ATCHAMADO_BEN-aug_1th_text

Ǝta 5

¹ Ŋ́fíá, kúdé gamɛn wò kídé ǝnùɔ́nrin wò ŋ́ á, nɔnvíwò, ŋ́gbǝ́ híán bǝ́ wò á ŋrɔ́nú nɛn mì kùdé ǝnù ŋ̀nan wó ŋ́ o. ² Ɖóbǝ́ mì táwò mí nyan nyɔnŋ̀gbin bǝ́ gbǝ́kikǝ́ àxotɔ́ lá vá wɔ́ɖɛ́ sigbǝ́ fláfítɔ́ và fian nan mǝ ǝzanmǝ ǝ́nɛ́n. ³ Kǝ́ wó nù bǝ́: «ŋ́tífáfá, kídé dǝdíénɔnɔn,» ŋnán mǝ án cɔncrɔ́n kpata& la jǝwòjí. Í lá wɔɖɛ́ sígbǝ́ nɛn, nɛ́n nyɔnrun ǝfúnɔn kaa jiví ì sǝ nɛn vǝ́vǝ́ ǝ́ nɛn. Wó ŋ́ ka tǝŋ́ sí lǝ nù o. ⁴ Vɔ̀à nɔnvínyǝ wó, mì an wó mì ŋ́ lǝ́ zúblúmǝ, nɛn ŋkǝ́kǝ́ ŋ̀nán nan vá fíán mí sigbǝ́ fláfítɔ́ ŋ nɛn o. ⁵ Ɖóbǝ́ mì an wó séé mí nyin kɛ́nklɛ́n yé ví kídé ŋkǝkǝ yé vi. Mì ń nyin ǝzan mǝ víwò, alóó zúblumǝtɔ́ wó o. ⁶ Yé í dɔ́ á, mí ŋ̀ ká danrɔ́n sìgbǝ̀ wó cáwó ǝ́ nɛn o, vɔ̀á mí dɔ́nzan, í mì nɔn acǝ́jí. ⁷ Ɖóbǝ́ arɔ́ndɔntɔ́ wò dɔ́n nɛn arɔ́n ǝzan mǝ, í ahanú mútɔ́wo á, múnɛn ǝzan mǝ. ⁸ Vɔ̀à kǝ mí nyin ŋkǝkǝ yé víwo à, mì an nɔ́n acǝ́jí, mì án dó xɔsǝ kídé rɔnrɔn yé wùa nɛ́n mì án kádé ɖǝɖǝkpɔ́kpɔ́ kǝ́ gbɔ̀nɔ́n à jí. ⁹ Ɖóbǝ́ Mawu ŋ wɔ̀ mí bǝ́ mì án nyin xómǝfíɛn tɔ́ o, vɔ̀á mì an kpɔ́ ɖǝɖǝ tó mì an xotɔ́ Yesu Christo gbɔ́. ¹⁰ Yé í nyin amǝ kǝ kú dǝ́ mì an tá, bǝ́ nɛn mí lǝ́ŋ́ɖɛ́ alóó mí danrɔ́nɖé à, mílɛ́ kídé. ¹¹ Tó ŋ́nan mɛn án, mí dó ŋ́sɛ́n mì an ɖǝkíwó, í fàkɔ̀ nɛn mì an ɖǝkíwó, sígbǝ́ mí lǝ́wɔɛ́ gbɔ́nɔn xóxó ǝnɛn. ¹² Mí lǝ́ bíɔ́ có mì án gbɔ́ bǝ́: nɔnvíwo, mì án dǝ́ dǝsí àmǝ kǝlǝ́ wɔ̀dɔ̀ wú á wó lǝ́ àxotɔ́ à mǝ an nɛn wá lǝ́ kpránú mí. ¹³ Ŋ́lǝ́ ɖǝkúkú nɛn mì bǝ́ lǝ́ rɔnrɔ́n mǝ cágbǝ̀ ǝdɔ́ kǝwò lǝ́ wɔ a tá. Ŋ́tifáfá nán nɔ́n mì án dómǝ. ¹⁴ Nɔ́nvíwò, mí lǝ́ kprá mí bǝ́, mì an krán àmǝ kǝlǝ́ nɔ́n àgbǝ̀ báɖaɖa wò, mì dó ŋsɛ́n àmǝ kǝ gbɔ̀jɔ̀ à wò, mì kpǝ́dǝ́ amǝ kǝ ŋ́ wɔ ǝgan ɖɛ́ a wò ŋ́, jìgbɔnɖɛ́ nán sunŋ̀ àmǝsìàmǝ sí. ¹⁵ Mì kpɔ́ mì an ɖǝkíwò jí àmǝɖǝ́ ŋká cɔ́ ǝnúvɔɛn túfin dǝ́ ǝnúvɔɛn tóhó o. Tovonɛn ŋ́nan, mì kpɔtɔ í lǝ́ wɔ́ ǝnù kǝ́ nyin ǝnù nyɔnŋ́gbin á nɛn mì an ɖǝkíwò. ¹⁶ Mì nɔ́n àyǝ́títɛ́ mǝ gàsíágàmǝ. ¹⁷ mì lǝ̀ dógbǝ́ɖá mangbɔ́jin mangbɔ́jin. ¹⁸ Mì cɔ́ àmǝnuvǝ́vǝ́ nɛn ǝ́nú ɖǝsíaɖǝ́. ɖóbǝ́ yé í nyin Mawu yé jíjí tó Christo Yesu jí nɛn mì. ¹⁹ Mì ŋ́ ká nan nɛn gbɔngbɔn án nán cí o. ²⁰ Mì ŋ ká dòvɛ́ nɛne ǝnyɔnu ɖɛ́ à wó o. ²¹ Mì dò ǝnú ɖǝsíaɖǝ́ kpɔ́. Mì kúdé ǝ́nú nyɔngbin wò ŋ́. ²² mì gbǝ́ ǝnúvɔɛn wɔ́wɔ́. ²³ Mawu yé ŋ́tífáfá nan cɔ́n mì an jí kǝ́ŋ́kǝ́ŋ́. Nɛn mì an gbɔngbɔn, mì an lúvɔ́ kídé mì an ŋ́tíran nán nɔ́n kéɖɛ́ɛ́ nɛn ɖùxó mán nɔ́n ŋ́ kǝkǝ́ nɛn gàkǝ́mɛn mì an xotɔ́Yesu Christo nán gbǝ́ trɔ́vá. ²⁴ Àmǝ kǝ́ yɔ́ mì an ǝnyin ǝnú dódówɔtɔ́, í yé í là wɔɛ́. ²⁵ Nɔ́nvíwó, Mì dógbǝ́ɖa dǝ́ mí á tá. ²⁶ Mì cí nɔ́nvíwò sǝé, í gbúgbɔ́n ǝnú kɔ̀kɔ̀ nɛn wó. ²⁷ ŋ́ tá Mawu bǝ́ mì an rɛ́n lɛ́tá ǝlà nɛn nɔnvíwó seéé. ²⁸ Mì an xotɔ́ Yesu Christo yé àmɛnuvǝ́vǝ́ nan nɛn kídé mì.