¹ Yakubu, Mawu ye dɔwɔtɔ kide Yesu Kristo mian xɔnamǝtɔ, ne ǝhin na wuive kǝ káká dɛ a. ² Mi cɔwo sigbǝ ayetitɛ nu ǝne, nɔnvinye wó ne mi le tó veve sese vóvó vowomǝ. ³ Mi nya bǝ mia tetekpɔwo mǝ tótó ana bǝ mia rikǝ. ⁴ Ǝkǝ riri ná wɔ Mawu dɔ, ne mian ci, í mian nyi bribi ne ǝnu dekin ŋka hian mi o. ⁵ Ʋɔa ne amǝde le mianǝ í hian enu nyan an, na biɔ Mawu, amǝke wɔ ne nu kide ǝji faã ke nuxó ma nɔn ŋuntɔ ana amǝsiamǝ ke biɔne an. ⁶ Ʋɔa na biɔ jixɔsǝ, kide kankan déjí. Ɗo amǝsiamǝ ké ejí xó né ne an wɔdɛ sigbe ahú ye hoo wɔwɔ ké aya hunhunǝnǝ. ⁷ Ɗo amǝ na mɔnki ŋka bui bǝ ye nɔtǝ kpɔ ǝnude le Mawu gbɔ o. ⁸ Amǝ na mɔnki ǝduneji le nu wɔwɔwo mǝ o. ⁹ Ŋe nɔvi yamɔnɔn na wɔ akɔ bǝ Mawu cɔ ye deji, ¹⁰ vɔa xótɔnɔn na bubɔ dekia ɗe anyigban mǝ, do avayi sigbe ese xóxó le ǝgbǝ mǝ ene. ¹¹ Ɗo ŋudɔn done kide zózó xuu et xúne ǝgbǝ. Ese xóxó kide ye nyɔn nyɔn dan né hɛn né ne ke ran mǝ la kú xótɔnɔn lǝ ye mɔn zɔnzɔn mǝ. ¹² Ǝji na jɔ amǝ ke le to tetǝkpɔ mǝ, do ne í do le mǝ an axɔ jidudu ye fiɔku ku, ke ye zé Mawu ɗédɛ ne a wo. ¹³ Amǝde ǝka nu le tǝtǝkpɔwo mǝ bǝ:"Bǝ Mawu í le teŋ kpɔ o." do enu vɔɛn ǝtenǝ Mawu kpɔ o í ye ca un tǝ ne amǝ de kpɔ o. ¹⁴ Ʋɔa amesiamǝ ye tǝtǝkpɔ co ne ye ŋta jojró vɔɛnwo gbɔ. Ɨ ne jójró vɔɛn va a áji nuvɔɛn. ¹⁵ Ɨ ne ǝnuvɔɛn an cian, ehɛn ne ǝku va. ¹⁶ Wo ŋka brǝmi o, nɔvinyin rɔnrɔntɔ wo. ¹⁷ Enu nana nyɔngbi kide enu nana dodo có nè jiŋkori. Ɨ ɗi ne có keklɛn Mawu gbɔ. Le ye ŋkɔ mǝ an dɔri dóri nɔn mi zubru ǝlɛ o cagbe ne wo ŋka trɔ le ye yómǝ tɔ. ¹⁸ Mawu ji bǝ ye ajimi to enyɔn dódó mǝ, cagbǝ ne mia teŋun nyi ǝku cɛncɛn ne ye nu wɔwɔ wo. ¹⁹ Mi nya nú la nɔvinye rɔnrɔntɔwo amǝsiamǝ kabawo í ŋka wɔ xomǝfiɛn ca kaba o. ²⁰ Ɗo amǝgbǝtɔ ye xómǝfiɛn ǝjɔ le Mawu ye kójó dódó mǝ o. ²¹ Mi cɔ eɗu xóxó ɗesiaɗe dankpiŋ í gbe enu báda bada sugbɔ wɔwɔ. Lǝ dekí bubɔ mǝ, mi xɔ Mawu nyɔn ke la teŋun ɗe mian kpɔriwo. ²² Mi do lanyi Mawu nyɔn ji wɔtɔwo, mi ka nyi ye setɔwo dede í le ble mia dekiwó o. ²³ Ɗo ne amǝde nyi Mawu nyɔn setɔ dede í ǝnyi yejí wɔtɔa, wɔ dǝ sigbǝ amǝke le kpɔ dekia le mǝ kpɔri mǝ ǝne. ²⁴ Ǝkpɔ ne dekia í na có í na ŋrɔnbǝ ǝnu ke í́dia. ²⁵ Ʋɔa amǝke le kpɔ ǝséa le vovomǝ, í kpɔtɔ í le wɔ dǝjí, sigbe amǝkǝ senè nyɔn í wɔ deji a wa ɗe acɛ ye nu wɔwɔwo ji. ²⁶ Ʋɔa ne amǝdǝ bubǝ ye nyi xɔsetɔ í lè lé ye ɗǝa, ǝle brǝ dekia kide ye xɔse hà. ²⁷ Sɛnsɛn ha nyɔngbi le mian Mawu etɔ gbɔ inyi bǝ, nakpeɗe nɔnjrɔviwo, kpɔsun wo ŋun le wo yaɗuɗu mǝ ne ányi amǝ nyɔngbi le xixéamǝ.