¹ Kǝ yésu nu ǝnyɔn ŋnan wo séé vɔ a ǝkɔta yi jiŋkori i nu bǝ dada gamǝ an sun cɔ . ² Tututu sigbǝ ǝnǝ ysɛn dǝ untiran ɖǝsiaɖǝji bǝ nan nan agbǝ mavɔ amǝ kǝ wo ǝcɔ nǝ an. ³ Agbǝmavɔ yé i a nan bǝ wo a dǝsi ǝwo Mawu ɖǝka tɔtɔ kidé amǝ kǝ ǝdɔɖiɖa a yésu kristo. ⁴ Un do wo dǝji lǝ anyi gban ji i un wɔ i un wɔ ǝdɔ kǝ ǝɖo un an wo. ⁵ Co ǝgbaji a dada cɔy dǝji lǝ wo yta gbɔ lǝ dodo ɖǝji kǝ un scɔ lǝ gbɔwo gbɔsco ǝciscǝamǝ nan va jɔ. ⁶ Un nan i amǝ kǝ ǝnan un an wo séé lǝ sciscǝamǝ an dǝsi tɔ ykɔ i wo nyitɔ wo i ǝ cɔ wo un i wo scɔ tɔ nyɔn wo . ⁷ I wo nyan un ifia bǝ ǝnu kǝ un lǝ wɔ ɔ a wo a co ǝgbɔwo . ⁸ Do bǝ ǝnyɔn kǝ ǝcɔ un an ye i y cɔ nǝ wo wo scɔɛ i wo kadǝ ji lǝ adodo mǝ bǝ y co ǝgbɔwo i ǝwo i cɔ y ɖiɖa . ⁹ Un lǝ dogbǝɖa dǝ wo ta nyi un lǝ dogbǝ ɖɖa dǝ sciscǝamǝ ta o vɔ ɔa dǝ amǝ kǝ ǝcɔ un ann wo i ɖo bǝ wo nyi tɔwo. ¹⁰ Amǝ kǝ nyi tiyun wo a ǝ nyi wo ca tɔ i amǝ kǝ nyi tɔ wo a nyi un ca tɔ i un lǝ do ɖǝki nyǝ dǝji . ¹¹ Nyi un gbǝ un gbǝ lǝ sciscǝamǝ o wa wo lǝ sciscǝamǝ i un gbɔnɔn ǝgbɔwo dada kɔ kɔ kprɔɔwo lǝ tiy kɔ mǝ ykɔ kǝ ǝnan an cagbǝtɔ nǝ wa zun ɖǝka tututu sigbǝ ǝwo kidé ǝnyǝ mi nyi ɖǝka . ¹² Gakǝmǝ un lɛ kidé wo a un lǝ kprɔ wo lǝ tɔ ykɔ kǝ ǝnan an mǝ un lǝ kprɔ wo i amǝ ɖǝkɛn ybu lǝ wo mǝ o nǝ gbǝ ǝvi kpoto a cagbǝtɔ ǝnu rɔn rɔn ɖɛ a wo nan va mǝ . ¹³ Un ifia à un gbɔ nɔn ǝgbɔwo vɔ a un nu ǝnuynan wo nǝ wo lǝ sciscǝamǝ cagbǝtɔ wa kpɔ jijɔ fɛɛ lǝ ǝnu nyǝ. ¹⁴ Un sconu nǝ wo i sciscǝamǝ lǝkǝwo ǝnukǝdɔa woy gbǝ nyi esciscǝamǝtɔ tututu sigbǝ un ca nyi un gbǝ nyi sciscǝamǝ tɔ ǝnǝ o. ¹⁵ Nyi un lǝ ji bǝ man ɖǝ wo do lǝ sciscǝamǝ o vɔ a nǝ an tǝ un kpɔ wo ta lǝ amǝ vɔɛ wo simǝ. ¹⁶ Tututu sigbǝ nyi un gbǝ lǝ sciscǝamǝ an wa wo ca un gbǝ lǝ sciscǝamǝ o. ¹⁷ Wɔ wo kɔ kɔ lǝ a dodomǝ ɖo bǝ tɔ nyɔn nyi adodo. ¹⁸ Tutu sigbǝ ǝdɔ un ɖiɖa sciscǝamǝ i un ca un dɔ wo ɖiɖa. ¹⁹ Un cɔɛ dǝ ɖǝkinyǝ ɍ ji cagbǝ wo tɔ ǝɍnuytia nǝ wo ca wa cɔɛ dǝ wo ɖǝ kiwo ji lǝ adodomǝ . ²⁰ Nyi un lǝ dogbǝɖa dǝ wo ɖǝkɛn ji o vɔ a dǝ amǝ kǝ la kadǝ ǝjinyǝ to wo nu sco mǝ ta cagbǝtɔ wo a nyi ɖǝka tututu sigbǝ ǝwo dada ǝnyitiyun i un ca tɔ wo ǝnǝ. ²¹ Un lǝ dogbǝɖa bǝ wo ca a nɔn mi an mǝ nǝ sciscǝamǝ nan kadǝ bǝ ǝdɔ un ɖiɖa . ²² Un nan wo dodoɖǝji kǝ ǝnan an nǝ wo a zun ɖǝka tutu sigbǝ ǝwo kidé ǝnyǝ mi nyi ɖǝka . ²³ Nyan lǝ wo mǝ i ǝwo ǝlǝ mǝ nyǝ ǝnukǝyti a nǝ wa zun ǝnu blibo ɖǝka nǝ sciscǝamǝ nan nyan bǝ ǝdɔ un ɖiɖa i ǝ rɔn wo sigbǝ ǝrɔn un ǝnǝ. ²⁴ Dada amǝ kǝ ǝnan an wo a un ji bǝ wo ca wo a nɔn lǝ fi un lǝ à nǝ wa tǝ un kpɔ tiy dododǝji kǝ ǝ nan an ɖobǝ ǝ rɔn un gbɔsco wa ɖo sciscǝamǝ anyi . ²⁵ Dada tututu sciscǝamǝ ydǝsiwo o vɔ a nyan un dǝsiwo i wo ca wo nyan bǝ ǝɖɔ un ɖiɖa. ²⁶ Un nan i wo dǝsi tɔ ykɔ i man gbǝ trɔ wɔɛ kǝ nǝ rɔn rɔn kǝ ǝɖo un an nn sun wo si nǝ man nyi.