ATCHAMADO_BEN-aug_gal_text

Eta 4

¹ Kpɔ nǝ ǝcinɔn ɖutɔà nyi dǝùá ŋtóvo nǝ amǝ xǝ̀xrǝ̀o. Ǝtǝŋú nyi ǝnuan wo séetɔ. ² A lǝ ǝnúánwo jilcpɔtɔwo gɔmǝ dɛ kǝkǝ va yǝ dádá á gamǝ kǝ i dò á. ³ Nǝnǝ kǝ kǝ mian cáo mi lǝ dǝvimǝan, mi lǝ scixǝmǝ nuwo gɔmǝ. ⁴ Vɔá kǝ gamǝán sùn an Mawu Ɖo ǝvia dódá ǝvi kǝ ɍ wo ji lǝ ǝsǝ̀amǝ, tó nyɔnrù ji. ⁵ Ǝ wɔnǝ i sǝŋú xɔ amǝkǝ ǝsǝà xó ɖɛawo nǝ wà jǝ agbá́gba ixɔ mǝ sigbǝ ǝvi ǝnǝ. ⁶ Cágbǝtɔ kǝ mi nyi ǝviá Mawu dɔ ǝviá yǝ gbɔgbɔn dǝ mian jiwo mǝ gbɔngbɔn dǝ mian jiwo mǝ gbɔngbɔn kǝ danǝ áxá bǝ. << Ábá dádá>> ⁷ Cágbǝ nàn tɔ̀a mi ŋgbǝnyi amǝ xéxrǝ o vɔ̀á́ ǝvi, i nǝɍ mi nyi ǝviá mi nyi cinɔn dutɔ̀ tó Mawu ji: ⁸ Ɖǝcá kǝ mi ŋdǝsi Mawu àà , mi nyi amǝxǝxrǝwo nǝ xixǝ̀amǝtɔwo Mawuwo. ⁹ Vɔà ifia kǝ mi ɖǝsi Mawu i yǝ cà dǝsi mián , ŋù kǝ ijɔ i mi gbǝ trɔ lǝ̀ kpɔ ǝnú ɖǝcá tɔwó gbɔ mi gbǝ ji bǝ yǝwo agbǝ trɔ zú́n amǝxǝxrǝà? ¹⁰ Mi lǝ kpɔ nkǝkǝwo wrǝti yéyéwo gá mǝánwo, kiɖǝ ǝxò wò. ¹¹ Ún lǝ vɔnvɔn bǝ ǝdɔ kǝ ún wɔ kiɖǝ mi ŋcava nyi ǝdɔ gbalǝ̀ o. ¹² Ún dǝ kúkú nǝ mi bǝ mian trɔ sigbǝ ǝnye ǝnǝ dó nyecá ŋtrɔ sigbǝ miáwo ǝnǝ mi ŋwɔ núvɔɛn ɖǝkɛnŋù o. ¹³ Vɔà mi nyán bǝ kǝ̀lǝ̀ kǝ̀lǝ̀tɔ kǝ ún nú Mawu nyɔn nǝ mian, ún niú lǝ ŋùtirán mǝ. ¹⁴ Tiŋ nɔnɔmǝ wɔ dɛ nǝ gbɔxó́ mi ŋunyan ún o vɔá mi xɔ̀ ún sǝgbǝ Mawu ŋǝdótɔ ǝnǝ sigbǝ Yésu kristo ŋtá ǝnǝ. ¹⁵ Fii mían yáyrá lǝ̀ ? Do màn tǝŋù núí nǝ bǝ , un kpɔ bǝ nǝ wà tǝŋ̀ dǝ̀à , mían dǝ̀ mian ŋkuvi ún jró́. ¹⁶ Í fiá ŋù trɔ zùn mian kǝ̀tɔ cágbǝ ǝnyɔn dódó kǝ únlǝ nú nǝ miantɔ̀. ¹⁷ Amǝ sùgbɔ rɔn nǝ mian nyɔn gbɔ vɔá, wo ŋùjinǝ nyɔɛ̀n nǝ mio. wó́ ji bǝ yǝwo ányàn mi lǝ tiŋ yómǝ nǝ mian kprɔwo dó. ¹⁸ Ǝnyɔn bǝ mían jiun nàn lǝ kprɔ ǝnyɔnɖóɖó ́ dó í ŋú nyi bǝ nǝ ùn lǝ mian gbɔɖɛ dǝdǝ i o nǝ ún có cá. ¹⁹ Tiŋ tɔgbi yɔviwo ún kpɔtɔ i lǝ sǝ ǝvijiji yǝ vǝvǝ nǝ mi kǝkǝ i lá sŋú vá gákǝmǝ kristo lá domian mǝ an. ²⁰ Mán jibǝ màn nɔn miangbɔ ifiá i dɔiigbǝ dó tiŋ nyɔwo cácá mi ɖɛ. ²¹ Mi nú ún mianwo kǝ lǝ ji bǝ yǝmà kprɔ ǝsǝ̀ádóa mi nysǝ ǝnyɔnɔ kǝ ǝsǝ̀anú àn? ²² Ɖò wo wrɛndɛ bǝ Abraham jivi amǝvǝ Ɖǝká lǝ nyɔrùn xǝxrǝǝxodó mǝ i vǝátɔ lǝ nyɔ run cǝ vodɛɛ ǝxodòmǝ. ²³ Lénan wo sǝmǝ àn ǝvi kǝ nyɔrún xǝxrǝà jià, ǝji lǝ ŋtiranmǝ vɔ nyɔrun vɔvoà ji yétɔ̀ tó ǝzǝ̀ dǝ̀dǝ̀ji. ²⁴ Wa tǝŋù dǝ ǝnù nàn wo gɔmǝ tóvó-vóvó́ Ɖo nyɔrùn amǝvǝ nanwó wɔdɛ sigbǝ ǝká dódó amǝ vǝ ǝnǝ dǝkà có sinaí tóji i ji amǝxǝxrǝ viwo yǝ wo lǝ yɔ bǝ Àgar. ²⁵ Ifíáá Agar í nyí sínaí tó lǝ Arobia yǝ dǝnǝ yerusalɛn disá Ɖo yǝ kiɖǝ ǝviawo lǝ amǝxǝxrǝ ǝgbaji. ²⁶ Vɔá Yérusalem kǝ lǝ̀ jia vódɛ̀ yǝ inyi mian nànnàn. ²⁷ Do wo wrɛndɛ bǝ << Nyɔrún ǝkónɔn, konù ǝwò kǝ ŋuwɔvidɛao. << kpɔ jijɔ ǝwò kǝ ŋù sǝ̀ vǝvǝ nǝ ǝvi jijaawo. Do ǝvi kǝ wó gbǝ wo nàn nàn wo sùgbɔdɛ wú nyɔrù kǝ wɔ acúdɛ ǝviwo>> ²⁸ Ifi nú nɔviwo sigbǝ Isaak ǝnǝ mi nyi ǝ́zǝ́ɖǝ̀ɖǝ̀viwo. ²⁹ Gànnanmǝ amǝ kǝ ko ji lǝ ŋutiran mǝawoá nyi nǝ mɔnku nú nǝ amǝ kǝ wó ji lǝ gbɔngbɔn mǝ à wo Ǝgbɔ wɔɖɛ ǝnǝ ǝgbá. ³⁰ Nu kǝi wrɔnwrɔnan wo nú << Nyàn nyɔrùn amǝxexrǝà ŋká dú cinɔn kidǝ nyɔiùn kǝ vodɛá́ ǝvi o.>> ³¹ Yǝ i dɔà nɔnviwo miànwo mi ŋùnyi nyɔnrun amǝxǝxrǝ ǝvio vɔà nyɔrun vó́vótɔàǝvi.