ATCHAMADO_BEN-aug_act_text

Eta 28

¹ Mìvá do dé àxùkpóà ji (àbràkpá) keŋ gbɔ̀xí í vá nyá bé wóyɔ́nǝ léenà be malta ² Leléna towo nyɔ̄ adé dé miáŋú. Ke écí́ leja, i vuʋɔ̀ lewɔ̀ata, wó bɔ̀zò nǝmí be miáxú.Wóxɔmí i kpede miaŋú. ³ Ké Petro cɔ́ ánáke ɖéká de ézoamǝa, édà ɖeka do le anakea mǝ i tro de alɔmǝ cà̀obe zozoatɔ̀, ⁴ Ke ameawó kpɔ edā kpótó ŋnà trɔ́dé yé gbǝtínuā, wó́le nú nǝ nadekiwó be:Amǝwutɔ́ i amǝlá́ la nyí kòkòkò̀,éteŋú do á́brákpá cóaxùamǝ, gaŋke kò́jo dodo ɖótɔ́a ŋji be, ná yi àgbeà ji o. ⁵ Gaŋke, ehùhù àlɔ̀ ,i edā gejɛn dé ezòámǝ, i enudé ŋwɛ̀ o. ⁶ Amǝàwó le kpɔ́ emɔ̄ be akɛn ɖù i àgejɛn íkú zédéká.Ke wó le kpɔ́mɔ̄ kéké ivā le ɖiŋdià, enúdé ŋle wɔ̀ Petro oa, wótrɔ́ susu itɔ́ núní be, Mawu ɖáwó i ànyi. ⁷ Ămǝgãxócici ɖékà le àxukpóà ji yé ŋkɔ̀ inyi pudio, yéxó tebɔ̀̀ léná, éxɔ̀ mí nyɔŋgbi i mi zɛn gbɔ́ nǝ ŋkeke amǝtɔ̌. ⁸ Evámǝ be publio ye mǝgā le mrɛnxó dɛ, ɖobe àsra lée,(huevɔ́)lée), ilé de àdɔ̄mǝ ca, Pɔlu yi gbɔ̀, i xoɖe, i dàsí de ji i yɔdɔɛ. ⁹ Le enùjɔjɔ ila yi ŋgbea, dɔ̌nɔ̌ ke le áxúkpɔ́a ji awo see tɔ́ Pɔlu gbɔ vává, i ida edɔ̀ nǝ wó. ¹⁰ Klodé bùbù miáŋu, ināmi énú sugbɔwó, i ke miɖó tɔjihû ika cóà, wócɔ́ enù ɖe siaɖe ke miá téŋú́ va hiã̃ de ehũ̃amǝ né mi. ¹¹ Le wreti amǝtɔ̃ yé ŋgbeá, miɖó́ éhũ ɖeká keŋù wó́ŋrɔ̃ dó́ be: Zeus viwo. Tɔjihũa có Aleksandria wá́ ci axúkpó́á ji le vùvɔ̀ gamǝa. ¹² Ke mivá́ ɖó Sirakusaa, mínɔ̄ lénà nǝ ŋkeke àmǝtɔ̄. ¹³ Ke micó lénà, míváɖó Regio, ye ŋkegbeamǝà, aya ɖéká xo có àfɔde, le ŋkeke eveatɔ́ jia, mi vaɖo Puteoli. ¹⁴ Míkpɔ́ nɔ̄ví ɖékáwó lenà, i wó ɖe kuku nǝmibé mia nɔ̄ yewó gbɔ, ixɔ ŋkeke adré. Ke mìcóà, mi tùtà, Roma. ¹⁵ Ke, nɔ̄vi ke le Romawo se, be migbɔnɔ̄a, wóva dógomí le kéké Apio fi mǝ kiɖe amǝjró zɛnxó amǝtɔ̄awo mǝ bȩ yewo àkpɔ́ mí. Ke Pɔlu kpɔ́ nɔ̄viawoa, ede akpé nǝ Mawu, i ido ŋusɛ̄n. ¹⁶ Ke míɖó Romà wò ɖǝmɔ̀n nǝ Pɔ̀lù bǝ ̀ nànɔ̀n ɖekiasí vo a wó ɖǝ sajawò bǝ wàlǝ jɔ ŋú. Ye nycɔmǝa, Paolo yɔ yuɖàtǝ̀wò mǝganxò wó bɔ i bé: ¹⁷ Nɔvínyǝwo, tò gbɔ̀ bǝ nyǝŋwɔnu manyɔ̀n ɖǝ o , kpo, ŋǝŋ da lǝ mì̀a tǝgbiwò se dǝ̀ jio a, mìa tǝ wò tiŋ̀ dǝ gà kpámǝ le yerusalem i cɔŋ dasi nǝ romatɔwo . ¹⁸ Ke wó vá kunyɔan mǝ kitò a, wová dǝ̀ dǝsii bǝ̀ nyǝ ŋwo enúɖǝ kǝ jǝ nǝ̀ ekù o, i wòjibǝ yǝwà gbǝ̀ ŋɖɛ́. ¹⁹ Yúdátówó gbǝ̀ wónú wɔwɔa ná keku ŋvá be roma ye fiɔgan cesar ŋtá ná co ny ɔmǝŋ̀ tógbɔ bǝ̀ nyǝŋ nú nyɔvɔɛn ɖǝ̀ dǝ̀ mìan dua ŋú o. ²⁰ Enúkǝ dɔ i ŋleji bǝ̀ mákpɔ̀ mí nǝ̀ má xo nu kiɖǝ mìan nǝ, ɖibǝ israël viwó i dɔ̀ ì wó dǝ̀gaŋ ɖɛ́. ²¹ Wó ɖóŋú nɛn bǝ́: Míáwó mí ŋxɔ wémá ɖǝ́ có yúda ku có eŋúwò alɔ amǝɖǝ́ ŋcó yúda ivá nú enyɔvɔɛn ɖǝ́ có nuwò o. ²² Ífia mi ji bǝ́ míase tɔ susu ɖobǝ́ amewó lǝ xonu có tɔɔ́háŋú le àfisiàfí. ²³ Wóɖó ŋkǝkǝ nǝ́ wPɔlu ke ŋkǝkǝa suan, amǝwó see va bɔ dǝ Pɔlu gbɔ lǝfi izǝan. Ǝdǝ Mose ye sea, Mawu gbǝfán ɖǝtɔ́wó wémáá, Mawu ye fiɔɖuɖu kiɖǝ amǝkǝ Yesu nyia mǝ néwó. Elǝ ɖǝgɔmǝ nǝ́wó có nyidín kǝkǝ ezandó. ²⁴ Amǝɖowó kaɖǝ enyɔ kǝ ìlǝ núá jí vɔa amǝɖǝwo ŋká ɖǝ ji o. ²⁵ Kǝ mámán vá wòmǝ̀a, gbɔxò nǝ̀ wá kakaà , Pɔ̀lù nu nǝ̀ wò bǝ̀ gbɔngbɔn kɔ kɔa yǝ nyɔ jɔ kǝ ixonu nǝ mìan tɔgbiwo to Mawu gbǝfan ɖǝtɔ̀ yesaya ji bǝ̀. ²⁶ Yi nǝ̀ nà vɛ nú nǝ̀ wò bǝ̀: mían see kiɖǝ̀ mían tówo, vɔa mì ŋná sǝgɔmǝ oo, mían kpɔɛ gàn vɔ̀ à mi ŋnà dǝsii oo. ²⁷ Ɖóbǝ̀ dukɔan yǝ susù kù ye tówó kú, i wó mìǝ̀n ŋkúví nǝ ŋnyi enǝ aá wánǝnǝ lǝ sǝtónú ilǝ kpɔ̀ ŋunú í wó susúwó álǝ sǝ núgɔmǝ nǝ̀ wátrɔ̀ dǝ eŋùnyǝ nǝ ma dadɔ̀nǝwó Enyɔ kǝ mi lǝ gbǝa ɖò amǝ bù lǝmǝ kǝ ŋnyi yudátɔ̀àwó o gbɔ i wo xɔɛ ²⁸ Pɔ̀lù wu yǝ nyɔan nu bǝ Enyɔ kǝ mi lǝ gbǝa, ɖɔ̀ amǝ bú lǝmǝ kǝ ŋnyi yudátɔ̀awó o gbɔ i wo xɔɛ. ²⁹ Ki inu enǝa yudatɔ̀wò yi ivɛ le nyɔan kpɔ̀. ³⁰ Pɔ̀lù hájáxɔ lǝ afiɖǝ̀kà ì nɔn lǝ̀ na nǝ xovǝ amǝkǝ vá nǝ gbɔ̀a wóá, exonǝ wó see. ³¹ Í na lǝ dǝgbǝ̀fan Mawu ye fiɔɖuxóá et na le kpránù có yesu ŋu, amǝɖǝ xǝ̀ mɔn nɛn o.