¹ Nɔnvinyɛnwo nɛn mia domɛntɔ ɖǝkà ɖǝ́ và doa ǝ̀sǝ̀ jiá miawo kǝ Mawu gbɔngbɔn lǝ kprɔa mia jɔɛ i mia kpɔ yǝ̀ gbɔ mianŋtawó miŋká nɔn tǝ́kpɔ o. ² Amɛn siá mɛn nàn dró́ yǝ̀ nɔnviá gban bǝ nɛn mia wɔ kristo yǝ dǝ̀wó ji. ³ Ɖóá nɛn amɛnɖǝ̀ lǝ bu yǝ ɖǝki bǝ yǝ nyi ǝnuɖǝ́ vɔ̀à ŋ nyi ǝ̀nù ɖǝ̀kin ánɔ ǝ̀ fru yǝ̀ ɖǝ̀ki. ⁴ Amɛn siá mɛn nan kpɔ yǝ̀ dɔ wɔwɔ mɛn ninan mɛn i a tǝŋ kpɔ ǝnu kǝ átǝŋ sǝdo ɖǝ̀kiá dǝ ji. I ŋka gbǝ́ cɔ̀ yǝ̀ ɖǝki sǝ sɔ kidǝ amɛn ɖǝ̀ ò. ⁵ Ɖóá amɛn siá mɛn lǝ̀ yǝ ŋta gbán cɔ̀ gbǝ̀ . ⁶ Amɛn kǝ̀ wó lǝ̀ kprá Mawu nyɔn an ɖolá cɔ̀ yǝ̀ nù nɔn amɛn si wó nan kidǝ̀ ǝ̀nukpratɔá. ⁷ Mi ŋka brǝ mia ɖǝki ó wó ŋ fru nɛn Mawu ó Ǝnu siá nu kǝ́ amɛn dóà yǝ̀ i hun nǝn. ⁸ Ɖóá amɛn kǝ dò ǝ̀nù lǝ̀ wŋùtiran mɛn. vɔ̀ amɛn kǝ̀ dó ǝnù lǝ gbɔngbɔn mɛn án akpɔ àgbǝ mávɔ́. ⁹ Ǝ́nú nyɔnŋgbi wɔwɔ ŋka tikɔ nɛn mi ó ɖoá gámɛn gbɔnɛn kǝ̀ wóátùfi nɛn miŋ gbɔjin yǝ̀ wɔwɔ ò. ¹⁰ Lǝ̀ hinan táá nɛ̀n mido mɔnnukpɔkpɔ lǝ̀ mia siá miwo ǝ̀nù nỳnŋgbi nɛn amɛn sia mɛɛn vǝvǝ vɔa nɛn amɛn kǝ xɔ ɔ kristo ji sǝa . ¹¹ Mikpɔ woéma ganŋganwó kǝ̀ ŋ ŋrɔn kidǝ̀ tiŋ lɔ i sǝ̀ ɖiɖa mi. ¹² Amɛn kǝ ji bǝ yǝwóà jǝ amǝngbǝ̀tɔwo nan wò i lǝ dò aya nɛn mi bǝ amɛnwó ŋka coɖǝ woŋ lǝ̀ kristo yǝ aticógaá ta ò. ¹³ Ɖóá amɛn kǝ̀ có vowo cá lǝ̀ dá lǝ̀ sǝ̀áwo ji vɔ̀ wèlǝ̀ ji bǝ̀ wóácó vo nɛn mi nɛ́n wóá káfú wó bǝ̀ wò nan mi bubɔ ɖǝ̀ wò sǝwò ji. ¹⁴ Ŋkaá va mɛn bǝ mádó ɖǝ̀kinyɛn dǝ̀ ǝ̀ji lǝ̀ ǝ̀nù ɖǝ̀kin mɛn ò nɛ́nn ŋnyi lǝ̀ miaxotɔ yesu kristo nyǝ aticóga ŋ ó́. có yǝmɛen i wókran xixǝ́amɛn ɖǝ aticógan ŋ i có yǝmɛn kǝ i wò kran xixǝ̀amɛn ɖǝ̀ aticógan ŋ i có yǝ̀mɛn kǝ i wó kran ŋ ɖǝ aticòga ŋ nɛ́n xixǝamɛn. ¹⁵ Ǝ́nú kǝ̀ nian ŋnyi wóácó àlò woŋ kacó ǝvó nɛ́n amɛnɖǝ ó vɔ́á amɛnyǝ̀yǝ̀ kǝ̀ ǝ̀trɔ̀zún an yǝ̀ i lǝ̀ vǝ̀vǝ̀ɖǝ̀. ¹⁶ Mawu yǝ̀ ámɛ́nnuvǝ̀vǝ̀ kidǝ yǝŋtikɔkɔ nan nɔn Israël kidǝ amǝnsiamɛn kǝ̀ lá nɔn àgbǝ lǝ̀ ǝ̀sǝ̀a nu. ¹⁷ Có tfiaá , amɛnɖǝkin ŋka gbǝ́ dó aya ŋó, ɖòà Yesu yǝ gaci lǝ gòtoŋ. ¹⁸ Nɔnviwò miàxotɔ yesu kristo návǝ́ mia gbɔngbɔn nu nácɛ.