¹ Yesu le egbe doɔɖa gbeɖeka le texoeɖe mɛ. Tsinɛ iwu gbedodoɖa lɔ, nusrɔnviɛ ɖeka tonii be: Axoetɔ, fiɔmi gbedodoɖa, sigbebe aletsi fjan ƒiɔ nusɛɔnviɛwo nɛnɛ. ² Etonɔwo be: Nɛ mile gbe doɔɖa lɔ, minu b: Miatɔ! Axo ŋkɔ ŋti nɛkɔ; axo ƒiɔɖuxoɛ nɛva. ³ Nami gbesiagbe yo kpɔnɔn; ⁴ Sɔ mia nuvɔnwo sɔ kenɔi, ɖoŋti miatsan misɔnɔ amɛsiamɛ tsinɛ djenɔ agɔ le miaŋtsi yi ŋgbe sɔmi do tetekpo mɛɔn. ⁵ Egbe nu nɔwo ke be: Nɛ amɛɖe le miadomɛ tsinɛ ɖo xɔlɔn ɖekab, yi yivayi kpɔɛ le zanɖomɛ yi nu nii be: xɔnlɔnyɛ naŋ akpɔnɔn amɛtɔn . ⁶ Ɖoŋtsi xɔnlɔnyɛwo yo domɛtɔ ɖeka va gbɔnyɛ, yi nyɛŋde ɖo nuɖekpe laso xɔɛ o. ⁷ Yi nɛ, yiɖoŋtsi nɛ nɔviɛ le yo xɔgamɛ be; ŋgbeɖo nuxo nuŋ o, hɔntrubɔ tsu vɔ xoxo, yi nyɛ kudo vinyɛwo mimlɔn anyi nyɛ ŋde de tinŋ fɔn asɔ akpɔnɔwo asɔ nawo. ⁸ ŋle nunuɔ nɛ mi be, nɛ ŋde dja fɔn asɔ akpɔnɔnwo sɔ nii ɖoŋtsi xɔlɔn yɔlɔ, elasɔɛ nii ɖo nuxo tsi yile dodoɔ nii, yi yilasɔ nutsi djiɔ yi yile kpata asɔ nii. ⁹ Yi nyɛ ŋle nunu ɔ nɛ mi be; Mi biɔ yi wolana mi, midji, yi milakpɔɛ; mi xoe yi wola huin nɛ mi. ¹⁰ Ɖontsi amɛtsinɛ biɔ lɔ xɔnɛ, amɛtsinɛ dji lɔ kpɔnɛ, yi wo hunii nɛ amɛtsinɛ xonii. ¹¹ Mɛŋde le miadomɛ yi yinyin tɔ, vɔ lasɔ ekpe asɔdo alɔmɛ nɛ viɛ lɔ nɛ ebiɔɛ akpɔnon? Alo be nɛ ebiɔɛ akpavi lɔ, yilaso edan asɔdo alɔmɛ nii ɖo akpaviɛ texoe? ¹² Alo nɛ bio azin lɔ , yilaso akekle nii ɖo yo texoe? ¹³ Nɛ minyi eku nyanyra tɔwo ganke minyanɔ enu nyui nana mia viwo lɔ, ɖeyi miatɔ tsinɛ le djipo lagbe gbɔgbɔn kɔkɔɛ nana amɛtsinɛ la biɛɔ. ¹⁴ Yesu ,ya amumui gbɔgbɔn ɖe. Tsinɛ yito lǝ, amumuinɔ lɔ xo nuxo, yi ŋmɛ wɔ yaa nɛ amɛwo. ¹⁵ Ganke amɛɖewo nu be: Bɛlzebul yo gbɔgbɔn tsinyi gbɔgbɔvɔnwo yo fia yi yisɔle gbɔgbɔwo nyaɔ. ¹⁶ Yi amɛbuwo nɛ wola doekpɔ lɔ biɔ djesi so djipo. ¹⁷ Tsinɛ yesu nya wo susu lɔ,enunɔwo be: Fiɖuxoe sia ƒiɔɖuxoe tsinɛ man le yiŋtɔ ɖokui mɛ lɔ lagban, yi exɔɖe lamudje nɔviɛdji. ¹⁸ Nɛ satana man le yiŋto ɖokui si lɔ lede yo ƒiɔɖuxoe latinŋ nɔ anyi, ɖo mile nunuɔ be ŋsɔ bɛlzebul yo gbɔgbɔn sɔle gbɔgbɔvɔwo nyaɔ? ¹⁹ Yi nɛ nyɛyɛ ŋsɔ bɛlzebul yo gbɔgbɔ sɔle gbɔgbɔvɔwo nyao lɔ; mia viwp; tsiŋde wosɔle nyanyɛwɔ? yiŋtsi wawo yilanyi mia kodjoɖotɔwo. ²⁰ Vɔ nɛnyi Mawu ya alɔvi yi ŋsɔle gbɔgbɔnwo nyaɔ lɔ, ke Mawu yo ƒiɔɖuxocɛ va mia gbɔ. ²¹ Nɛ nusu sɛŋsɛŋ tsi blakpa nɛ yo axoe kudo ahwawɔnuwo lɔ, nutsinɛ lasi, ŋda bu o. ²² Vɔ, nɛ amɛbu tsi sɛŋ wui va yi yiɖuidji lɔ, ela xɔ yo ahwawɔnuwo tsi ŋtsi yi dodji ɖo, yi yilaman yo kɛsinɔnuwo. ²³ Amɛtsinɛ ŋde le anyi kudoŋ lɔ sodo ŋtsinyɛ yi amɛtsinɛ ŋde le exu bɔɔ kudoŋ o, le nua kankan ɔ. ²⁴ Nɛ gbɔgbɔn makɔmakɔ tole amɛaɖe mɛ lɔ, eŋinɔ ɖo zogbewo mɛ ku susu be yadji texoe tsi yaɖiɖomɛ le. nɛ ŋde kpɔɛ o lɔ, enunɔ be : Natrɔyi axin xome afitsi ŋdjo le; ²⁵ Yi nɛ evalɔ ekpɔni le kplɔkplɔ kudo atsɔɖoɖo. ²⁶ YI yidjonɔ, vayi kplɔnɔ gbɔngbɔn ŋdrɛ bu tsiwo vɔn wui; woɖonɔn exɔa mɛ, yi vayi nɔnɔ anyi, amɛlɔ yo gbenɔnɔ kpɛtɛ lɔ nyranɔ sɔwu tutugbantɔ. ²⁷ Le gatsimɛ yi Yesu le enyɔtsɛ nuɔ lɔ, nyɔnu ɖe do axua le amɔwo dodomɛ be: wo yia xodo tsinɛ mɛ yo onɔ! wo yra anɔwo tsinɛ wo no ! ²⁸ Yi yinu be: wo yra bohun amɛtsiwo senɔ mawunya yi wɔnɔ ɖodji! ²⁹ Tsinɛ amɔwo le bɔbɔɔ ɖo gbɔlɔ , de nunuɔ be: djindjimɛ tsɛ nyi djidjimɛ baɖa; ele nukunu biɔ yi nukunu tsi wola sɔ nii yinyi yonasi tɔ. ³⁰ Ɖoŋtsi tsinɛ yonasi nyi nukunu nɛ niniwoetɔwo lɔ, nɛnɛkɛ. Amɛgbetɔvi lɔ lanyi nɛ djidjimɛ tsɛ. ³¹ Efiɔnyɔnu djigbetɔ laso le kodjoɖoɖogbe kudo djidjimɛ tsɛ yo mɛwo, yi laɖo kodjo nɔwo, ɖoŋtsi eso anyigban lɔ yo vɔvɔnu va ɖoto salumɔn yo nunya,ganke mikpɔamɛtsiwo wugan salumɔwo le ƒiɛ ³² Niniwoetɔwo laso le kodjoɖoɖogbe kudo djiejimɛ tsɛ ,yi laɖo kodjo nii Ɖoŋtsi wotrɔ djimɛ le yonasi yo mawunya nunu lɔ mɛ; qanke amɛ le fiɛ tsinɛ wugan yonasi. ³³ Amɛɖekpe ŋde sunɔ kanligbin yi sɔ danɔ ɖo texoe yayla alo ekplɔngɔmɛɔn,vɔlɔ ekplɔntamɛ yi wosɔni danɔn ɖo benɛ amɛtsiwo laginɖo mɛ lɔ wo nɛkpɔ kinklin. ³⁴ Axo ŋkuvi yinyi kanligbin nɛ axo ŋtsi? Nɛ axo ŋku le nyuiɖe lɔ, axo ŋtsigbeɛ tsan la kɔ ; vɔ nɛ ŋkuvi tɔwo le edɔ lɔ, axo ŋtsigbea kpata lanɔ vivitsi mɛ. ³⁵ Kpɔnyuiɖe be kenklɛn tsinɛ le mɛwo ŋgbe nyi vivitsiwo o. ³⁶ Nɛnyi be axo ŋtsiɛ kpata kɔ, yi texoe ɖe ŋde le vivitsime o lɔ, yikpata lakɔ, sigbebe aletsi kanligbɛn yo kɛnklɛn klɛnɔ nɔwo nɛnɛ. ³⁷ Gatsimɛ yi Yesu le enyɔ tsɛwo nuɔ lɔ, fariziatɔ ɖe vaɖeo kuku nii benɛ yava ɖunu le yegbɔ. eyi gbɔ, yi wole ekplɔn ŋtsi. ³⁸ Ekpatsa fariziatɔlɔ, be ŋde klɔ alɔ gbɔxoe le enua ɖuɔ. ³⁹ ganke axoetɔlɔ to nii be: Mia fariziatɔwo,miklɔnɔ kɔkpo kudo agban gbadjɛ yo tomɛ, vɔlɔ le mia dɔmɛa enunyanyrawo kudo eguintete. ⁴⁰ Enumanyatɔwo! Amɛtsinɛ wɔ tomɛlɔ n'yeke wɔ adɔmɛlɔ? ⁴¹ Misɔ enutsi le adɔmɛa sɔwɔ nunana yi milakpɔ be enuwokata lakɔ nɛ mi. ⁴² Vɔ baba nɛmi, fariziatɔwo! Ɖoŋtsi mitunɔ amagbewo kpata yo enu wolia, Mentitɔ, ganke miglenɔ enudjɔdjɔɛ wawa kudo mawu yo lɔlɔn danɔɖɛ:Etsɛwo yi milawo yi mi ŋda gble kpɛtɛwo sɔdaɖɛ o. ⁴³ Baba nɛ mi, fariziatɔwo! Ɖoŋtsi milɔnɔ texoe tutugbantɔwo nɔnɔ le mia bɔbɔwo texoe,yi midjinɔ gbedodonamɛ le dudumɛwo. ⁴⁴ Baba nɛ mi! Ɖoŋtsi mile sigbebe yɔdokpe tsinɛ. Wo ŋda tinŋ adɔmɛ nii nɛnɛ, yi wola tɛnŋ zɔndji tsinɛ wo ŋda nyɛ o. ⁴⁵ Exfiatɔwoyo domɛtɔ ɖeka xɔ enyɔ yi nu nii be: tsitsa, nɛ wole nunuɔɔ nɛnɛ lɔ; wole miatsan zuɔɛ. ⁴⁶ Yi Yesu ɖoŋtsi nii be: baba nɛ mia exfiatɔwo tsan! ɖoŋtsi midronɔ agban kpɛnkpɛnwo danɔɖo amɔwo dji;ji mi ŋde sɔnɔ alɔviwo kpenɔ ɖowo ŋtsi o. ⁴⁷ Baba nɛ mi! Ɖo miɖonɔ nyɔnuɖɛtɔwo yo yɔdokpewo tsinɛ miatɔwo wu. ⁴⁸ Mile ɖase ɖiɔ sɔso miatɔwo dɔ tsinɛ wawɔ ŋtsi yi midasi ɖowodji ɖoŋtsi woɛ wowu nyɔnuɖɛtɔwo, yi miawo mile yɔdokpeɛwo ɖoɔ. ⁴⁹ Yiŋtsi mawu yo nunya nu be: Naɖo nyɔnuɖɛtxoo kudo amɛdɔdɔwo ɖoɖa; wolawu amɛɖewo yi wolaso ɖo amɛkpɛtɛwo ŋtsi? ⁵⁰ Benɛ woabiɔ akɔŋta djidjimɛ tsɛ sɔkuɖo nyɔnuɖɛtɔwo ehun tsinɛ wokɔɖǝ kaka so xixeɛ yo gɔmɛdjedje, ⁵¹ Sɔso abɛl yo hun kakavaɖo zakaria, tsinɛ wowu le avɔsamkpliɛ kudo gbedoxɔlɔ dodomǝ; ɛɛn ; ŋle nunuiɔ nɛ mi be wolaɖo kodjo nɛ djidjimɛ tsɛ. ⁵² Baba nɛ mia exfiatɔwo !Ɖoŋtsi miɖe nunya yo saflɛ djo, migbe emɛ ɖoɖo yi miŋde ɖemɔ nɛ amɛtsiwo djibe yewoɖo amɛɔn. ⁵³ Tsinɛ yito le xɔn lɔ, exfiatɔwo kudo fariziatɔwo leɖo adɔmɛ veveɖe ŋtɔ yi wole aɖe ɖoɔ numɛ nii sɔkuɖo enya gbogboɖewo ŋtsi. ⁵⁴ Le emɔnwo treɔ nii, benɛ yewo akpɔ enyɔ baɖaɖe sɔso numɛ nii.