ATCHAMADO_BEN-aug_eph_text

ƎTA 1

¹ Pɔ́lù Yèésù Kristò yǝ́ mǝdɔ́dɔ́ tó Mawu ǝ́rɔnrɔn mǝ nǝ́ amǝ kɔkɔɛ kǝlǝ ǝ̀fésò kídǝ́ nɔviwé lǝ Kristò yèésù mǝ. ² Mawu míán fofó kidǝ́ àxótó Yèésù Kristò yǝ́ mǝnú vǝ́vǝ́ kidé yeŋtifáfá ná nɔ kídǝ́ mi. ³ Wááyra Mawú, fofó kidǝ́ àxótó Yèésù Kristò kǝ yrami lǝ ǝmɔ́n dǝsíàdǝ jí lǝ gbɔ̀ngbɔ̀n mǝ lǝ toxó kǝlǝ nyi jiŋkorí lǝ Krístò gbɔ. ⁴ Mawú cán mí dǝ́ŋkɔ nǝ xíxéá mǝgɔmǝ dókpǝ́, nǝ míán nɔ kɔ̀kɔ̀ matrɔ́ matrɔ́ lǝ yǝ́ŋkuvimǝ. ⁵ Tó Yèésù Kristò jìá wócán mí dɛ́ xóxó tó yǝ́ rɔnrɔn mǝ bǝ míán nyí ǝ̀vìáwó tó ǝvì nyɛnyɛ mǝ tó yǝ́ŋtá jojró nyɔ̀ŋgbia ǝrɔnrɔn mǝ. ⁶ Tó kàfùkàfù váyi Mawu ǝ́kpǝkpǝmǝ kidǝ́ yǝ́ mǝnúvǝ́vǝ́ kǝ ì seŋ námi àfǝ́ àfǝ́ lǝ amǝ kǝ rɔn ɛamǝ. ⁷ Lǝ Yèé Krístò mǝ a wó túfǝn dǝ́ mián ta kidǝ́ Yèésù ǝhun tó́ núvɔ́n cɔcɔ́ kǝ mǝ tó àdɔ̀kù kǝlǝ nyí amǝnúvǝ́ámǝ. ⁸ Lǝ ŋunú nyányá kídǝ́ ǝnúgɔmǝsǝsǝ bnǝbú mǝa ǝ́cɔ́ amǝnú vǝvǝ kɔdǝ́ mian ji. ⁹ Mawú ǝ́tadójí nú kǝ nùrá dɛ́á i nyí yǝ́ rɔnrɔn nu kǝ jɔ̀jì nɛa ǝ́dǝǝdo tó Kristò Yèésù mǝ. ¹⁰ Yèésù ǝ̀dɔ́ ǝ́nyí dódó nǝ́ gàmǝ̀à ǝ́vɔvɔ, nǝ́ woatǝŋu bɔ ǝnúwo sééé ǝnúwó sééé lǝ jìŋkorí kidǝ anyigbà jí, lǝ Àxótó dǝ́ká, lǝ Kristo mǝ. ¹¹ Wó náŋkɔ́ mi bǝ́ cinɔdutɔ́ lǝ Kristò mǝ. Ǝ́wɔ dòdó la dɛ́ nǝmí xóxó lǝ amǝ kǝ wɔ nǝ nú dǝ̀siáàdǝ lǝ yǝ́ŋtá tadójí nú ǝ́rɔnrɔn mǝa. ¹² Mawú náŋkɔ́ mí bǝ cinɔ nǝ́ miátǝŋǝ á nyí amǝ kǝ́lǝ́kǝ́lǝ́ kǝ ákpɔ́ mɔkpɔ́kpɔ́ kidǝ kankan jí lǝ Kristò, yi miáteŋ nyi kàfù káfú nǝ́ yǝ́ kpǝkpǝ mǝ. ¹³ Lǝ Kristò mǝa miawó cá kǝ mi sǝ ǝnyɔ dodóá, ǝnyɔ nyuiǝ ǝ́dǝdǝ kpɔ́kpɔ́ yi mi xɔɛsǝ yi itrǝ́ ǝ́nu kídǝ́ gbɔ̀ngbɔ̀n kɔ̀kɔ̀ kǝ wó dó yǝŋgbǝ nǝ́ míá. ¹⁴ Gbɔ̀ngbɔ̀n kɔ̀kɔ̀ nyi kpǝ́dójínú nǝ́ miá cínɔ kǝ́kǝ́ rá ná gàkǝmǝ kǝ míálǝ́ mianu dǝ́ asi sééé lǝ yé kafukafu akpǝkpǝ mǝ. ¹⁵ Yé yi dɔ́ yí có kǝ́kǝ́ gàkǝmǝ kǝ ŋsǝ yi wó xonu có mian xɔse ŋu nǝ Àxótɔ́ Yèésù Kristò kidǝ́ rɔ̀nrɔn kǝ mi dó nǝ́ Mawú ǝ́dukɔ́n kɔ́kɔ́ á, ¹⁶ nyɛ̀gbǝ́ nǝ mi dɛ́ lǝ tiŋ́ dǝxo wó mǝ gbǝ̀dǝò ŋdá nǝ àkpǝ́ nǝ Mawu dǝ miata yi ŋcɔnǝ mi dǝ nǝ tiín dǝxowó mǝ. ¹⁷ Ŋlǝ xodǝ̀ be, Mawú mian xótɔ́ Yèésù Kristò tɔ, kpǝkpǝmǝ ǝ́ dadá, á ná ná mi ǝnúgɔmǝ sǝsǝ ǝ̀gbɔngbɔn kidǝ́ dǝ̀dǝ̀ dìsá lǝ ǝnú nyányá mǝ. ¹⁸ Ŋlǝ xodǝ̀ bǝ mián ji yǝ́ ŋkúviwó na lǝ kɔ nyɔ̀ɔ̀ŋbin nǝ́ mian tǝ́ŋú nyá mɔ́kpɔkpɔ́ kànkán déjí kǝta wóyɔ́mi dó kidǝ àdɔ̀kù kǝlǝ nyi yǝ kpǝkpǝmǝ ci nɔ lǝ Mawú kɔ̀kɔ̀ tɔ́ tǝ Mawú ǝdunɔ́n mǝ. ¹⁹ Yi lǝ tiín dǝxo wó mǝa ŋlǝ biɔ bǝ mian teŋnya Gànnyǝnyǝ kǝ jìjǝ nú ŋlǝ síà kidǝ́ yǝ ŋúsín lǝ mian wó kǝ xɔǝsǝ tó yǝ ŋúsín dɔ́ tó ŋúsín gánŋgán mǝ. ²⁰ Ŋúsin na tútútú yi Mawu zán lǝ Yèésù Kristò mǝ kǝ ìfɔ́n ɛn có amǝ kúkúwó domǝ yi ivɛ nɔ mawu ǝ́nú dusi mǝ́ lǝ jìŋkorí. ²¹ Ǝ́kanrɛn dǝ́ ta nǝ́ ǝdùkprɔ̀tɔ́ wó kidǝ́ amǝgán amǝgán wó ŋúsin kǝlǝ kpàcɛ wó kidǝ ŋkɔ́ nǝwó sǝ́ǝ́ǝ́ ŋyɔ́wó, Kristò kà vá dùfiɔ ŋnyí ŋfia dǝ̀dǝ̀yi ò. Ǝ́kavá dufiɔ lǝ gàmǝ̀ kǝ vá vááá ca. ²² Mawú cɔ́ ǝnúwó sééé dǝ Yèésù ǝfɔnu yi icɔ́ɛ́ isǝŋná Mawu ǝnamǝ sigbǝ ǝ̀fiɔ dǝ ǝnú dǝ̀síàdǝ jí. ²³ Mawú ǝhamǝ lǝ nyi yǝ́ ŋtiran kidǝ́ yǝ́ kǝ dɔ́nǝ ǝnúwo mǝ sééé á.