¹ Ǝto amǝwuinǝ ŋgbǝà ŋgbǝ trɔ yi Jerusalɛmù kidé Barnabasi, í Barnabasi kprɔ̀ titi. ² Gbɔngbɔn ɖǝ ka í vá ji nye i ŋsǝ̀ yi Jerusalɛmu an. i ŋcɔ̀ Mawu nyɔn wòǝ̀ má kǝ̀ mǝ ŋlǝ kaká ǝnyɔn wó lǝ̀ à i sǝŋ disá nǝ vòdù sǝn tɔ̀ kǝ wò lǝ mí án mǝ an wó ́ ŋlǝ nu Mawu nyɔn kǝlǝkǝlǝ nǝ amǝ kǝ wò lǝ dó vǝvǝ aa cagbǝ nǝ ŋká nyin bǝ mí vá dua mǝ gbalǝ o. ³ Vɔa títí, kǝ nyin grɛ́kia, i lǝ mian mǝ wó ŋzin dǝ ji bǝ nan covo o. ⁴ Í í nan, mí án nɔnvi amǝ vɔ̀nɛn wó ́ dó mi an mǝ nǝ sǝ ì kpɔ̀ vovo kǝ lǝ mí an tó yesu kristo ji á wó jí bǝ mían nyin amǝxǝxrǝ̀ nǝ Mawu yé sǝ̀. ⁵ Mi ŋ̀ nán wó ǝmɔ̀n nu huɛɖǝ̀kà, cagbǝ̀ nǝ wò ŋka ɖɔ ri Mawu yé nyɔn o. ⁶ Amǝ kǝ wó amǝ wó lǝ̀ yɔ̀ bǝ ŋkɔnɔtɔ̀ à wó ŋcɔ̀ enu ɖǝkɛn va un o. ŋnú kǝ̀ wò nyin an ɖǝ ŋ́kán un u. Mawu ŋeán amǝɖǝ dǝ̀ vo o. ⁷ Wò và ɖǝ̀jǝsi bǝ ŋvá nǝ ma nù Mawu yé nyɔn nǝ amǝ kǝ wó́ co vó á wó́ o nǝnǝ̀ kǝ̀ Pǝ̀trò cá lǝ xonu, lǝ nu Mawu yé nyɔɔn nǝ amǝ kǝ còvo a wó cáá aa nǝ. ⁸ Ɖó Mawu kǝ lǝ wɔdɔ̀ nǝ Pǝ̀tro lǝ̀ ǝvó có tɔ̀ wò mǝ an, kǝ í lǝ wɔdɔ̀ nǝ nyǝ cá lǝ vódu sǝn tɔ wo mǝ. ⁹ Kǝ wó vá kpɔ́ Mawuyémǝ nuvǝvǝ̀ kǝ Mawu nan ŋ an, Jakɔ̀bù, Pǝ̀trò kiɖǝ Jaana kǝ wò kpɔ̀ wó dǝ̀ki wò bǝ̀ yé wó í nyin afɔɖó kpǝ̀ áá, va nan ɖusi lɔ nyǝ kiɖǝ Barnabasì̀ ì sǝŋ dò jǝ̀si ǝdɔ̀ kǝ mi lǝ wɔ̀ á a, nǝ mi an gbǝ yiji kiɖǝ vódu sǝn tɔ̀ wò nǝ yé wó cá yé wó á yiji kiɖǝ amǝ kǝ còvo á wó. ¹⁰ Wó lǝ bíɔ́ có́ mían gbɔ̀ bǝ̀ mi an ɖóŋ áyádúvíó́ wó́ nyɔn an nyin ǝnu kǝ lǝ tamǝ ŋan . ¹¹ Kǝ cǝ̀phasi va Antioche, ŋco dǝŋ cagbǝ yé nyɔn ŋnyɔ o. ¹² Kǝkǝ̀ nǝ Jakɔɔbú yé mǝ ɖɔ dɔ̀ wó́ nán váá, Pǝ́trò ya lǝ ɖunù kiɖǝ̀ vòdú sǝn tɔ̀ wò. vɔ a kǝ amǝ an wò váá wo ́ nɔn àzɔ̀gǝ̀ vódú sǝn tɔ̀ wò kiɖǝ̀ vɔnvɔn bǝ wó́ covo. ¹³ Í Juifù tɔ̀ kpɔ̀ tíá wó wɔ́ ayǝmǝ nú í v ɛ tu cǝ̀fásì, kidǝ̀ sùsù bǝ Barnabasi cà nan wɔ̀ . ¹⁴ Kǝ ŋvá dǝjǝsi wò ŋgbǝ lǝ kpɔ Mawu nyɔn dó́ aá, ŋ nu nǝ cǝfasi lǝ wo ŋkɔ bǝ:<< Nǝ ǝwo kǝ nyin Juifù, ǝ lǝ zàn vòdù sǝn tɔ̀ wò nɔnɔn mǝ íí lǝ nɔn sigbǝ Juifu ŋnǝ nǝ à tǝŋ zin dǝ̀ wò vó́dú sǝn tɔ̀ wò jí bǝ wó á nɔn agbǝ sigbǝ Juifù tɔ wó o nǝ? ¹⁵ Mian kǝ wò nyin Juifù vi jiji, í mi ŋ nyin vàdù sǝn tɔ wò ǝnuvɔɛn vyɔ tɔ̀ wò a à. ¹⁶ Mí nyan bǝ lǝ wɔ̀ dɔ có ǝsé wó ŋ o xɔ a cò yesu kistó ǝxɔsǝ ji, in nyin amǝ kǝ lǝ wɔ dɔ có́ ǝsé a wò ŋo; cagbǝ wò ŋka ɖo kojó kiɖǝ amǝ dǝ ǝsǝ à wó́ wɔwɔŋ o. ¹⁷ Vɔa kǝ mí lǝ jí Mawu bǝ nan kpɔ̀ míán nɔ̀nɔn mǝ le kristó mǝ an, mí vá lǝ kpɔ̀ bǝ̀ mí án tá wó wɔ̀tɔ̀ , yesu va nyin ǝnúvɔɛ̀n dɔ̀cɔ̀via? gbǝ̀ɖǝ! ¹⁸ Nɛ ŋgbǝ̀ trɔ̀ ǝsǝ̀a wò nɔnɔn mǝ nɔn mí ŋdǝta gù nǝ wo a , ŋ le kpɔ́ bǝ nyǝ ŋta cá ŋ́́dá lǝ sǝ à̀ jí́. ¹⁹ Ŋkú dǝ̀ ǝ̀sǝ̀à wó ́ta gbɔxo nǝ man tǝŋ̀ nɔ̀n agbǝ nǝɍ Mawu. ²⁰ Wó kanŋ dǝ aticogàŋ lǝ kristò mǝ . ŋgbǝ nyin ǝnyǝ í lagbǝ ɖɛ o, vɔ a kristo lǝ gbǝ lǝ́ ŋmǝ agbǝ kǝ mǝ ŋ lǝ ɖɛ lǝ tiŋ tiran mǝ , ŋ lǝ àgbǝ̀ lǝ Mawu ǝví yé xɔsǝ mǝ kǝ rɔ̀n tiŋ nyɔn gbɔ́́ i cɔ́ ɖǝ kia ŋ. ²¹ Mawu yé mǝnuvǝvǝ kǝŋ xɔ̀ a ŋ́ vǝ̀ŋo, cagbǝ nǝ nyɔ jɔjɔ lǝ kpɔ sǝ̀à ̀ , anyin bǝ kristo kú gbalǝ́.