o ɖo bǝ̀ ǝhoé kǝ lǝ̀ mǝ wò ̀ sùgbɔ̀ . ⁷ Zǝɖǝka adǝkprɔvi kǝ yésu rɔ̀n nɔ̀n àn nù nǝ̀ Petro bǝ̀ Ascotɔ̀ i gakǝ̀mǝ̀ simon Petro sǝ̀ bǝ̀ ascòtɔ̀ i à ǝcɔ yé wù dò ɖò bǝ̀ ǝɖǝ̀ awù ɖɛ̀ i i zojǝ̀ ascù mǝ̀ . ⁸ Adǝkprɔvi kpɔ̀tià wò và ɖò tɔ̀jihùm à mǝ̀ ɖò bǝ̀ wò ŋ̀ diỳdi lǝ ǝ̀tɔ̀ à tò à. ⁹ Gàkǝ́mǝ̀ wò ɖi dǝ̀ ànyi gbàn mǝ̀ àn wò kpɔ̀ i wò bɔ̀ à kà zò dé lǝynàn ɖɛ i ǝhoe kidé kpɔ̀nɔn lǝ̀ji . ¹⁰ Yésu nù nǝ̀ wò bǝ̀ mi cɔ̀ ǝhoé kǝ̀ nù lǝ̀ à ɖowò và. ¹¹ Simon Petro ɖò tɔ̀ jihùn à mǝ i dɔ̀n scùrɛ kǝ̀ mǝ̀ ǝhoé gánygàn kàvetàkpo kidé hòhàciwò citɔ̀ dǝ̀ ànyigbàn mǝ̀ togbɔ̀ bǝ̀ ǝhoé à wò sù̀gbɔ̀ à scùwɛ ŋ grɛn o. ¹² Yésu nù nǝ wò bǝ̀ mi và dù nù adekprɔvi à wò dòmǝ̀ tɔ̀ ɖǝkɛn ŋ dò̀ ji i biɛ sǝ̀ bǝ̀ Mɛ̀ i nyi o E lǝ̀ nyàn nyàn mǝ̀ nǝ̀ wó bǝ̀ ascòtɔ̀ i. ¹³ Yésu và i cɔ̀ kpɔ̀nɔ̀n i sǝ nàn wò kidé ǝhoé ca. ¹⁴ Ynàn i lǝ̀ nyi zǝ̀tɔ̀̀n à tɔ̀ kǝ̀ yésu lǝ̀ ɖǝ̀ ɖǝ̀ki à disà nǝ̀ adǝkprɔ vià wò cò gàkǝ̀mǝ̀ i fɔ̀̀n co amǝ̀ kù kùwò dòmǝ . ¹⁵ Kǝwò dù nù à jrɔ̀ yesu nù nǝ̀ simon Petro bǝ̀ simon yohanes yé vi ǝ̀rɔ̀n ŋ wù sigbǝ̀ àmǝ̀ kpɔ̀tià wò rɔ̀n ŋ ǝ̀nǝ̀ àn Petro nù nǝ̀ bǝ̀ ɛɛn ascòtɔ̀ ǝ̀nyan bǝ̀ ŋ rɔn wòé yesu nù nǝ bǝ̀ nan ŋdùdù tiy alɛngbɔ̀vi. ¹⁶ I i gbǝ̀trɔ̀ lǝ biɔɛ sǝ̀ zǝvǝàtɔ̀ bǝ̀ simon yohanes yé vi ǝ̀ rɔ̀n un àn Petro nù nɛ̀ bǝ̀ ɛɛn ascòtɔ̀ ǝnyàn bǝ un rɔ̀n woé yésu nù nǝ̀ bǝ̀ lǝ̀ bǝ̀ nǝ̀ tiy un alɛngbɔ̀ wò. ¹⁷ I gbǝ̀trɔ̀ biɔɛ̀ sǝ̀ zǝtɔ̀n à tɔ̀ bǝ̀ simon yohanes yé vi ǝ̀ rɔ̀n kǝ̀ ̀ yesu biɔɛ̀ sǝ̀ kǝ̀kǝ̀ zǝtɔ̀n àn ǝ̀ rɔ̀n ŋ àn i nù nǝ̀ bǝ̀ ̀ ascòtò ǝnyàn ǝnù ŋnàn wò sǝǝ̀ ǝnyàn bǝ̀ ŋ rɔ̀n wò̀ yésu nù nǝ̀ bǝ̀ Nàn ŋ̀dùdù tiy alɛngbɔ̀wó. ¹⁸ Lǝ adòmǝ̀ lǝ̀ àdódómǝ lǝ̀ ádòdò mǝ̀ ŋ lǝ̀ nù nǝ̀ wo bǝ̀ gàkǝ̀mǝ̀ ǝ̀lǝ̀ ɖǝkɛ̀ jɛ ɛ mǝ̀ àn ǝcɔ̀ nǝ̀ tɔ̀ wù dó i ǝyi nǝ̀ lǝfi jrò wò à vɔ a nǝ̀ ǝ̀và kpò à vrù tɔ̀ lɔ̀wò i amǝ̀ bù là dò awù nǝ̀ wò i kprɔɔ wò yi lǝ̀ fi jroé a. ¹⁹ Yesu lǝ nù ǝnǝ̀ i lǝ̀ sǝ̀ jrǝ̀ ǝ̀ku kǝ̀ Petro là kù i adò Mawu dǝji à kǝ i nù ǝnǝ̀ ̀ jrɔ̀ à i nù nǝ̀ Petro bǝ̀ kprɔ̀ un dò. ²⁰ Petro trɔ̀ kpɔ̀ i kpɔ adǝkprɔvi kǝ yesu rɔ̀n nɔ̀n àn cà kprɔ̀ wò dò gbɔnɔ̀n Amǝ kǝ kpravi kɔ̀mǝ nǝ̀ yesu gakǝmǝ̀ wò lǝ̀ dùnù i i nù bǝ́ Ascotɔ mɛ nyi amǝ̀̀ kǝ kaà sàwò à. ²¹ Petro kpɔɛ̀ i nù nǝ̀ yesu bǝ ascotɔ̀ nù kéi amǝ̀ ŋnàn kàvà wɔ̀. ²² Yésu nu nǝ̀ bǝ̀ nǝ̀ ŋ ji bǝ̀ nàn nɔ̀n àgbǝ kǝkǝ gakǝ̀mǝ màn gbǝ̀ trɔ̀ và ɖǝ̀ kǝǝ kànwò lǝ̀mǝ̀ kprɔ̀ ŋ dò. ²³ I vɔa ǝ̀nyɔ̀n ŋnan kàkà dǝ nɔ̀nviwò mǝ bǝ̀ adǝkprɔɔvi ŋkaà kù o Gaynàn mǝ̀ àn yesu ŋ nù nǝ̀ Petro bǝ adǝkprvi ŋnàn ŋkaà kù o vɔ a nǝ ŋ jibǝ̀ nàn nɔ̀n agbǝ kǝ̀kǝ̀ mǝ̀ gakǝ̀mǝ̀ maàn trɔ̀ và ɖé kéé kàn wó lǝmǝ̀. ²⁴ Adǝkprɔvi ŋnan kǝ i ɖiɖasǝ lǝ ǝnuwo ŋ i mi nyán bǝ̀ yée ɖasǝɖiɖi nyi adòdò. ²⁵ Enù bùwò sùgbɔ̀ cà lɛ̀ kǝ yésu wɔ̀ nǝ̀ wò bǝ̀ wó à ŋrɔ̀n ǝ̀nù ynàn wò sée à weman kǝ wò à yrɔ̀n àn wò ̀à ykà tǝ ŋ nɔ̀̀n sciscǝamǝ́ o.