¹ Le gaxoxo xɔn mɛ ke lɔ, amɛdewo tsinɛ le xɔn lɔ ɖe enyawo tsinɛ djɔ ɖo Galiliatɔwo tsinɛ Pilato wuwo le gatsimɛ wole avɔsaɔ dji. ² Eɖɔŋtsi nɔwo be: Ɖeyi mi xɔɛse be Galilia tɔ xɔnwo nyi nuvɔn watɔ sɔwu Galiliatɔ kpɛtɛwoa, yiŋtsi wokpefuŋ lexa ɖoa? ³ Ŋle nunuiɔ nɛ mi be o. Vɔ nɛ miŋtrɔ djimɛ olɔ, miawo tsan mila trɔn lexa pɛpɛpɛ. ⁴ Alo ɖeyi mi xɔɛse be amɛ woenyi tsiwo dji Siluɛ yo asanŋ dje woenyi nuvɔnwɔtɔwo sɔwu Yerusalɛm tɔwo kpɛtɛwo tsile duamɛ? ⁵ O, ŋle nunuiɔ nɛ mi. Vɔ nɛ mi ŋde trɔ djimɛɔn lɔ, miawo tsan mila tsrɔn nɛnɛke. ⁶ Edo elo tsɛ tsan be: Nusuɖe do gbovitsi ɖo yo vingble mɛ. Eva benɛ yakpɔ atsikusɛnsɛn ledji, yi ŋde kpɔɛ o. ⁷ Ke enu vingbletɔlɔ be: xoetɔn yike ŋle vavaɔ benɛ maɖe kusɛnsɛn, yi nyɛ ŋde le kpɔkpɔɛ ɔ. Sui: ŋde ŋtsi yi yixɔ anyignan lɔ gbagbalo nɛnɛ ? ⁸ Vingbletɔlɔ ɖoŋtsi nii be: Axoetɔ, ɖatii woɛyɛmɛ tsan, naku gɔmɛ nii trɔdo, yi nadji kɔkɔli asɔdo gɔmɛ nii. ⁹ Amɛɖe ŋde nyanɔ anuo ŋkekewo tsi gbɔnɔ lɔ elasɛn eku, ŋ'nɛnɛɔ lɔ wola tɛnŋ soe. ¹⁰ Yesu le enufiaɔ le sabati gbe le gbedoɖaxoe ɖe. ¹¹ Yi kpɔ, nyɔnuɖe tsimɛ yi gbɔngbɔnvɔn lemɛ so exoe woenyi lɔ lexɔn, gbɔngbɔnvɔn nabe exa goba yi ŋde tɛnŋ le fɔnfɔnkɔ. ¹² Tsinɛ Yesu kpɔɛ lɔ, enu nii be: Nyɔnu, wokpɔ katutu le axo gbɔdjɔgbɔdjɔ mɛ. ¹³ Yi yidasi ɖodji. Zeɖeka lɔ, nyɔnua fɔn, yi tɔ Mawu kakafu. ¹⁴ Vɔlɔ gbedoɖaxoe tɔlɔ yo amɛgan bidji le tsimɛ yi Yesu dadɔ nɛ nyɔnu le sabati gbe, nu nɛ amɛha be: ŋkeke adin le benɛ woawɔ dɔ, miva le gbexɔnwo gbe benɛ woadadɔ nɛ mi, ŋde sabati gbeo. ¹⁵ Ayemɛnuwɔtɔwo ! Axoetɔlɔ ɖoŋtsi nii be, amɛsiamɛ le miadomɛ ɖe, mi ŋɖenɔn eka mia nyiwo le sabati gbe sɔso mia lankpɔwo mɛɔn, alo esɔakɛtɛ miatɔ benɛ yayi nu esi o? ¹⁶ Yi nyɔnu tsɛ tsinɛ nyi Abraham yo vi, yi Satana le bla exoe woenyi kpata ɖe, wona ɖe egaɛ le sabati gbe o? ¹⁷ Gatsimɛ yi yile nuxo tsɛ xoɔ lɔ, enu kpɛn amɛtsiwo so ɖo ŋtsi yi amɛhalɔ le djidjɔ kpɔɔ sɔso ŋtsikɔkɔɛ nuwo kpata tsi yile wɔwɔ ntsi. ¹⁸ Egbe nu ke be: ŋde wolasɔ djipo fiaɖuxoɛ sɔ sɔ, alo ŋde yi yila ɖi? ¹⁹ Eɖi Seneve yo atsiku tsinɛ nusuɖe sɔ sɔdaŋkpɛn ɖo yo abɔ mɛ, amiɔn, trɔzu atsi, yi djipo xeviwo vale yo atsi lɔzuɛnuwo dji. ²⁰ Egbe nu ke be: ŋde nasɔ Mawu yo fiaɖuxoeɛ sɔ sɔ ? ²¹ Esɔ kudo ƴesi tsinɛ nyɔnu ɖe sɔdo ewɔ agban ɖeka mɛ, benɛ yaho aman kpata. ²² Yesu to aduganwo kudo kɔxoewo mɛ, le enu fiaɔ, yi yizɔn tuta Yeruzalɛm. ²³ Amɛɖe biɔɛ be: Nyawo yinyi be amɛ viɖewo kpoe lagan ? Eɖoŋtsi nɔwo be: ²⁴ Midje agbagba benɛ miato hɔntru tsi xaxa mɛ. Ɖoŋtsi, ŋle nunuiɔ nɛ mi be amɛ gbogboɖewo la djibe yewo aɖo emɛ, ganke wo ŋda kpeŋtsi o. ²⁵ Le gatsimɛ yi amɛtsi kpatsɛ nɛ axoelɔ la tsite yi yila tu hɔntrulɔ, yi miɔwo le egodo miladje agboa xoxo abe: Axoetɔ, Axoetɔ huin nɛ mi lɔ ! Ela ɖoŋtsi nɛ mi be: Nyɛŋde nya afitsi miso. ²⁶ Yi milanɔ nunuɔ be: Miɖu nu, yi minu nu le axo ŋkumɛ, yi wofia nu le mia kpadowo mɛ. ²⁷ Yi yila ɖoŋtsi nɛ mi be: ŋle nunuiɔ nɛ mi be, nyɛ ŋde nya afitsi mi so, mi teyi le gbɔnyɛ, mia numanyɔnmanyɔn watɔwo kpata. ²⁸ Xɔn yi avifanfanwo kudo aɖuklui ɖuɖuwo lanɔn, nɛ mikpɔ Abraham, Izaki kudo Yakɔbo, kudo nyɔnuɖɛtɔwo kpata le Mawu yo fiɔɖuxoɛ mɛ, yi wolasɔ mi danŋkpɛn ɖo egodo. ²⁹ Yi wolaso woezexoe, woetoɖoxoe, djigbedji kudo gɔmɛgbedji, yi wolanɔ ekplɔn ŋtsi le Mawu yo fiɔɖuxoeɛ mɛ. ³⁰ Yi mikpɔ, amɛ kpɛtɛwo latrɔzu amɛ tutugban tɔwo, yi tutugban tɔwo latrɔzu kpɛtɛwo. ³¹ Gbehɔngbe ke lɔ, fariziatɔ ɖewo va to nii be: Djo, djo le fiɛ, ɖoŋtsi Herodi le didiɔ la wuwo. ³² Eɖoŋtsi nɔwo be: Miyi, yi mianu nɛ wǝataklɛ hɔn be: Nanya gbɔngbɔn vɔnwo yi nadadɔwo egbɛ kudo esɔ, yi le ŋkeke etɔngɔn gbe lɔ nawu nu. ³³ Vɔlɔ, ehian be mazɔn egbɛ, esɔ kudo ŋkeke tsila kplɔɛdo; ɖoŋtsi ŋde dje be nyɔnuɖɛtɔ ɖe nɛtsrɔn le Yerusalɛm godo o. ³⁴ Yeruzalɛm, Yeruzalɛm tsinɛ le nyɔnuɖɛtɔwo tsi wo dɔ ɖoɖa wo wuɔ yi le ekpe xoɔ wo, zenɛnɛ yi ŋdji be mabɔ viwo wo, sigbe be letsi koklo bɔnɔ viawo ɖo yo wɔada mɛ nɛnɛ yi mi ŋde lɔn ! ³⁵ Mikpɔ, axoe miatɔ latsi toto nɛ mi, vɔ ŋle nunuɔ nɛ mi be, mi ŋde gba kpɔŋ, kakavana gbetsigbe yi mila nu be: woyra amɛtsinɛ gbɔnɔ le Axoetɔ yo ŋkɔ mɛ !