ATCHAMADO_BEN-aug_act_text

eTa 5

¹ Nucu ɖeka ke woɔnǝ be anania kiɖe asia safira wó sa anyigbã. ² Icɔ̀ ehoa ye kpáɖékàxò seŋwrà asia ca nya, i wòcɔ̀̀ kpɛtia seŋ va nǝ apostoloawò . ³ Pɔlu nu nǝ be: Arania, nǝ iwɔmɔ i satana xɔ tɔjimǝ sée keke be, ele xovi nǝ gbɔgbɔ kɔkɔa i cɔ anyigbãhoa ɖoò wra mà?. ⁴ Ke anyigbãa lɛɖɛa nyi tɔ wo ia ? i ke ecɔɛ raa ɖeé nyi tɔ ŋusɛn nu ia? nukey ɔ i ejrɔ susù ŋna de tɔ ɔ jimǝ kòo? inyi amewo i ebre o vɔ a mawri . ⁵ Ke anania seé enyɔ ilawoa égeji ye gbenu co. I vɔ̃vɔ̃ gãggã ɖeke ji amǝke se enyɔ̃awò . ⁶ Zeɖeka a ɖekǝ awò cò ijrɛdò i vɛ ɖii . ⁷ Ke iwɔ sigbe gaxoxo anǝtɔ ensa asia ke ŋsee enukejɔa oa va. ⁸ I Pɔlu kɛɛ se be: Axonɔ nuŋ nǝnsi misa anyi gbã ko? i yeca nu be: ɛn nǝnǝi mi sɛɛ nǝ. ⁹ I Pɔlu le kɛɛ see be ne iwǝmɔ i enusɔ nǝ mi enǝ keke i mi le te axotɔa ye gbɔgbɔa kpɔ ma ? kpɔ, amǝke ɖi acuwoawò igbɔnɔnǝ wàcɔ̀ wooà do. ¹⁰ Zedekaa egejɛn de ye fɔnu ɔiku. ke ɖekɛjɛauò vaa wokpɔ be eku i wò cɔɛ ivɛɖii de acua gbɔ. ¹¹ I vɔ̃vɔ̃ ji ehanǝ briboa kiɖe amǝke se enyɔawo see gãŋgã . ¹² I desi kiɖe enyiŋu sugbɔ jɔ to apostoloawò ji. I wò seé wòwɔ deka le salomo yé mawuxɔa m. ¹³ Amǝke kpɔtɔawoa deki indɔnǝji itenǝbɔwò o cagbenatɔ wò bunǝ wo keŋ ¹⁴ Amǝ sugbɔ hũ wà kpe wò amǝke xɔ axotɔa ji see ŋùcu kiɖe nyɔrun sugbɔ . ¹⁵ Kekei i wo kprɔ dɔ̃nɔ̃wò cawò va exɔamǝ icɔ wo mrɛn de kiɖe abatiwò ji cagbe nǝ Pɔlu gbɔnɔ̃ a, ye kpɔru na to dɔ̃nɔ̃̃awò ji. ¹⁶ Ameewo cò edu ke xixràdo yerusalemàwo mǝ i và bɔ̀ i wò cɔ dɔ̃nɔ̃ ̃ kiɖe amǝ ke gbɔ̃gbɔ̃ màkɔwò le ɖe fũ nɔ̃ a wò và i wò dadɔ nǝ wò seé. ¹⁷ Etatɔà kiɖe yeŋù mǝ kenyi zadukitɔawò hùà ŋù amǝ dɔ̀dɔ̀àwò. ¹⁸ Wo lǝ am̀dɔ awò i kprɔ̀wò yi édua ye gakpàmǝ. ¹⁹ Le ezàmǝ a axotɔ̀à ye ŋɛdòtɔ̀ ɖeka va hù hɔ̀à nǝ wò ikprɔ̀wò dò inù nǝ wò bǝ̀. ²⁰ Miyi Mawuxɔ̀amǝ nǝ̀ mià nù agbényɔ̀ ilà nǝ̀ àmǝ̀wò seé. ²¹ Ké amǝdɔ̀dɔ̀àwò sé ǝnǝ̀̀̀a wo yi ɖexoxɔ̀nǝ fɔ̀fɔ̀mǝ ikpranù amǝwo hòtɔ ke ǝtàtɔ̀a kiɖe yé ŋùmǝwò vàà wò yɔ̀ àɖàŋùɖétɔ̀wò kiɖe amǝcici ké lé isaɛl awo và wòdɔ̀ amǝ̀wò bé wawɛkpɔ̀ amǝdɔ̀dɔ̀ awò va cò gàkpàmǝ. ²² Ke àmǝàwò vɛ̀ dòà wo ŋkpɔ amǝɖǝ̀ lè gàkpamǝ̀ o. wo trɔ̀ va i va nù bé. ²³ Ké miwɛ ɖoà gá́kpàmǝ̀hɔ̀àwo ̀ gbe le tùtù ɖɛ pɛpɛpɛ jɔlàwò cà wó gbé le xɔxɔ̀ awònùɖɛ gaŋke ke mihùehɔ́á miŋkpɔ̀ amǝ̀ ɖekɛn o. ²⁴ Ke amǝgààwo sé enyɔ̀ là wò càkà sù gbɔ̀ i le bù enuke kàvà jɔ̀ à kpɔ̀ . ²⁵ Amǝɖékàwò và nu nǝ wò bé amǝ ke mi létuàwò ilé kpranù amǝwò le gbe ɖoxɔ̀mǝ̀ kǝ. ²⁶ Zéɖékàà àmǝ̀gà kiɖe ye gɔ̀mǝ nɔtɔ̀wo ̀ yi ivɛ kprɔwò và woŋkprɔ wò kiɖe ŋusɛ po ɖobé wolé vɔ̀vɔ̀ be amǝhàwò axù ǝkpǝ̀ yéwò . ²⁷ Ké wò kprɔ̀wò váá wò nà i wò jǝtǝ dé cojoɖotɔ̀a yé ŋkɔ̀ i àmǝ gàà nù nǝ wò be: ²⁸ Mide ésé nǝ mi kòŋ be mi ŋkagbe kpranù le amǝŋnà yé ŋkɔ̀ mǝ o gaŋké mina i miànùkpákprà kaka de yerusalem ɖua seé mǝ i mi ɖoe be yewo ahɛ fipodé kélé yé kù mǝ a va miaji. ²⁹ Pɔlu kiɖe àmǝ̀dɔ̀dɔawò ɖoŋ be Mawu ijé bé miàɖotò nyi agbétɔwò o. ³⁰ Yesu amǝ ke mikrà de àtiŋù iwù àà miàkuku wo mǝ . ³¹ Mawu doé de eji i cɔɛ̀ de ye ɖusi mǝ be nanyi kprɔ là kiɖe xɔnamǝtɔ̀ nǝ ànà bé israɛl dùwò nà trɔ̀ jimǝ cagbe nǝ wà cɔ̀ wò nuvɔ̀wò kéwò. ³² Miawò inyi ɖaséɖitǝ̀ co ̀ énùŋna wò ŋu, gbɔ̀gbɔ kɔkɔa kǝ Mawu na nǝ amǝkǝ ɖòtoéawo à cà denǝ gbefà. ³³ Ke wòsè enyɔilawò xomǝfiɛ lé wò i wò ji bé yéwòawu . ³⁴ Ifia farisitɔ̀ ɖékà ké wo nǝ bé gamaliel ke nyi ésé kpratɔ̀ i amǝsiamǝ bubuŋua co iɖégbe be woakprɔ ŋùcùà wò do gbɔ̀xò . ³⁵ I inù nǝ yétɔwò be: Israɛl ŋùcùwò mikpɔ mia ɖeki wò ji le enu ke miɖò̀ be yé wò kàkà wò kiɖe amea wòà ŋù. ³⁶ Le kpɔ dǝ ŋù me ke ŋ gbɔxo nǝ ŋkeke mawò na ɖò a teuda va le nube ye nyi ame dékà i amǝ sugbɔ sigbe nǝ kàwò le ye ŋye wpo wui i ame ke kprɔdo ɖɛ a wo gbando i wo tɔ vɔ. ³⁷ Le amehina ŋgbe a yuda galileatɔ aca va do le ŋkeke ke ji wo le ŋwrɔ ŋkɔle a ji i kprɔ amewo de de kia ŋu. ŋuciu na ca ku i ame ke kprɔ do ɖea wo gbando. ³⁸ Ye i dɔ i si gbé né enu a wo le dɛ a ŋ le nu nǝ mi be mi ŋka ta ci wo do be ne enyi be agbe tɔwo gbɔ i ɖoɖo alo eɖɔ la to a a va dahɛn. ³⁹ Vɔ a ne i nyi be Mawu gbɔi i icò a mi ŋ ka téŋ dahɛn o mi a nya be Mawu i mi le wɔ ahɔa kiɖo >> ⁴⁰ Seŋ yi ji a wòyɔ Apostolo awò xo wo i ɖé sé né wo be woŋ ka gbé xo nu le ye su ŋkɔa me o i wo ta ci wo ɖɛ i wo yi. ⁴¹ I le bɔbɔ ame i kpɔ ji jɔ be ejé be woa do ehɛn yowo de ŋkɔ ata. ⁴² I le ŋke ke nawo jia, le gbe bo xɔ me kiɖe le oxowo wea wo le kpr a enu i le xo eɖɛ be yesu i nyi kristo.